تعلمت القوة من اللحظة التي ضحكت فيها و كان من المفروض أن أبكي .
اخته من كلتلي انحبس اتجمدت من خوفي عليه
اريد ابجي اريد اركض اشوف حل
بنتي وين حخليها و ساره دخيلك ربي
خابرت خالتي حاجيتها و اني ابجي طلبت منها تخلي هيلين و ساره يمها
حجزت و نزلت للعراق وصلت لبيت اهله طبيت لكيت البيت فارغ
ضليت ادك محد يفتح خابرت اخته العلويه اسمها زهراء كتلها
-الله يخليج وينكم فهموني صار شي لعماد ؟
- لتخافين بس تعالي لمستشفى ...... احنه هناك
سديت و ركبت تكسي وصلت للمستشفى سالت ع غرفته
فتحت باب الغرفه بسرعه لكيت امه و خواته 3
و عماد رجله مشدوده و امدد بالسرير
ركضت عليه دنجت يمه و ابجي
- عماد حبيبي شنو هاي شمسوين بيك
- لتخافين اني زين
-وين زين شبيها رجلك ويامن متعارك
- خلاف بيني و بين واحد و صارت بالمسدسات
- انت متبطل عصبيتك هاي شوف ليوين وصلتك
- كافي تبجين مابيه شي والله مسحي دموعج
انداريت لكيت الكل كاعدين يباوعون علينا
كمت رحت عليهم زهراء كامت بوستني سلمت عليه
عرفتني عالبقيه امه ردت ابوسها ضلت كاعده كلتلي اهلا
باوعت ع عماد اشرلي ع راسها دنجت بست راسها
خواتها يمها كامن سلمت عليه وحده اسمها نور والثانيه فاطمه
نور ضلت تباوعلي من فوك ليجوه كوه ردت السلام
و فاطمه الصغيره هم نفس الشي
انتبهت كلهم يباوعون عليه و ع منظري جيتلهم بالبنطرون والبدي
و جاكيت خفيف فوكاه همه يلبسون عبايات و جبب ميطلعون بملابس عاديه
رحت جريت كرسي كعدت يم عماد
اباوع عليهم كلهم يباوعولي و يتهامسون بيناتهم دا احاجي عماد
امه حجت
- لعد حفيدتي وين ؟
- خاله ملحكت اجيبها ردت اجي اطمن ع عماد و هيه بعدها صغيره عمرها شهرين مو مال سفر و طياره
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
