#ليتك معي"" يامجهول الهويه""##سنابل#

الجزء الحادي عشر

ليتك معي يا مجهول الهوية
سنابل#
الجزء الحادي عشر#

سنابل: شنو عدنه فندق بلاش
ماما:هاي شبيج لج شنو هل حجي هذا... مو عيب
لعد همات كولي لنفسج  انت همات فندق بلاش اكل ومرعى وقلة صنعه .لا وحتى ملابسج اغسلهن ورتبهن بكنتورج هاي  بس الحديقه مرات ترتبيه واياد وياج مولوحدج  واذا الله هداج تسوين حلويات .مكتلج فندق بلاش
اني:هذه بيتي وانتوا اهلي واني بنتج  .. لو لكيتني بالشارع؟؟؟
ماما:وهو همات ابني حاله حالج... وكافي بعد  ترى حيل زوتيه  والولد بغرفة أسو ليسمع ..
وترى مقبل يبات بس اني خفت عليه
اني:لويش طفل تخافين عليه يطلع باليل
ماما:لا مو طفل بس مده تسمعيه شون دتمطور تصب صب 
نمت واني مخنوكه من علي واهتمام امي الزايد بيه وهمات مجهول الهويه بعده مغادر ذاكرتي والجداحه بده عطره يبرد  ....
نمت وبعد كم  دك المنبه كعدت .. واني بالمطبخ دحضر ريوكي والصوبه النفطيه .. وفيروزه تغرد
رجعت الشتويه...
والبنت الغريبه عطتني الرساله كتبه حبيبي بالدمع الحزين فتحت الرساله حروفه ظايعين....
علي :اني متعود اكعود من وقت اساسآ منمت زين لأن مغير مكاني فتحت عيني رفعت البرده اشوفه بعده دتمطر شفته شويه مصحصحه الدنيا
وجان اسمع فيروز البنت الغريبه... واسمع صوت البيض بالطاوه يجكجك ووصلتلي ريحة الحليب المهيل المغلي لجع بالدله ريحته ...كلت اكيد خاله دتحضرلي الريوك كعدت اسو كلي اخذ راحتك ترى محد ممجود كوله نايمه اطلع غسل وهذه امي دتحضر ريوك   رحت اتكرم تكرمون طلعت وكفت  ع المغسله وظهري ع المطبخ اغسل وجي 
سنابل :حظرت ريوكي وخليته ع ميز الطعام انطفت الكهرباء كمت علكت لايت المطبخ وطلعت باب المطبخ همات اكو لايت يضوي ع المغسله علكته وجان ينفتح باب الW.C تكرمون واشوف 😦😦😦😦😦😦😦الصدمه شعور لايوصف انصدمت ..اندهشت. خفت..اتخربطت ..ظليت حتى ريكي مكدر ابلعه اختلطت عندي كول المشاعر صافنه ممصدكه عيوني...... هاي شنو صدووك لو اني احلم ..لا ممعقوله طلع مجهول الهويه وكف يغسل ع المغسله ..وناطيني ظهره.... رفع وجه  وتصير  عينه   بعيني بالمرايه واني صافنه وفاتحه حلكي ولا اراديآ عيوني متلت دموع لان خفت كوله نايمه واني لوحدي بالمطبخ .....حييل خفت جمدت بمكاني واتسأل معقوله ؟؟؟؟لا ممعقوله؟؟؟!!!شون دخل للبيت ؟؟؟؟  ...ياترى هو؟؟؟ لو موهو ؟؟
اعوذوا بالله من الشيطان الرجيم.بسم الله الرحمن الرحيم
علي :  اتفاجئت ..مسحت وجهي بالخاولي التفتت عليه ...هيه لو مو هيه ...صفنت...صدوك الدنيا زغيره..  !!!!
صباح الخير.....صافنه ...وجه خايف متخربط...   فاجئتني تعوذت بوجهي وتسمي.. وتكولي  انت منو وشون دخلت للبيت؟؟؟ههههه ظحكت كلتله دخلت من الحايط...
سنابل:كلي دخلت من الحايط خفت حييل قلبي وصل يطلع من حلكي لحظه  تخيلته هو من الي يجعل كلمنه خفيف عليهم لان ممعقوله لا وجماله طلع من الW.Cتكرمون يعني ماكو غيره .....كلت بسم الله الرحمن الرحيم وكعت المملحه من ايدي .اشو هذا يضحك  ظليت ارجف خفت رجعت ليوره وتعوذ من الشيطان اتخيلت ال.....تمثل بصورة مجهول الهويه كد مفكر بيه ...!!!!
علي :شفته تخربطت وصدكت اني طلعت من الحايط ..كلتله اني علي ..علي ابن خالتج...
اني:-ظليت متفاجئه بين الممصدكه بين الخايفه بين الفرحانه زحمة مشاعر مظطربه صار عندي صداع زادت دكات قلبي نفسي زاد حسيت تيار يمشي من راسي لرجليه حسيت حيغمى عليه من كد الصدمه....وانظره بدهشه ...بخوف...اشرت عليه بصبعي ...انت علي...ممعقوله..
علي:اي شبيج ممصدكه لتخافين ترى والله اني مخوف .واني شايفج من  قبل بس معرفتج .. تذكريني لو لا .....
اني: بقلبي كلت ليش هو اني نسيتك حتى اذكرك ...هزيت راسي 
علي: تمنيت اكعود اتريك وياهه ونسولف وتعرف عليه .بس مكدرت لان خفت تجيه حجايه من ورايه وخفت عليه لان حسيته حييل متوتره ومرعبه مني يعني جانت مبينه خايفه ..ياله اخذي راحتج كملي ريوكج اتهني.الف عافيه...ورجعت لغرفة أسامه.كعدت ع الكرسي متعجب معقوله هاي الحلوه الي شفته بالركن وكعدت يمه بالسياره  طلعت سنابل شون صدفه لا واني جنت ظايج منه لان مجتي ولامره سلمت عليه وجنت اكول ويه نفسي اذا شفته اسلم عليه برود .اشو هسه من شفته رخت براغيي كولش شبيه جني مشايف بنات هاي من صدووك بنت خالتي لو خوطار عدهم اشو متشبهلهم هااا اعتقد تشبه والده الله يرحمه شفت صورته بالصاله تنطيه شبه و..و..همات تنطي امي الله يرحمه شبه اي بيه شي من امي ..لك كل هذا شفته بالظلمه لعد لو اكو كهرباء جان شفت ...شلت كتاب وشمرته ع اسامه لك اكعود كافي نوم كوم وراك دوام ياله كوم دنتريك
اسامه:دوامي ب8 ومن هسه كاعد شكو دخليني انام
علي:اكعود اني اريد اتريك عصافير بطني زقزف مده تسمعه دتعزف ...
اسامه :روح اكيد امي حظرة الريوك مده تشم الريحه
علي:لك كوم خاف اكو نساء  خالعه راسهه ولا حاكه..ههههههه.... كوم   شلعته من الفراش بالكوه .اريد بس ارجع للمطبخ اشوفه .
سنابل:راح لغرفة أسو.. وروحي راحت وياه والم بطني وظهري والدوخه زادت وشي نزل من راسي لرجليه وظليت احس الك