اجه الشيخ يعقد النا كال بسم الله الرحمن الرحيم
وبابا ظل يكح بصوت عالي كلش ويضرب على صدره
كمت ع حيلي ورحت اله بسرعة شفته محتاج مي
لزمني عمر واني دا اطلع كال تعالي يله خلي نعقد
كتله متشوف بابا خلي اجيبله مي
صيحي عليهم يجيبوله مابي شي حالته زينة
عمر شبيك مستعجل هدني شو سحبت ايدي منه
عفته وفتت جوة جبت مي ورحت شربته لبابا
وجان تندك الباب بقوووة فز كلبي وكمت على حيلي اباوع من الشباك
مريم ... طلعت رنيم وخالة تخبلت يااا هيجي عمر بسيطة
رحتلها خالة اهدي على كيفج شويه ويه نفسج
صيحت ولج خابريله بسرعة
رحت ادور التليفون اتصلت بي ماكو ميجاوب
رجعت الها خاله ميجاوب
كالت ولج خابريله من تليفوني
هو وينه تليفونج خالة
دوري ولج مابيه اكوم رجليه ماتعيني طاحظك عمر ليش هيج تسوي بيننا
رحت يمها خالة خلي يتزوجها شسويله يعني
مدري منين اجاني البرود لان تصرفاته ضوجتني كلش اخر مرة
امداج ولج هاي راح تهجم بيتج
يابيت خالة يابيت هذا شوفي تصرفات ابنج ويايه شلونهه وبعدين هيه الخسرانة لان متدري احنا متزوجين بس تدري من وحدها راح تفسخ
شوف الفاهية ولج صخميلي التليفون الكي الي وينه خلي اخابره الحك عليه
اووو خالة رايحة رايحة رحت ادور ع تليفون خالتي وافكر بلي كالته رنيم بس مقهورة عكس البرود الي ادعي ليش هيج ديسوي عمر هم تزوجني غصب وهم راح يتزوج عليه والله مو حالة هاي لكيت الفون ووديته لخالة
خابرت عليه كالت يطلعلي مغلق شمرت التليفون وكع بالكاع
للمغرب بس تكرك على راسي خابري فلان وخابري فلتان واني كدامها ثلج ومن داخلي اغلي شون رهمت مادري دا اكرهه لعمر وتندمت سلمته نفسي بس شسوي وين اروح وهم حظ ماكو والله
فتت جوة نومت زينة وطلعت شفتها متخربطة كلش الحجي هذا ساعة ١١ بالليل خابرت على خالو واجاني وداهه للمستشفى وعمر غالق تليفونه وماجه للبيت ابد واني بقيت بالبيت يم زينة ومرة خالو راحت وياهه .....
سارة ... اندكت الباب بقوووة ظليت اباوع ع شباك طلعت تارة تشوف منو ظلت تصيح اي اي زين كسرتو للباب شدعوة فتحته وفات احمد يلهث وتعبان حتى دكم قميصه مفتوحة
ظل يباوع ع البيت ويكوللها وينهم وين عمر وين ابويه ؟
اشرتله ع الاستقبال االي احنا بي وخرت من الشباك وفتحت اله الباب باوعلي ثواني وطب جوة من شافوه عمر وابو احمد كامو وكفو
تقرب احمد لعمر كاله تدري بيك تزوجت ؟ كتلها انته متزوج مريم
اني لطمت على وجهي واحمد راح لابوه يحجي ويا
بابا ليش هيج تسانده بالغلط ليش تخدعوها المفروض تكولولها انو عمر متزوج مريم من حقها تعرف والقرار الها توافق او لا
كام ابن عمي وكف بوجه عمر وظل يحجي ويا
حتى ياكد هذا الكلام وبابا وكع وصار كلش لا ايد ولا رجل رحت ركض لبابا والنسوان كلها صارت بالاستقبال واجت تارة والاء نحاول نصحي منكدر
وورايه هوسه ممفتهمة منها شي بس عركة بين احمد وعمر وصوت ضرب
طلعنا بابا من الاستقبال دنودي للمستشفى
اجه عمر كال خلوه بسيارتي
كتله عمر انته صدك متزوج لوجذب
دنك ماخلى عينه بعيني كال نحجي بعدين بهذا الموضوع سارة
كتله احجي هسه يله
هز راسه ورفع وجهه يباوعلي كال انت اعرف بالضروف
صرخت بوجهه اطلع من حياتي كاافي بعد كاافي حقير مخادع
اخذنا بابا بسيارة ابن عمي ورحنا للمستشفى
وكفت ابجي على بابا وعلى نفسي وتارة والاء يسكتون بيه واني منهارة
بقى ابن عمي يم بابا واحنا بقينا بالردهة واكفه مرتكية ع الحايط وايديه على وجهي
حسيت احد وكف يمي تخللت لانفاسي عطره
اكدر اميزها من بين هواي اشخاص
احمد
وخرت ايديه وباوعتله بعتب ودموعي تجري
كتله ليش مكتلي ؟
مو كتلج اجليها بين ما ارجع ها ؟ انت عجولة لج اني اليوم الفجر رجعت من دبي وجريتها نومة للظهر من كعدت شفت رنيم اختي كالت اليوم حفلة عمر وسارة تفاجئت اتصلت بيج هواي مارديتي قررت اجي لبيتكم وافضحه كدام الكل
انت هم قصرت لو كايلي ع بالتليفون
مجان صدكتيني سارة مستحيل تصدكيني اذا كتلج
ردت اوجهج ويا واخلي يعترف الج اني هم ما احب اتفشل
انتوا اثنينكم وجهين لعملة وحدة انت مغرور ومتكبر وذاكه ابن عمك اناني ومخادع واني وكعت بينكم بسبب غبائي الله يلعن الساعة الي اجيت بيها اشتغل عدكم الله يخلصني منكم رووح احمد ما اريد اشوفك بعد وبعد لتحاول وياي وتخليني ارجع اداوم
زين واني شنو ذنبي انت غبية تحملي تبعات تصرفاتج
خووووش
انت كتلي انطي فرصة
ومجبورة تطيعين هاا
روح يله منا رووح
دار وجهه وطلع واني كعدت ع الكاع ابجي ...
يتبع
هاي تكملة بارت ٢٤ وبعد تطلبوني بارت ٢٥ بس مو اليوم باجر 😁يله هسه اروح اتغدى انام ومن اكعد اقرا
