أن يفهمك أحدهم ، أعظم من أن يحبك.
وره ساعتين ديحضرون العشه
سمعنا الباب تندك دك سريع
ضرب قوي و صار دفر بالباب
ركض زياد يشوف منو بالعين السحريه
رجع يركض
- عماد بالباب كومو بسرعه ساعدوني
اجه شالني ركض بيه للغرفه
البقيه اخذو الكرسي مالتي دخلوني جوه و قفلو عليه الباب
بقيت بالغرفه كامشه ايديناتي وارجف
عماد هنا مستحيل شمحضرلي عقاب هالمره
صار صوت بره عالي اسمع عياطهم وياه
هو بس يصيح لارا وينج طلعي لاراااا
يتعاركون وياه يطردون بي ماكو فايده
اخر شي سمعت صوت مصطفى طلع يتضارب وياه
وشال مادري شنو ديضربه بيها خالتي عاطت
كامت تبجي و تصرخ اخوته بعدو عن عماد
عماد يتلاوه يريد يدخل الشقه يدور عليه
زياد كاله
- اذا تفوت نعتبره تعدي ع حرمه البيت و نبلغ عليك
انت بتركيا القانون هنا يتطبق عليك و ع اسيادك
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
