بين قيود ذراعيك أنا أتخلى عن حُريتي .
ضليت اباوع عليه وهو ديعرض عليه الزواج و يخطط
تخيلت زواجي الاول شلون جان
معقول الله دزلي عماد مره ثانيه حته يعوضني عن الي الفات؟
ديحجي قاطعته :
- و مرتك ؟
- هالفتره هيه عد اهلها اصلا وتعرف بيه اريد اطلك مو شي جديد
- اوك بس من تطلكون نعقد مو هسه
- ما واثقه بيه عمري؟
- واثقه بيك تعرفني بس اريد نبدي بدايه نظيفه ماريد اعاني
و ساره اختي تضل ويايه ماترجع للعراق اني وعدتها ماعوفها بعد
- مرح تعانين انتي ويايه حتكونين ببطن عيني و بكلبي و بعقلي و اختج هيه اختي
هزيت راسي موافقه حضنته و حضني
بهاي اللحضه اول مره احس بامان بعد فتره طويله من المعاناه
والمشاكل و الفراك ذبيتها ع الله و قررت اخذ الي احبه اريد افرح
وره يومين رجع عماد لبغداد
اسبوع وخابرني كلي طلكت
صارتله مشاكل هوايه اهله مجانو موافقين عالطلاك و عمه تعارك وياه
و قال و قيل اخذ اجازه طويله من الشغل لم جنطته و رجع لتركيا
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
