#ليتك معي"" يامجهول الهويه""##سنابل#

الجزء الخامس

سنابل#
#الجزء الخامس
وعماد واياد بسنة ال2000 تزوجوا وماما قنعت عماد يبني مشتمل بالحديقه طبعآ احنا بفظل الله بيتنه حيل كبير  فكلتله ابني بالحديقه الجانبيه بيت احسن حتى تاخذ راحتك انت وجهالك ومرتك هيه حتى تخلص منه شويه ولو منخلص منه ولمى وعلا هوايه يجون عليهن خطابه بس عماد يرفض كل عاده ومرات ينهزم من اابيت لحد مالناس تمل وتبطل وبدت حالة بابا الصحيه تستاء وفمره ستنجدت ماما بعمو حتى يقنع عماد يقبل يزوج خواتي وبالظغط عليه وكلوله مثل مانت تزوجت خليهن يتزوجن كال اني رجال كلوله همات اكو رجال يريد مره واجه يخطب اختك يعني تقبله لنفسك  وتحرمه ع غيرك   المهم بالظغط والعرك والهوسه وتدخلت اطراف هوايه من الكرايب قبل تتزوج لمى وعلا وطبعآ تمت الخطبه بدون ميشوفن الخطاب  ومره عرف خطيب لمى يريد يجي يشوفه طبعآ بعد مكطعت مهر عماد كمشه خلصه  حتى ظلت تتقيأ دم كد مظربه وظلت نايمه بالفراش ايام وحتى بالتلفون الارضي ممنوع تحجي وياه وهو وينه التلفون اشو دومه معلك الخط  لو مشترك ويه جيرانه لو ماكو حراره المهم حفلة زواجه بقاعه عماد كال سنابل متروح للعرس واني ظليت ابجي  وماما واختي هدى يتوسلن بيه وميقبل وتالي همات دخلنه الكرايب تتوسط ويالا قبل عتريس اروح للحفله وهاي اول مره احظر حفله وجماله بقاعه ولبست بدله سوده مقسمه طبعآ  ومكياج خفيف   وفتحت شعري وبرمت اطرافه وطلعت فدشي !!!!!وتونست بالحفله بس قلقه خايفه من عتريس من نرجع ومن الخوف نسيت خالتي متفقه ويه  ابنه يشغل عتريس بهاي الليله ويقنعه يبات عدهم ....
بعده ظل عتريس من تجي لمى يتحجج ميجي يسلم عليه وع زوجه واذا سلم فسلامه من وره خشمه وطبعآ هذا الشي حيل غث لمى وزوجه وظلت تصير مشاكل بيناتهم بسبب عتريس (عماد) وظل زوجه ميجيبه النه كول وين وين واذا رادت تجي ميقبل يجيبه يروح (اسامه  يجيبه وهو همات يرجعه لبيته وصار عده ولد وعماد ميحب ابنه ولا حتى يكلف نفسه يبوسه وحتى ميكوله خالوا يكوله عمو روح يم امك لتبقه هنايه بس اياد لا عكس علاقته زينه نوعآ ما ويه زوج لمى بس عماد يقره براسه ميخليه يتواصل ويه مؤيد زوج لمى وحتى اذا شافه يلاعب حسوني ابن لمى يكوله ديخلي يولي يم امه وتعال نلعب دومنه لو تعال نكعد  بالحديقه او.....او...
وبقيت اني وكمل احكامه عليه يراقبني من اطلع للكليه وينتظرني بالمطبخ من ارجع بالا4ونص العصريراقب لبسي ويدقق بوجهي خاف خاله مكياج ومره رجعت وجانت حاره وجهي مزمهر احمر وجان يشوفني و ينجن كلي شمخليه لخدودج لج كتله والله ممخليه شي وظليت اشك بنفسي منين اجالي الحمار بخدودي وجان يمسح وجهي بقميصي ويشوف قميصي مطلع بيه لون جان وجه يظل  ينطي الوان اصفر اخضر كلي لا يولي اتشاقه وياج يريد يغير الموضوع وهو بحياته ممتشاقي وياه اني فهمته ومره همات عاده ومسح شفايفي بقميصي  بحجة شعرايه عليهن وهمات مشاف شي
عشت حياتي الجامعيه بهدؤ بدون شغف مثل باقي الطالبات منظحك عليه لاني عاقله و من دخلت للكليه كلت للطالبات اني مستحيل اسلم ع الطلاب او احجي ويه واحد منهم كللي لا هاي بالبدايه بس تالي اكيد لح تظطرين تحجين وياهم كلتلهن ابدآ وصدوك.خليتهم يتمنون ارود عليهم السلام يتمنون احجي وياهم وظلوا كل طلاب القسم وحتى طلاب من الكليه يتراهنون عليه منو الي يوكعني ويكسر خشمي حسب كلامهم بس والله محد مكدر يكسب رهانه وجانوا ياخذون اسبوع لكل واحد والله العظيم وكول واحد يحاول يوكعني بكلمه بنظره بموقف معين بس اني ياجبل ميهزك ريح واحد منهم اسمه صايغن تركماني من الموصل يابا وله مل ولا جزع من بداية مرحله اولى وهو لزكلي لزكة جونسن خبلني ومخله طالبه مدزه عليه هو نفس مرحلتي  وجان يتمى حتى لو بس اوكف اغلط عليه المهم احجي وياه لو كلمه وحده اي كلمه ايآ كانت ممل ابد واني ثابته ع موقفي وبيوم حفلة التعارف كوله عرفت نفسه الا اني معرفت نفسي  وكوله اخذت صوره جماعيه الا اني ويدزون عليه بنات تقنعني ويحاولون بس مقبلت كلت يحلمون اخذ صوره واخلي صورتي بدين الولد مستحيل وبنفس الوقت لزكلي استاذ اكبر مني ب21 سنه لطشلي لطشه بس هذا استاذ يعني اظطر احجي وياه بالمحاظره واسلم عليه ومنطيته مجال ابد شكد حاول وجانت مادته صعبه حيل وبيه نظري وعملي ويتقصد يكعدنه ع الارقام واني رقمي اخر كرسي بالعملي ويجي يوكف يمي ويمد ايده ياخذ القلم مني بس يريد يطوخ ايدي واني اكوله استغفر الله ويشوفني بسرعه امسح ايدي بقميصي كول ظني امسح اثر ايده والطلاب يظل واحد يغمز لثاني وجان بالامتحان يكولي تعالي كوعدي كدامي باول استيج بقاعة النظري وبالطرف كدامه حتى يظل كول شويه يدنك عليه يسألني محتااجه شي شلونه الاسئله ويظل يتمشه بين الاستيجات ويشعر  ع طولي وعيوني وكل وحده تظحك يكوله مو عليج ثوله اي قابل انت طويله وعيونج حلوه هو طبيعته يتشاقه هوايه ويه الطلاب ويطلع خارج النص هوايه بالمحاظره فالكل متعود ع اسلوبه وكوله تعرفه يشمر عليه بالحجي المهم وصلنه لنهاية مرحله الاولى وزع السعيات وسعي كولش زين بالعملي والنظري وفرحت حييل كلت يالا استفاديد منه وبيوم الامتحان مالت مادته طبعآ هو ياخذنه مادتين باع الاسئله ع الطلاب العرب .