ليتك عرفتني مُنذ القدم، مُنذ الأمد
قبل أن أصبح غير صالحه لأي شيء..
انام واكعد اسمع صوت امي جوه دتحضر و تتخابر ويه خالتي بتركيا
تتفق وياهم ع جيتهم و الخطوبه والتحضيرات
اني بفراشي اسمع و ارجع انام كانو دا اسمع تفاصيل عرس عد جوارينا
والموضوع مايعنيني
جتي خالتي الثانيه دتباركلي عرفت منها انو هيه الي متخابره ويه خالتي
الي بتركيا و حاجيتلها الي صار بيه و مقنعتها انو تزوجني ابنها حته
تخلصني من ابويه سالتها يعني هو مموافق ماجاوبتني
ثاني يوم جتي امي كلتلي كومي دنشتريلج جهازج كتلها منين كل هالصرف
كلتلي خطيبج مصطفى دز مبلغ وحتشترين كل الي بنفسج
كمت لبست فستان طويل اسود ساده و بوليره ماروني و رفعت شعري شلون مجان حته مكياج مخليت وجهي جان مزورك بعده مايفيد بي اي مكياج
طلعنا اني و امي و خالتي بعد حبسه بالبيت 3 شهور اول مره اوف ضوه الشمس و اشتم هوا المي و التراب المبلل الي بالشارع
رحنا مول يختارولي ملابس اني كاعده اباوع واشرلهم براسي اي اي اي
قمصان نوم امي ختارتلي قمصان سكسيه فد مره مادري منو قشمرها وكللها هالزواج عن حب و سبع سعادات عفتها ع راحتها
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
