هنالك امور لن يفهمها احد غيرك .. لا تتعب نفسك بالشرح
وصلت للشقه حطيت هيلين عالفراش دا انزع القمصله اندكت الباب
كلت اكيد جوارين و صاير خلل بالعماره كلعاده
رحت واني ادردم راسا فتحت الباب ..
شهد عاطت بوجهي : وجه الجوب صار ساعه اشرلج بالتكسي الوراج اني
- شجابج ورايه ضل بالي
- يمعوده خالتج صرعتني خابرتني وره مطلعتي لحكتج كلت بلكي تحاجيها لكيتج صعدتي بتكسي ضلت تتوسل بيه الحكج حته تخابرج تحاجيج
- شهد ليش حجيتيلها مو وصيتج ماريد احد يعرف مكاني
- بتل بتل انتي عايفه موبايلج عد عيالج من مخابره خالتج كايليلها نهزمت
المره صار يومين ضغطها صاعد
- سوده عليه ادري ميخافون الله يكلولها نهزمت هذوله شنو من بشر
- انتي هم عملتج ماتتفوت اكو وحده تنهزم من عيالها بدون متحجي لاحد
- رح تنكتلين شهد اني بيا وضع جنت حته احجي و شحجييي اكلهم عيالي دخلو عليه رجال لك يابه حسو بيه شحجي للناس و خالتي لو كايلتلها جان حطتها بحلك مصطفى
- عبالج ماسوتها ؟
- لتكوليلي مصطفى عرف ؟
- عرف خايبه و كالب الدنيا خايبه السالفه دتنلاص يوم بعد يوم لازم ترجعين
- مستحيل ما ارجع بعد
- لارا ليوين تضلين مهزومه خالتج و طليقج صايرين نار
رجلج كالب الدنيا عليج نسيتي اختج هسه الله واعلم شصاير بحالها
فكري بيها شويه
- اوووووف ذكرتيني بساره من الضيم ناسيتها
- احجي ويه خالتج بعدين حاجي اختج يله يا كلبي الله يهديج
- ماشي نطيني موبايلج
اخذت موبايلها واني متوقعه خالتي ترد انفتح الخط ساره صاحت الو وهيه دتبجي
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
