حكايتي مع الرجال

الجزء 42 ( تعذيبي )

‏لا أحد يفهَم مَعنى وعُمق أنْ يَبكي شَخص كل ليله ثم ينهار لأجل أحلامه التي لن تتحقق وبِأنُّه لن يَنجوا .

طبيت لغرفتي وصلت المرايه

شفت ستره عماد مشموره عالكرسي الي يم الميز التواليت

والستره معقجة وحالتها حاله شلتها شفت اثار دم عليها

حطيت ايدي ع كلبي هذا شمسوي

اني وصافنه عليها سمعت صوت انفاسه لعماد بالباب ورايه

انداريت لكيته فات ع كيفه وهو يمسح بوجهه طب و قفل الباب

- حبيبي شبيك و شنو هاي سترتك ؟

بقه يتقرب عليه و عينه تجدح نار

- عماد شصاير ليش تباوعني هيج ؟

- ضامه عليه شي ؟

- شي مثل شنو

- شي مثل اي شي سولفي اسمعج

يحجي و يتقدم عليه

- ليش اضم عليك شبيك عماد

- اخر مره اسألج شضامه عليه ؟

كلبي كام يلعب عصبيته مال واحد رح يطك

راسا خطر ببالي منظر الدم الي عالستره

وجهي صار اخظر و اصفر كتله

- عماد انت شمسوي ؟

- من شوكت تعرفي ؟

- ا م منو شتقصد مدا افتهم

- احجي بعدني لازم اعصابي

- اوكف بس خلي افتهم منك