ليتك معي يا مجهول الهوية :
سنابل#
التاسع
عاينت ع المرايه الي كدام السايق وجانت كبيره يعني اشوف نفسي والي ورايه..جان اشوفه منتجي ومخلي ايده جوه خده وصافن عليه...اني قلبي ظل يطبل طبل ....معقوله صافن عليه بسرعه اندرت ع الجامه فتحته شويه لان احس نفسي دخنت احتريت وحسيت بودي اطير من مكاني لويش من الخجل لو خوف منه لو لان صافن عليه يعني اكيد اني عجبته فلهذا ماخذته الصفنه عليه وبعد تقريبآ نص ساعه وصلنه لساحة ....جان كله السايق عمو هياته ساحة ...كله اي عمو ..اني ظجت حييل كلت لا حتروح دبقه يمعود طبعآ كلام نفس مو بصوت عالي ...وتنهدت بصوت لا أراديآ ...جان يتقرب مني ويهمسلي بصوت يخبووووول ديري بالج ع نفسج !!!!!!!!!!!!!وكام وكامت روحي وياه وتشكر من السايق وصافحه وحسدته للسايق ونزل ...اااخ ع ذاك اليوم... (لم تعد بعده حياتي مثلما كانت!!!!)والتفتت ع مكانه جان اشوف جداحته واكعه مكانه اخذته ظميته ع صدري...ااخ ..ااخ شنو انت حتى جداحتك مميزه جان شكله مربع فضي وبيه نقش وبس فتحته انعلك موسيقى وظوه فبسرعه سديته وظميته بجنطتي...وظل صوته يهمس بأذني ....
وصلت للكليه نزلت مسطوره ..دايخه ....بغير عالم رحت بسرعه دخلت للقاعه لوحدي كعدت طلعت الجداحه صفنت عليه همات فتحته همات عزفت ونعلكت الأظويه بيه .وتالي سديته ولفيته بكلنكس وظميته بجيب سترتي حتى كل شويه اطلعه ..اجني صديقاتي ريمان .جانيت كللي هاي شبيج شكلج مو طبيعي اليوم كلتلهن الحدث الخطير....طبعآ استغربن حيل لان مومن عادتي اني ادوخ ع شاب لا ومنو مجهول الهويه.طلعت الجداحه وريتهمياه ...كالن لا صدووك انت موطبيعيه ابدآ لج هذا يدخن وانت مو متطيقين ريحة الدخان ..كلتلهن والله عطره يجنننن ولهسه بخشمي حتى احس باقي بردني الي من جهته عطره ومشميت بيه ريحة جكاير ابدآ ..
جان يكوللي زين انت شتسوين كاعده هنايه كلتلهن اي غير انتظر المحاظره كالن يمعوده المحاظره بذيج القاعه مو هنايه شلت محاظراتي وطلعت ...واكول ويه نفسي دوخج الحلو ...اوف منك منين طلعتلي....
كملت اليوم بس اسولف بيه وكل شويه اتذكر مقطع وارود اعيده لصديقاتي ..وهنه يضحكن عليه يعني انت الي كوله تتمنه منج نظرة رضى تدوخين ع واحد مجهول مكلج غير كلمتين ...حتى مبيهن وعد ..
كل الاغاني بالكافتريا بيومه جنت اهديه اله كل الاغاني احسه عنه احس شغل تفكيري خربط احوالي مكدر اركز بدراستي .. كملت دوام واني دايخه بالمجهول!!!!!اجه الباص صعدت عاينت ع مكانه ومكاني اتأملت يرجع ويانه من وصلنه للساحه الي نزل بيه الشاب المجهول تنهدت وتأملت هسه يصعد ويان وشلت لفكسي عن مكانه...لكن للأسف خابت امالي بالفشل ..مصعد الحلو ظجت حييل جنت متأمله اشوفه وهمات يكعود يمي تالي كلت لنفسي وحتى اذا كعد يمج شحتحصلين بس تتألمين لان انت مو من النوع الي ينطي مجال لواحد يفتح موضوع وياج ويحجي وهو مبين عليه عاقل والا جان حجه سئلج بأي كليه باي مرحله كلج فد شي مكال غير ديري بالج ع نفسج ..اااخ ...ااااااخ وصلت للبيت واني دايخه من التفكير بمجهول الهويه !!!!غيرة ملابسي... غسلت... صليت ...ونمت... متغديت
سئلتني ماما لويش متغديتي كلتله ممشتهيه ابد ...
....
..والحقيقه اريد انعزل لوحدي حتى افكر بيه نمت ع جربايتي وتغطيت بلحافي وظميت راسي وسترجعت ذكرياتي مالت اليوم ..شون شفته صدفه..بالشارع...شون اني اقترب وهو يقترب...شو وصل يمي...سلم ...سئلني.؟؟؟؟؟.و.....و.......و.... وارجع اعيد ذكرياتي تالي تذكرة الجداحه بجيبي سترتي واعرف عماد يحب يفتش بأشيائي ..طفرت مفزوعه ركض ع الكنتور طلعت الجداحه اخذته بسته وظميته بأيدي ورجعت لفراشي اعاين عليه مكدر افتحه لان تعزف بس تنفتخ ظليت اعاين عليه وبيه عطره واخاف العطر يروح منه رجعت لفيته بالكلنكس وظميته ع صدري وحاولت انام بس ذاكرتي تأبى ان تنام ...
بعض الذكريات عصيه ع النسيان...
بعض الذكريات من الصعب محيها من الذاكره....
بعض الذكريات توجعنا....تؤالمنا...تقتلنا.....لكنها لاتموت....
بعد فتره بسيطه جتلي ماما كلتلي كوعدي صارت غروبيه اكوعدي صلي ....
اني اساسآ مكدرت انام بس كنت كأني نايمه ونايمه نومه عميقه والحقيقه عكس ذلك تمامآ ....
ظميت الجداحه بوجه المخده هذا افضل مكان محيخطر ع بال عماد!!!! ...وكمت توضيت وصليت ودعيت ربي واني ساجده ياربي طلبته منك ياربي .قدرك جمعني بيه صدفه خلي الصدفه تتكرر حتى لو بس اشوفه من بعيد لا لا...مريد بس اشوفه ياربي انت تعلم بالي بنفسي معرف شكول بس احس قلبي تعلق بعبد من عبيدك احساس غريب بداخلي تجاهه اول مره احس بيه شعور غريب معرف اوصفه ياربي ....يارب..يارب....ااخ ...ااخ
فعلآ كان شعوري شعور غريب تجاهه
رجعت رتبت فراشي وطلعت محاظراتي واتظاهر اني ادروس سمعت بالبيت يكولون علي اجه ...مهتميت ابد لان بالي وعقلي وفكري وكل حواسي اخذهن مجهول الهويه ...... طبعآ احنه عدنه العشه لازم سويه لان بالغده مننجمع فلازم بالعشى ننجمع الكل عماد واياد وزوجاتهم واطفالهم وماما واسو واني ..
جتي ماما سئل
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
