ليتك معي يا مجهول الهوية :
سنابل#
الجزء الثاني عشر
د اشوف ماما وينه شو ماكو
علي:اني كعدت بالمطبخ كأني كولشي ماأدري ولكأني قبل دقائق جنت واكف هنايه ولا شفت سنابل وشفت المملحه وكعت من ايده كعدت عاقل..
اسامه:رحت لغرفة ماما وسونه دكيت الباب صحت ماما..ماما انت هنايه شويه وسمعت صوت ماما ادخل ماما
ها امي انت رجعتي نمتي الريوك بارد جان مخليته ع الصوبه وتعالي كوعدي محب اتريك وانت مو كدامي
ماما:جيتك حبيبي هسه اكوم احظر ريوكك كعده لعلي وراه دوام ...هاي سونه بعده نايمه شنو متداوم اليوم لو مخذته نومه ..وراح عليه الوقت
اسامه:علي كاعد قبلي وانت مو محظرته الريوك .
ماما:لا اني ممحظره شي
اني جنت اسمع كل كلامهم بس مكدر احجي وله كلمه اساسآ مستحيل احجي وكول لان لساني ثكلان والرجفه هلكتني وجسمي ثلج مكدر احجي.جان تكعدني ماما عباله مخذتني النومه كلتله بصوت ناصي مروح.للدوام وغطيني بردانه.طبعآ عباله باردتلي .غطتني وبوستني براسي وطلعت اني بس دفيت نمت
امشي الاحداث الظهر كعدت ويه الصلاة صليت وبعدين انشغلت بالغده ورجعت همات نمت طبعآ هروب من الواقع خلصت يومي نوم ..واريد افتح موضوع علي ويه ماما يعني اسئله عنه بس متجرأ وحتى لساني يخجل ينطق اسمه او يحجي بيه واخجل حتى اسمع شي عنه
المغرب اتصلت عليه ريمان صديقتي تطمأن عليه كلتله مريضه وسئلته عن المحاظرات والامتحان كالت اتأجل ..بس كالت دكتور حامد ناطيج تنبيهين طبعآ دكتور حامد همات رجع يدرسني بهذه المرحله وهمات رجع يتحرش بيه وهل مره غير هل مره ينطيني تنبيهات ولنذارات وكل مينزل اعلان انذارات بلوحة الاعلانات الكي اسمي ومعرف منو دائمآ يخلي وره اسمي علامة!!!!!!او يحوطه بقلم جاف واني مستحيل اغيب او محظر المحاظرات بس هو يسوي هيج شي حتى اروحله لغرفته وكله ليش مغيبني واني اداوم
علي:رحت للدوام وكلبي بقه يمه طبعآ اتريكت بيضته وشربت حليبه الي هيه مسويته رغم جانن باردات ... ورجعت لبيت عمي نمت شويه والمغرب رحت لبيت خالتي و روحي ملهوفه عليه اريد اشوفه وسلم عليه وبلكي تصير فرصه اسولف وياهه اتعرف عليه
اني:واني دسولف ويه ريمان سمعت صوت علي بسرعه نهيت المكالمه وندرت لكيته كدامي كال السلام عليكم رديت بسرعه وطياره لغرفتي لان مجنت لبسه حجاب وهو همات من شافني بدون حجاب سلم ورجع ليوره مدخل للصاله
علي:شفته دتخابر وكاعده لبسه تراك اصفر وبدون حجاب منه حبيت لون الاصفر سلمت عليه وجان تطفر ركضت واني رجعت ليوره شفته راحت دخلت للصاله وشفته عدل هلمره لان اكو كهرباء وجسمه يخبل وشكله حيل جذاب.
تالي ع العشى شفته عدل ظليت ارمقه بالنظرات بدون متنتهلي وبدون محد يحس جنت كل بالي يمه وعاين عليه مده تاكل وخاتله وره خالتي ومتحجي ساكته كله تسولف الا هيه اريده تحجي اريد اسمع صوته ابد وبسرعه كامت صاحت وراهه خالتي ..
اني:ركضت للغرفه وقلبي دم ..دم... حسيته حيطفر من مكانه وكمز ع الجربايه هو....هو..هو...اي هو....مجهول الهويه...معقوله ياربي متقصر جنت اتمنى المحه لو من بعيد تالي تخليني التقي بيه ووين بيتنه وطلع ابن خالتي ...نزلت سجدة شكر لربي ودعيت ربي من كل قلبي يكون من نصيبي اني وتخلي عقله وقلبه متعلق بيه اني بس ..كمل العشى وصاحولي اتعشه لبست روب وردي قديفه ع اتراكي الاصفر وشال وطلعت اتعشى واني ميته خجل شون حكعد وياه ع سفره وحده شون حعرف اكل كدامه ...وصلت للصاله لكيت الكل كاعد وهو كاعد بين وايادوماما ..ماما اشرتاي اجي يمه اكعود هو صاير كعدته زاويه وماما ع يمينه سلمت .السلام عليكم..وكعدت يم ماما كال اياد هلو نوسه هاي وين ..ونطاني بوسه بالهوه .اني همات نطيته بوسه بالهوى طبعآ سويته بدون قصد بس حسيت مجهول الهويه عينه عل شفايفي وابتسم ودنك.
كلي اياد تعرفيه هذا الولد لو لا ..معرفت شكول اعرفه ...لا .اشرتله بأديه... مادري هذا علاوي ابن خاله ام عمار ..كتله هله بيك ...وجهي احسه صار بلوجكتر علي همات سلم عليه ع اساس اول مره يشوفني كلي هلو نوسه مثل مكال اياد ... فرديت عليه اني وظليت مدنكه مرفعت راسي بس احسه ديرمقني بالنظرات وخصوصآ هو قريب عليه وكعدته زاويه يعني تقريبآ صاير بوجهي مكدرت اكمل اكل ..اساسآ شبعت ...كمت بسرعه وصاحت ماما تعالي كملي اكل ماما مكلتي شي كلتله الحمدلله
علي :راحت تغسل واني قلبي راح وراههه .جان تكول خالتي اليوم مدري شبيه نوسه له ريوك غده متغدت زين دوام مداومت وهسه همات عشى مأكلت كلتله مو اكيد.قلقه ع الامتحانات هيه اي مرحله ..جان تكول رابعه..اه ماشالله رابعه تربيه مو...لا موتربيه علوم حاسبات هيه جاوبني اياد طبعآ كتله اني جنت علوم حاسبات وتالي من طلع قبولي جويه حولت داومت شهر تقريبآ .. حلوه علوم حاسبات واله مستقبل بس صعبه ..اذا تحتاج شي بحث محاظرات صديقي معيد بجامعة بغداد بكلية العلوم اجيبله كوله..طبعآ هيه صديقتي مو صديقي ..كال اياد هسه اسئله وشوف شمحتاجه هيه كالت قبل كم يوم ع البحث تريد موظوع ومصادر كلتلي اشوفله بالنت
لا شنو النت محاجه اني اجيبله بح
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
