لن يتوقف الكون لأنك قد كُسرت ،
ولن تقام طقوس العزاء لأنك حزنت ،
الجميع قادر على تأمل لحظة سقوطك ، لذا قف و انهض و رمم نفسك بنفسك •
ضربته ع خده عاط بيه مثل المخابيل
خالتي صارت بالنص تفاككنا
جريت جنطتي طلعت بقه ورايه يصيح عليه خالتي تسكت بي
وصلت فتحت الباب !!
!!!!!!!!!!!!!
عماد صار وجه بوجه ويايه
فاتح عينه و حلكه باستهزاء يباوعني و بنفس الوقت نظرته نظره عتب
اني ماكدرت اضم خوفي بعيوني صفنت عليه
ع كد خوفي بهاللحظه بس شي حقير بداخلي جان فرحان
هالشي اني كارهته
كارهه حنيني و اشتياقي اله
بقينا متجمدين بمكانه لما جوي خالتي والبقيه ورايه شافو عماد
سمعت صيحه ورايه : عماد دير بالك
بهاللحظه رجعت للواقع عرفت اني بخطر
رجعت ليوره عالسريع سديت الباب
حط رجله بين الباب يحاول يدفعني
ادفع و يدفع ركضو الولد دفعوني صارو كدامي خالتي جرتني ليوره
عماد يدفع بيهم وهمه يدفعون بي جر سلاحه رفعه عليهم
صار عياط و صراخ
موجه سلاحه عليهم و بايده الثانيه يأشرلي بايده يكولي : كدامي يله
مصطفى كاله تاخذها ع جثتي اريد اشوف شلون تاخذها
عماد - داكلج امشي كداميييييييييي
خالتي : صلي عالنبي ابني كول يا الله ماتسوه الدنيا انتو ازوجتو وفشلتو كافي عوفها الله يعوضك بالاحسن
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
