كن حذراً وأنت تتجوّل في ذاكرتك
فـ بعض الزوايا لن تحب دخولها ولا حتى ذكرها من جديد..
مضل عندي سبب يسكتني
عيوني دمعت باوعت لعماد كتله بصوت عالي
- طلكني
الكل فتحت عيونها خوات عماد وجههم صار احمر من الفشله كدام الناس
عماد صفن بوجهي الا شويه يطك من العصبيه
من يتعصب يكز بسنونه
رجال جبير من الكاعدين : تعالي كعدي بنتي استهدي بالرحمن
- اني ماجايه اناقشه بقراري ولا جايه اخذ رأيكم جيت ابلغه فقط
وماعندي حجي ثاني
درت وجهي دا اطلع من الغرفه ماعرف شلون عماد وصل يمي بهالسرعه
جرني من زندي يمشي صعد بيه فوك وهو جارني
ناس من الخطار تصيحه سيد عماد كول يا الله اوكف نتفاهم
امه و خواته جوي ورانه يصيحو بصوت ناصي : عماد عوفها عماد لتفشلنا
ضل يمشي مارد عليهم
اصيح بي وخر ايدك دتوجعني مايجاوبني
فتح الباب شمرني بايده دخل ورايه و قفل الباب
- تخبلتي جتج الحاله ؟ جايه تفشليني كدام العالم
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
