لن تنضج حتى يهدم أمام عينيك كل ما كنت تبني به.
صايره الدنيا مغرب واحنه نايمين سوه ما حاسين
حته عيني مدا تنفتح
لما سمعت صوت رجلينات دخلت بالمطبخ
و صوت رجل وصلت لباب الهول
اندارينا نباوع
الهام واكفه بالباب فاتحه عينها و حلكها سطرها العباس
كام عماد عدل نفسه اني هم جريت الدشداشه دا البسها
لكيت الكل صارو وراها يباوعون شبيها هاي صافنه
دخلت امه و خواته
- شنو هاي شدسوون
عماد : دنسوي كليجه .. يعني مدا تشوفون رجال ومرته شبيكم
الهام : مرتك موو ؟ لك واني سنتين من عمري ذبيتها جوه رجلك
جاي هسه تكلي مرتي ؟ عفت العزيمه تحججت بالشغل طلعت دتريد تستفرد وياها ؟ عبالك مرح اعرف
عماد : منو كلج اني رايد اضم عليج هذا الوضع بين اي ثنين مزوجين
جتي الهام تدفع بي و تعيط
- مو مرتك لتكلي مرتككك اني مرتك اهلك ورايه يشهدون احنه المفروض نزوج من زمان انت متخاف الله
أنت تقرأ
حكايتي مع الرجال
Romanceالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
