:سنابل#
# 20
طول فترة الخطوبه مشفت علاوي غير كم مره لان عماد ميقبل فشفته بعد حفلة المهر بيوم الفحص الطبي ويوم المحكمه ..وبعد مرتين غيرهم لحد زواجنه بس الموبايل ممقصر مينزل من ادينه اتصالات ورسائل وزاد حبي لعلي اكثر من الكثير بكثير.....وبديت اتعلم طبخ طبعآ ماما طباخه ماهره علمتني اطبخ ع اصوله ... وبديت اجهز لزواجي واختي علا حبيبتي جهزتلي جنطه نيشان كامله منه هديه الي ومحبس ذهب فديتج يا اختي...ااااخ...اااااخ...واختي الكبيره ماما هدوشه جانت بوقته بعمان هيه وزوجه وعياله جهزتلي همات جهاز كامل و بدلات تجننن ...
امتحنت ونجحت وتخرجت ولله الحمد والمنه وطبعآ صديقاتي حاولن يشرحلي عن ليلة الدخله بس اني كل مره ارفض رفض قاطع لان جنت اخاف اسمع ونصدم مريد افكر بشي يقلقني و يخوفني من علي ...
علاوي كلي مريد تأجرين بدلة زفاف اريد تفصليه او تشتريه حتى كل خميس تلبسيه الي و خيطت البدله وعلاوي دفع تكاليف خياطه صارت ب350الف بوقته
وحددنه زواجنه يوم 20.8.2005وحجزنه قاعه طبعآ الحفله يم اهلي مو ببغداد بليلة زواجي افكر بيه ممصدكه يجي بكره وشوفه..
من فينا هل ليله ينام...
والشوك .صاحي ماينام...
كل منا ياحبيبي شايل بقلبه كلام
تسهر الليله عشاني ..
وسهر لشوك الي فيني.....
وصلت لهذا اليوم واني طايره .طايره من الفرح بدله وتسريحه ومكياج طلعت فدشي جان بداخل الصالون قاعة تصوير نزلت لصالة التصوير لكيت عديل الروح ينتظرني وطالع ايه.....ايه....ايه...من الجمال جنت حيييل مشتاقتله 4اشهر مشايفته
علي:دخلت عليه مصدكت الي اشوفه ملاك كدامي كلتله كل هذا الجمال لمنو
سنابل:اممممم.....الك..انت....شونك مشتاقتلك .جان كامش ايدي وعاين عليه بأبتسامه ..باندهاش جان يبوس ايدي واني طرت من الفرحه بودي حتى حذائه ابوسه ...اااااااووووف....ااااااوووووف
بسرعه نزلت دموعي...اخ منج ياعيوني ليش تدمعين فرحانه ...ايه دموع فرح وقته ...بس دموعي الي دتنزل هسه ....غير ذيج الدموع.....عكسه تمامآ الشبه هو نفس العين الي دتمع فقط !!!! كل صوره يظل حاظني وقريب مني ميقبل يبتعد عني ....كملنه تصوير جان يكولي صدووك انت ملابسه بدله بيضه بدلتج وردي كتله اي حلبس بدلات اثنين وتالي البس البدله البيضه رحنه للقاعه دخلت للقاعه واني بقمة السعاده اني وياه وحس بعض العيون تنظرلي بحسد...بغيره...بخبث...مهتميت اله لكن بداخلي ممطمئنه قلقه خايفه من حسدهم علاوي بله شي يجنننننن مو عريس.... حتى المزوجه عينه عليه
لبست بدلات 2 سويته حنه وعرس اخر شي بدلة الزفاف واكيد طلعت فدشي ..
علي:من لبست البدله البيضه ودخلنه سويه مكدرت اتحمل بعد شويه وكلت لعذراء يالا زفونه هاهيه كافي بعد ....
اني:حسيته بوده يشيلني وينهزم بيه....طبعآ مجهزيلنه بيت علا نبقه بيه كم يوم لان خاف من الفندق تصوير او شي ...وعلا بقت يم اهلي هيه زوجه وبنته ...زفونه للبيت اول مطلعوا راح علي يفقل الباب وراهم ....واني كاعده بالصاله وقلبي يدك 300 دكه بالدقيقه وحسه يريدهم بس يطلعون حتى يختلي بيه واني جنت اريدهم يبقون ....طبعآ زحمة المشاعر مرافقتني دائمآ لكن بكل موقف اكو شعور هو المسيطر اكثر ..وبهذه اللحظه شعور "الخجل "هو المسيطر عليه بالاضافه الى شعور" الخوف" رجع علي ووجه طاير من الفرحه اوووه واخيرآ وصلت لهذه المرحله اني وانت بيت واحد ولوحدنه اشكرك ربي ممصدك اشو كورصيني دصدكه لنفسي خاف احلم
اني:حقك متصدك بعلم بحلم اني اقبل بيك
علي:لا باله هاي منو التحجي ...لج والله تحبيبني وتموتين عليه بس تكابرين ..دكومي كومي صيري خوش مره ونزعيني سترتي قميصي مشايفه بالافلام شيسوون
اني:لا لتنزعهن ابقى بيهن حلوات عليك..اني عندي غايه اخرى مريد ينزعهن خاف يصير كلام صديقاتي حقيقه "
يالا كومي للغرفه ..مقبلت اكوم . كامشه بالقنفه مقبل اتحرك كومني حيييل ورحت بالكوه للغرفه..دخلنه واني زاد القلق عندي
يالا نزعيني السوتره نزعتهياه وخليته ع الجربايه كلي بعد كملي فتحي دكم القميص اني فتحت دكم ردنه اول شي لان اخاف افتح دكم الصدر اخجل اشوف صدره كملت كل الدكم وبدون معاين ع صدره جان يحظني حييل
علي:حسيته حييل خجلانه ومتوتره حظنته حييل وحس بدقات قلبه سريعه ونفسه سريع سحبته عليه ع السرير دفعتني وكامت تريد تطلع من الغرفه..
كلتله تعالي وين دنغير ملابسنه خو منبقه بالبدله للصبح شنو ناذره تباتين بيه اذا قبلت بيج
اني:ههههههه قبلت بيه ههههه شكد مغرور.
علي:سنابل شنووشعورج هل لحظه الله عليج
اني:كتله ..امممممم.ماعرف كل شعور يكول اني هو شعورج حاليآ ...معرف ...بس احاول
علي:شتحاولين ها
اني:احاول اخفي احساسي
علي:يااحساس هذا
اني:لا ماكو بس هذه اغنيه احبه وجتي ع لساني
علي:غنيه الي مو اليوم عيد ميلادي غنيه الي.... حتى لو صوتج محلو نشاز قابل
اني:لا مغني صوتي محلو اقراهه كشعر ..
احاول اخفي احساسي لكن بالعشك مفضوح
تشوف الفرحه بعيني وحبك بالعقل والروح
احبك حب مااكدر اعاند فيه ا
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
