الدنيا كأس دائما نشرب ما سكبناه فيها
ضليت واكفه بالباب اسمع مصطفى
ويامن ديحجي بالشقه
اسمع وحده تكوله
- شدعوه كل هالصرف و هالدلال
- وينه الدلال عيشه طبيعيه حالنا حال المزوجين
- انتو مامزوجين انت وعدتني زواجكم يكون ع ورق بس دتستر عليها
- وهو هذا الي صار بابه اني ملازمها من ليلتها
- لعد ليش كل هالصرف و الملابس والعطور الي بغرفتها شدعوه عليك
صوتهم جان عالي و واضح سمعت كلشي
ضليت لازمه يده الباب ساعه اكول خل ادخل و ساعه اكول لا
درت وجهي ونزلت لعيالي اول مدخلت صاحو ها وين مصطفى
كتلهم تعبان و نايم اضاهر متغدي بالدوام
كلولي يله تعالي اكلي لعد الاكل برد
تغدينا كملنا رحت ويه البنات اساعدهم بغسل المواعين
يسولفن ويضحكن ابتسم وياهن واني مامركزه شديحجون
دا اتخيل هو فوك دينزل بيه و بقيمتي حته يرضيها
ودينا الجاي للولد كعدنا بالهول نتفرج تلفزيون
اتفرج و بالي يم الي سمعته الوم نفسي ما دخلت عليهم وسكتت
أنت تقرأ
حكايتي مع الرجال
Roman d'amourالقصة حقيقيه صارت بين العراق و تركيا ⚠️ مو كل بنيه عدها جرئه تعترف بتجاربها بس اني تجرئت رح اخليها بين ايدكم وانتو حرين تتعاطفون وياها او تاخدون عبر منها 🍃🌼
