و ما كان حبك إلا أمر ربي .. وما كان قلبي إلا عبد مطيع
بقيت افكر افكر و صافنه بعماد لما غفيت
كعدت الصبح ستغربت عماد بقه نايم عالكرسي ما راح لشغله
باوعت صفح هيلين ماكو فزيت من مكاني
كمت فتحت الباب و نزلت ركض اصيح بنتي هيلين وييين
امه شافتني : خير كولي صباح الخير بالاول
- وينهااا بنتي
- ع كيفج عيني هاي بتنا همين مو بس بنتج زهراء اخذتها
بدلت هدومها و دتلعبها بالحديقه
رحت فتحت باب المطبخ وطلعت ركض لكيتها بحظن زهراء بالمرجوحه
جريت نفس الف الحمدلله والشكر
رحت عليهم زهراء كلتلي
- صباح الخير ايدج شلون صارت
- من شفت هيلين مو يمي من ركضت ايدي تركعت منا ومنا
نسيت اذيتي من خوفي عليها
- يو يو ع كيفج مو عصابنه احنه تره وهاي تضل بتنا
اخذت منها هيلين حطيتها بحظني ضليت اباوع عليها
زهراء كلتلي
- اعرف ماعندج ثقه بينا بس احنه ما نأذي الي من دمنا و لحمنا اطمني
- بس اذيتوني هوايه عايشه بنصكم و ما مأمنه ع روحي خايفه منكم
و خايفه ع نفسي و ع بنتي
أنت تقرأ
حكايتي مع الرجال
Romansaالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
