ليتك معي يا مجهول الهوية :
سنابل#
العاشر
اعرفكم ببطل قصتي علي
علي.شاب مواليد79 بغداد جميييل جدآ شخصيه قويه .جذابه يتميم الام والده متزوج.. هو ظابط طيار طبعآ تعرفون الطيارين لازم حلوين وجنتل وخريجين فرع علمي ولازم معدل اقل شي80 والده دخله كلية قوه جويه بالرغم من انوا هذا الشي مو رغبته هو جان يريد هندسه حاسبات لكن رغبة والده الطيران لان والده جان يتمنى يصير طيار ومنقبل لان طوله اقصر من الطول المطلوب .انقل ل.......وهو ميريد وديحاول يرجع لبغداد حتى لو بفلوس لان قلبه معلك ببغداد
علي:كلت ويه نفسي مجتي تتعشه ويانه يمكن تستحي مني .بس جان جايه مسلمه عليه ولتتعشى ويانه صار شكم ساعه من جيت وهي مجتي تسلم عليه ...يالا جائز بعد العشى تجي .
خلصوا عشه شربوا جاي وتالي فاكهه واني مرحت سلمت مسويه نفسي مشغوله بدراستي وكل شويه اطلع الجداحه اعاين عليه وارجعه ....
رباه أشيائه الصغرى تعذبوني...
فكيف انجوا من الأشيائي....رباه
علي:مرت ساعه ساعتين وسنابل مجتي تسلم عليه
هسه اني شبيه متفلفل عليه اريده بس تجي تسلم عليه عنه مسلمت وشنو يعني ...يالا هسه شويه واروح لبيت عمي جائز من اطلع اشوفه بالحديقه سمعت هيه تحب الحديقه وهيه واياد يعتنون بيه ...
طبعآ اياد واني مهتمين بالحديقه كولش وهو كل كم يوم يجيب مجموعة شتلال ونطلع باليل نزرعهن بالحديقه واياد يعلك الراديو بسيارته ع برنامج ماجد سليم واشعار ماجد سليم وبرنامج كلمات ....والقارى يكول امواج؛بلا شاطئ...جانت هذه العباره كولش تعجبني ...وتطلع ماجده الرومي تغني
يسمعني حين يراقصني كلمات؛ليست كل كلمات
ومياده حناوي تغني: حبينه ..حبينه ..وتحبينه
اني بهذه الليله مطلعت لان علي موجود ولان فكري مشغول ملي خولك لاي شي
ففتحت الراديو الي بغرفتي وخليته ع برنامجي وطلعت الاشعار والخواطر الي ع صلب الموضوع....
و جان تطلع ام كلثوم....تغني ..أغذآ ألقاك؟؟؟؟؟
واني دخت سرحت ويه ام كلثوم ااااه أغدآ ألقاك.. ياله خوفي وأحتراقي بأنتظار الموعدي ..
أغدآ ألقاك؟؟؟؟؟
وظليت افكر وينه هسه هو؟؟؟؟ وشديسوي ياترى...
تعشه ...نايم كاعد....هنياله الي ديشوفك..هنياله الي ديحجي وياك.....سبحانك ربي جميل وتحب الجمال ...شنو من حسن شايل شكد.ربك يحبك جملك بأحلى صوره......ااااخ..اااخ...ياترى شنو اسمك . ..
ظليت انطيه اسماء محمد...ادم...يوسف...عيسى...هااا اي جائز هو مسحي واسمه عيسى لان جماله موطبيعي .هو يلائمه يوسف او جمال او عيسى ..وحده من ذلي الاسماء
علي:انتظرته تجي تسلم مجتي والوقت تأخر كلتلهم اني اترخص لان عندي باجر دوام سلمولي ع البنات سلمولي ع سنابل
ماما :ماما بات هنايه وين رايح بعد.... سنابل خطيه عده امتحان ودتدروس هذه من عده امتحان تعتكف بغرفته بعد متطلع حتى لو هو مي متشرب تخاف متجيب معدل تريد تكمل دراسات
علي:الله يوفقه مكدر خاله ملابسي هناك وعندي دوام يالا ايودي بيك حيل توصلني .لبيت عمي..
اياد :والله لو تابت علاوي مو مالت روحه ..
لح علي يروح فراح اياد وأسامه يوصلوه لبيت عمه
جتلي ماما :هاماما مخلصتي دراسه كلتله
اني: لا بعد شويه وكمل واطفي الضوه
ماما:شيصير عليج لو جايه مسلم ع الولد متكلفج دقيقتين ...ولو متردين اجيب سيرته ..
مهتميت لكلام ماما كملت دراسه ورحت توضيت وقريت سورة الدخان متعوده منام الا اقراهه و نمت وكعدت الفجر كولي شوق بعد مصليت فتحت الراديو ع فيروز ع قناة موتوكالوا وطلعت فيروزه تدغرد ...انا لحبيبي وحبيبي الي.... .
تريكت وبدلت وطلعت كولي أمل اشوف مجهول الهويه.. لكن للأسف مأجه ولا شفته بعد وظليت ايام وايام واني افكر بيه واتالم مرت تقريبآ عشر ايام ع ذاك اليوم الي شفته صدفه ....وبعد مشفته.. نفسيتي حيل تعبت ...وصرت بس اريد ابجي ... وصديقاتي يكوللي من كل عقلج... انت سنابل الي محد كدر ياخذ قلبه وعلقه... يجي واحد!!!! كولشي متعرفين عنه جمعتكم صدفه اتعلقتي بيه وتغيرة احوالج ممعقوله لا منصدك هاي شنو بس لاحبيتيه لج ..
اني :لويش هو هذا اسمه حب
رؤى:ايه هذا اسمه الحب من أول نظره .حب من طرف واحد ... يا ثوله!!!!
اني:هااااا يعني اني حبيت !!!!!!!لا محبيت!!!!!! يمعوده سوكتي لحد يسمعج ويصدوك اني محبيت
كول مافي الموضوع اعجاب فقط لا اكثر ...
ودحاول انساه وان شالله انسى ..
أأخ ...أأخ مريد أنسى .
وفعلآ مكدرت انسى ....
نسيانك صعب اكيد!!!!!!!!!!!!!!!!!!
رجعت للبيت وروحي مخنوكه واريد بس ابجي ومشتهي لأكول وله أحجي... اوضاعي كوله تخربطت والسبب مجهول الهويه!!! ..جتي ماما بس دخلت للغرفه كمت حظنته وظليت بس ابجي كلتلي شبيج ماماتي شكو شصاير وياج صار فتره لتحجين وله تسولفين مثل قبل لتضحكين لتتشاقين حتى كل الي بالبيت انتبهلج يالا احجيلي شبيج يابنتي....
كلتله ماكو شي بس احس نفسي مخنوكه معرف لويش
عبرت ع ماما...
-طبعآ طول الفتره الي راحت علي تقريبآ كل يوم يجي لنه واني وله سلمت عليه وله شفته وماما وخواتي يلحن عليه واني ارفض اسلم عليه كلتلكم كارهته بدون ميسويلي اي شي ....
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
