#ليتك معي"" يامجهول الهويه""##سنابل#

الجزء 23

:
سنابل#
الجزء23

وفعلآ فاجئني هدية سلامتي اسبوع بسوريه وسافرنه بداية شهر10 وجان الجو يخبول خريفي يموت تونست ونسه من العمر ورحنه يومين لاختي الكبيره بعمان ورجعت لبيتي تونست حييل نسيت كل ألم حسيت بيه مرت الايام واني وعلاوي عايشين حب بحب ولازم كل خميس  البسله بدلت الزفاف وهيئله اجواء وعيش الجو كأنه عريس وصلنه للسنه الجديده سنة 2006 وحتفلنه سويه واكيد لبست بدلت زفافي وباقي البدلات  وكتله الله بعد عشر سنوات يعني 2016 اكيد عدنه اطفال ونحتفل احنه وياهم ...بعد كم يوم عيد ميلادي يوم 20.1 جابلي كيكه وهديه خلخال يخبل لهذا اليوم هو برجلي كلي هذه الرجل الحلوه تستاهل الخلخال وحتفلنه وهذا ثاني اسعد عيد ميلاد بحياتي قبل سنه حفلة مهري بهذا اليوم واليوم اني ويه حبي وغرامي وكل احلامي ممصدكه صرت ملكه وكل املاكه

معقوله اكون..جنبك هنا ..عيشين بشوق..مبينتهيش..م اللحظه ..دي..عمري بتده..من الحلم ده متصحنيش..خليني..اعيش وانا بين اديك.متغبشي يوم..بعدك مفيش.. ميكفنيش.. بالشوق... أليك مليون... غرام ميكفنيش........

وبعد.كم يوم علاوي غير سيارته اشتره سياره لكزز وجان حييل فرحان بيه وكل شويه ينزل يشوفه واني ظجت كتله ترى انت موطبيعي كل شويه تنزل تشوفه
علي:ههههه تغارين منه قابل ظرتج هيه ...يمعوده كل واحد يشتري سياره جديده يظل فرحان بيه وكل شويه يتفحصه يتعرف عليه وتالي تصير عادي ترى السياره والمراه يتشابهن عند الرجال السياره الجديده مثل العروسه كل شويه يجربه يتفحصه يستكشفه حتى يعرف تفاصيله يعرف شبيه مبيه لحد ميتعود عليه وتالي تتعب السياره ويمل وغيره تمامآ
سنابل:شنو يمل وغيره يعني اني صرت مثل السياره تغيرني خلف الله عليك هلكد طلعت غاليه عندك!!!!!!😤😤😤تشبهني بالسياره
علي:شبيج حب ترى الامثال تضرب ولا تقاس  وبعدين مو كل سياره تتبدل اكو سياره متتبدل لان مله مثيل تبقى محافضه ع اصالته وفخامته واني جناني لهاي السياره تعر فين شنو جناني يعني مبدله لو شمتسوي بيه لا وجماله شلون سياره صاكه لخاطر النبي متعب  بانزينه منه وبيه بس مي اديرله  يوميه !!!
سنابل:صاكه!!!!!!! صاكه شنو؟؟؟؟ اول مره اسمع هذا المصطلح
علي:صاكه يعني فوول مواصفات مثلج انت سياره صاكه مواصفات توب ناقص الصق عليج لصقه مكتوب بيه (يفرض هيبته  )هاي يكتبوه ع السيارات العاليه  مقاريته لا وبعد من تكبرين تصيرين حاته
سنابل:هههه هاي شنو بعد
علي:لتاخريني اروح اغسل السياره ورجعلج اشرحلج شنو حاته بس ترى سيارتي الي بره احسن منج بشغله
سنابل :شنو بالا احسن مني
علي:سيارتي  تقبل اغسله بس انت صارلنه 5 اشهر ولا مره قبلتي دخلين ويايه بالحمام حموت وتبقى بنفسي مجنه بيت لوحده مخلصته عليه عيب واستحي بس اليوم من ارجع الا اغسل ااسياره لو ترى اغيره وهيه بكيفه بعد يالا داروح الولد ينتظرني دنروح نغسل سياراتنه .صدووك لا انسه بنطروني الي جنت الصبح لابسه بيه كارت رصيد عبيه واتصلي بخاله بالبنات خلصي وقت ع مأاجي وجيب عشه ويايه لتسوين شي .احبج
سنابل :بوسني وحظني وطلع
جنت حاسه نفسي مخنوكه تمنيت اطلع وياه طلعت ال رصيد وعبيته وتصلت ماما وعلا وعذراء بس بقيت ظايجه انتظرته يجي  مرت ساعه ساعتين ليلة الدنيا اتصل عليه موبايله مغلق قلقت عليه كولش معرف شسوي المن اسئل الدنيا شته جانت بداية شهر 2 وجايه موجة برد متت من القلق والخوف عليه ومن الوحشه حسيت الشقه حتاكو لني  صارت الساعه 11 اتصلت ع عمار حمايه واني حييل خجلانه
سنابل:الووو السلام عليكم
عمار:هلو سنابل وعليكم السلام ....خير ماكو شي شعجب متصله هيج وقت
سنابل:بجيت قبل محجي ..تالي تمسكت اعصابي وكتله علي طلع العصر ولهسه مأجه وخايفه عليه حييل  وخايفه من صوت الطيارات متعرف اصدقائه تتصل تسئل عليهم
عمار:بس اتصلت حسيت اكو شي لان ممره متصله سنابل  عليه وجماله بالليل  وخفت ع علي كلت راح علي وين ادوره بهل ليل كلتله لتقلقين ان شالله ماكو شي ولو اكدر اجيج هسه جان جيتج اخذتج بس تعرفين الطريق الكم بالنهار خطر مو بالليل ومبقى شي للحظر ويبدي...قفلي بابج وان شالله ماكو شي حتصل ع اصدقائه وع دائرته خاف خفر وجائز موبايله مبيه شحن ...
سنابل:ظل عمار كل شويه يتصل يطمأن عليه هو وزوجته واني حييييييل خايفه على نفسي خاف احد يدخل عليه وخايفه ع علي

مكدر اكمل بعد  الاحداث ...لان تعبت نفسيتي حيييل وعيوني انتهت من البجي 😢😢😢😢😢😢😭😭😭😭😭😭😭الي اكدر اوضحه الكم مثل ملتقيت بيه صدفه بالشارع يمشي ذاك الطول الحلو علاوي(( جان طوله 188وزنه 95يعني طول بضخامه اني طولي 168 يمه قصيره حتى هو يكولي منيلج طول اكوله انت تقيس ع طولك))  والجسم الحلو والهيبه  صدفه لتقيت بيه وتعلقت بيه ..همات صدفه شفته بالتابوت ملفوف بعلم

.  بس هل مره شايليه مو يمشي  شلون انطتهم اديهم يقتلوه ماعرف ...شكلت بقلبك ذكرتني اي اكيد اخر شي جنت تفكر بيه اني  زين شفتني وانت بالتابوت . مثل مشفتني اول مره لو مشفتني مخلوني اشوفه..مقبلوا ينزلون التابوت عمت ع