بفقدك فقدت السعادة:
سنابل#
جزء السادس#
للامتحان وبسرعه جاوبت وطلعت فرحانه لان جنت خايفه لان اسئلته تشعوط حيل صعبه كملت امتحانات اطلع من القاعه للبيت مو مثل بقية البنات ابقى سوالف وضحك وختلات ويه الولد محترمه نفسي واروح وارجع بطريقي كول هدفي اكمل دراستي وتصير عندي شهاده كملت الامتحانات وطلعت النتائج ورحت اني واخويه أسو استلم النتيجه ويطلعن صديقاتي ناجحات واني مكمله بمادتين الي همه مواد دكتورحامد النذل وشبعت بجي وقهر فلا انسى ذاك اليوم حتى الاساتذه انقهروا عليه كوله تكولي انت الشاطره طالعه بمادتين معقوله و شكوله لعماد من يسألني رجعت واني كاتلني القهر والخوف مقهوره لان عندي الاسئله وخايفه من عماد الحمدلله عماد مكال شي كلي هذا شي عادي بالكليه دور ثاني وسنه ثاني زلاطه مو مثل الدراسه العاديه المهم خلصت العطله دراسه وبجي مكدر اكولهم هذا الاستاذ متقصدني شيخلصني وصلت الامتحانات امتحنت واني قلقه وخايفه يرسبني والحمدلله نجحت وظليت محجي وياه ابد ولا اسلم عليه اني اساسآ مجنت احجي وياه خارج نطاق الدراسه منطيه مجال ابد لان اعرفه جريء ولسانه وصخ يعني كولش عادي يتلفظ الفاظ سوقيه ويه الطلاب ومن تمر طالبه يتغزل بيه بصوت عالي ويخلي الطلاب تضحك وكولش عاتتتتي!!!!يتناقش بأي موضوع ويه اي طالبه او طالب طبعآ هو بهذا اسلوبه كاسب كول طلاب القسم الا اني الي كرهته كره العمه من طلعني دور ثاني ....
ففديوم اني وصديقاتي طبعآ معرفتكم بالكروب ماتي (ريمان.وجانيت..واني)طبعآ جان استاذ حامد يكول اذا وحده موجوده يعني محاجه اذكر اسماء البقيه لان هنه مربوطات بحبل يدخلن للقاعه سويه ويطلعن سويه فوأحنه دنمشي بالكولدور بالقسم جان يطلع هو من المختبر فسلمن عليه صديقاتي الا اني تركته ومشيت مسافه وبقيت ناطيته ظهري جان يسألهن عليه كلهن شبيه الطويله كلله زعلانه عليك شون طلعه دور ثاتي من دونه جان يجي يوكف كدامي اني حاولت ابتعد عنه بس الكولدور رفيع وطلاب وطالبات واساتذه يمشون فجان ويحصورني بزاويه واني ظليت ارجف وحاظنه اللفكس ماتي حيل جان يكولي شلونه الحلوه مجاوبته عاد السؤال درت عيني لغير جهه مخلي عيني عليه ابد خجلانه من الطلاب بس الطلاب كوله تعرفه هو كل شويه ويه طالبه فمنظره عادي كولش بس المشكله هسه اني.. واني مو أي طالبه بس طلاب مرحلتي يعرفوه هو مكنك عليه واني مناطيته وجه.... جان يكولي راجعي نفسج وشوفي منو الغلطان اني لو أنت .....اني نطيتج سعي عالي وانت مكلفتي نفسج تجيني للمختبر تشوكريني ....وهسه زعلانه لان منجحتج!!!!!!كوتله الاسئله الي بعته ل(طالب فلسطيني)وصلتلي اني وصديقاتي من صديقة وتالي اني من دونهم ماانجح!!!!!كلي اي متنجحين لانج مقصره ويايه هوايه تركته ومشيت طبعآ هو مخاف لانه جان بعثي وملطلط فميخاف ....
كملت مرحله ثانيه ونجحت من الدور الاول ... نسيت اكولكم
ليث حمه اختي هدى تزوج صديقته مهندسه وزواجهم مطول 3اشهر ونفصل وكرس حياته للدراسه خارج العراق ...واختي هدى صار عده 2ولد و2بنات وكملت دراسه علوم بايو..وصارت محلله..عماد بعده لحد الان مموقف انتاج لان زوجته تحب الخلفه ... اما اياد عنده طفل واحد ومصار بعد عنده اطفال ولمى وعلا كل وحده صار عده ولد وبنت
ارجع اكمل وياكم ..
بديت مرحله ثالثه ومرحله ثالثه صعبه وكل الاساتذه تكول هذه سنه صعبه الي يجتازه يعتبر نفسه اتخرج امشيلكم الاحداث طبعآ اني ع طول تجيلي خطوبات وتنرفض يأما من جانبي او من جانب عماد .. ...وصديقاتي يكوللي هنياله ااي ياخذج يلكه قلب ممدشن يفتحه ع ايده ...انت نادرة الوجود ..يعني حنتخرج وانت لحبيتي وله سويتي علاقه ولا حتى احد كدر يهز شعرايه من راسج شكد كلتي اني مستحيل اسوي علاقه وقسمتي بس الصدووك مصدكناج كلنه اله يوم وتوكع وتكول مجنت حاسبتله حساب وكعتي...مرحله ثالثه استاذ عدنه كبير بالعمر يجينه محاظره وحده هو مدرسنه مرحله اولى بس ممنتبهلي وجان مرحله ثالثه ينتبهلي ...سألني انت طالبه عدنه كتله نعم استاذ واني خايفه منه لانه يخوف وشكله شرير طويل ممشوق شعره ابيض جنه اجنبي ودارس ببريطانيا وشهادته بروفسور وحييل انفه ومحدمعاجه ينظر بأحتقار للكل ...من انتبهلي كلي اني مشايفج قبل وين جنتي تكوعدين اشرتله ع مكاني لان احنه نكعود ع الارقام ...جان يكولي انت وين جنتي عني والله بالحرف الواحد وبالقاعه وكدام الطلاب بس مو الكل سمعه بس الي سمع يوصل للي مسمع..😢😢وعقدني ....يتبع
الجزء السادس#
أنت تقرأ
#ليتك معي"" يامجهول الهويه""##سنابل#
Romansكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
