ليتك معي يا مجهول الهوية :
سنابل#. ج السابع
وظل كل يوم يكولي تعالي لغرفتي وكل مره اطلعلي فد حوجه مره اكوله نسيت...او جيت ولكيت الغرفه مقفوله ...او انشغلت بالمحاظرات والامتحانات ...او...او...وصديقاتي يضحكن عليه وكل مكولهن تعالن ويايه ميقبلن يكولن لا عيني روحي وحدج احنه نخاف منه انت خلصي نفسج بنفسج...وكل مره يشوفني يكولي لويش مجيتي مو انتظرتج وترى من ازعل اتندمين وكل مره يمد ايده يريد يصافحني ومرات اذا لابسه جفوف بالشتا اظطر اصافحه ومرات لا اسوي نفسي منتبهت ..طبعآ هو حييل مكروه وشخصيه قويه وتخوف ..وكل امتحان يكعدني كدامه ويكعود صافن عليه ويجبب محاظر او محاظره تراقب ع القاعه وهو يكعود ويخلي رجل ع رجل ويصفن عليه ..واني من كد الخوف منه والقلق اجاوب شلون مجان واسلم ورقتي للي يراقب مو اله لان اخاف منه وطلع بسرعه من الباب الخلفي طبعآ استغل فرصة طلعت بقية الطلاب حتى اختل بيناتهم ....ومره قررت اروح اله حتى اخلص منه وطالبه ويايه بمرحلتي علاقته بيه قويه كلتلي اني اخذوج اله اصلآ هو حباب ومساعدني وهو الي ينجحني كل سنه رحت اله وخايفه ادوك الباب جان ايمان اتدوكه للباب وتدخول واني وراهه وهو طار من الفرح مصدك وكلي بعد قت يمعوده شدعواج نتوسل بيج حتى تجين ومد ايده يصافحني واني كل عاده سويت نفسي منتبهت ....كتله نعم استاذ شنو ردت حظرتك مني ...كلي مردت شي بس اسلم عليج نسولف بيه شي ..كتله مو اني عندي محاظره كلي لعد مو ايمان واكفه شمعنه انت عندج وهيه لا ...معرفت شجاوب سكتت ودنكت وعيوني مليانه دموع ...كلي اسمج حلو ..كتله شكرآ
وجسمج حييل حلو
شكرآ استاذ
...اما طولج وعيونج هذه غنيه عن الوصف ..تعرفين عيونج تشبه عيون الرسامه ليلى العطار عينآ نفس عيونه ..عيونج ناطقه تسولف وتحجي وتعبر وتضحك وتدوخ بدون كلام ....
وكل هذا بجفه وشي بيج بجفه تعرفين شنو هزيت راسي كتله لا....
.....شفايفج ...شفايفج عبالك تفاحه منفوخات ومحددات تحديد رباني وجماله بيج طبعي موتني من تكتبين بالامتحان تحجين ترودين الكلمات وتكتبين
كتله والله مدري بنفسي بعد معيده
لا خليج هيج تخبلين وانت مدنكه وتكتبين وشفايفج يتحركن يموتن ....
بهل لحظه يدخل طالب للغرفه طبعآ باب الغ فه مفتوحه ..سلم عليه عنده بحث تخرج ...واني بسرعه فلتت من الغرفه ونهزمت وطلعت ركض لصديقاتي وظليت ابجي وخايفه منه وشلون بيه شلون حكمل هاي السنه وياه ...طبعآ اني جنت حييل خام معرف هو دلمح ع شنو وشنو غايته من كل هذا الكلام اني عبالي غزل جريء بس معرف هو يرسم لشي ابعد من ذالك لان جنت خام كولشي معرف عن السوالف الماصخه الي يفكر بيه هو النذل
وبيومه رجعت وتصلت ع علا حبيبتي جتي وفهمتني
علا. بعد من يكولج تعالي مترحين ابدآ ..
اني..اي بعد لو يرسبني مرحتله ابد
علا:واذا اظطريتي ترحين اله تاخذين كل صديقاتج وياج وهذه ايمان لتاخذيه بعد لان مبين متعوده ع كلامه
اني:اي هيه دائمآ اشوفه بغرفته
علا:واذا حاول بضغط عليج بشي روحي لرئيس القسم اشتكي عليه ..زين اختي
اني:-اي بس استحي شكوله لرئيس القسم
علا:لاتخجلين كافي دافعي عن نفسج لتخلينه يستغل خجلج ولتخليه يتماده وياج كوليله مسمحلك تتعده خط الأستاذ وطالبته ويايه .واني احترمتك لانك بكد ابويه والا جان اشتكيت عليك
اني:مكدر اكوله هيج معندي الشجاعه .
علا:لازم تصيرين شجاعه والا تالي تندمين .ترى هذا ديلمحلج ع شي انت مفاهمته تالي من تكبرين حتفهمين شنو ديقصد بكلامه وشنو غايته وشيريد يوصل وياج .زين
اني :اي ..اي ..والله معرف لويش ديسمعني هذا الحجي مع العلم اني والله مؤدبه وممسوي شي ملفت للأنتباه لويش دتعرض لهذه المواقف السخيفه.
علا:اختي انت بعدج زغيره وحلوه وشكلج جذاب فأكيد تتعرضين لهذه المواقف اي وحده بمواصفاتج تظل عيون الر جال عليه والصوج مو بيج لا انت عاقله بس الصوج بيهم همه نفسيتهم قذره وعبالهم كل وحده ينظحك عليه المهم تبقين انت شخصية قويه ومتخلين احد يهزج او يقل ادبه وياج .واي شي يستجد تكوليلي زين ..ولو حظل قاقه عليج اني
اني ..اي طلعآ حكولج ع كولشي حتى تعلميني شسوي
دخلت ماما للغرفه
ماما:هااا شكو شبيجن شو سكتن من دخلت
علا واني :لا ماماتي حبيبتي ماكو شي هيج دنسولف ع الكليه وع صديقاتي والامتحانات يعني مواظيع عامه ماكو شي ..
جان تكول ابوجن حييل تعبان واتصلت ع عماد يجيب الدكتور اله
وظلينه قلقين ع بابا وبدت حالته الصحيه تتأزم ونشل شلل كامل
وماما بدت تتعب وياه
واني مشغوله بدراستي وهذا البروفسور معقدني ميوم دخلت لنادي الطلاب وكعدت ولا اخذت صوره جماعيه ويه مرحلتي لان اخاف تصير صورتي عند الطلاب صوري بكامرتي ويه صديقاتي المقربات فقط ومجنت اتمكيج
وللعلم نسيت اكولكم اني من صف خامس ابتدائي بديت اصوم واصلي ولتزمت بالصلاة بالمتوسطه واكيد جان عماد كل ميشوف خلقتي كلي صليتي ؟؟؟؟وهو جان مملتزم بصلاته ويحاسبني ع الصلاة!!!!! وحاولت انتحر 4مرات بسبب اذية عماد الي وظربه وقساوته ويايه ....بس ممتت...ههههههه مكتوبلي اعيش وكمل عذاب وتحصل
أنت تقرأ
#ليتك معي"" يامجهول الهويه""##سنابل#
Romantikكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
