#الجزء الرابع
للسنابل#
خلصت نفسي دراسه بالبكلوريا ع امل اطلع معدل عالي وجنت امشي بالحديقه بالكراج وكراجنه طويل اغوسله وامشي بسرعه واقره بصوت عالي حتى ماانسه ونجحت من اول دور وجبت معدل 88 ودخلت علوم حاسبات مفرحت حييل ظجت لان جنت رايده صيدله اول يوم بالكليه طبعآ اخذني ابن خالتي جان ظابط امن الجامعه واكيد وياه عماد قابظ الارواح وجنت ميته خجل وخايفه من عماد وهو جان طبيعي جدآ بس اني لان متعوده عليه هو موطبيعي فجنت حييل قلقه اريد بس ارجع للبيت ومنكد الخوف انشلع حذائي تكرمون وظليت اعرج وقبل مينشلع جان يمر بيناتنه طالب وكال شحلوا طولك من تمشي وانه راه وعماااد ظلت عيونه تجدح بوده يذبحه للولد وظل يقسم ع الولد بصوت ناصي واني سويت نفسي كولشي مسمعت وكولشي مشفت لان سالفة حذائي قالقتني اكثروظل مرابط ويايه معافني لحد مرجعت للبيت ..
طبعآ مكلتلكم لمى طلعله كلية تمريض ديالى وعمااد مقبل تكمل وتالي بعد كعده بالبيت دخله بابا دورة معلمات وتعينت بمدرسه بقريه ...وعلا طلعتله كلية تربيه قسم انكلش وكملت الحمدلله بس ظلت كاعده بالبيت ماكو تعيين..
يتبع...
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
