ليتك معي يا مجهول الهوية :
سنابل#
ج 17
خليني اكمل درسي التعليمي انت طالبه غبيه يرادلج شرح وافي ... بالثقافه الجنسيه
اني :لاالله عليج بعد مريد اعرف اي شي كافي الي عرفته ...بذمتج بعد لتحجين والله احس راسي حينفجر مده يستوعب خرابيطج ...كافي حتروكجن واروح ...ريمان:هههه راسج حينفجر وهو عرف بس عناصر المعادله الكيميائيه لعد لو اشرحله طريقة حل المعادله شيصير بيج هههههههخخخ ياله كومي روحي شوفي صايغن واكفلج بالركن البعيد الهادي ..يريد بس مجال حتى كبل يخطب مو يصارحج لا هو هسى تعده هذه المرحله عيني اليوم شون وكف بوجه لدكتور حامد ويدافع عنج والله مراد خطيبي ميسوي مثله
جانيت:اي المسكين رادله بس موقف حتى يثبت بطولاته واني بداخلي اضحك عليه وكوله خلي يولن متفيدك سنبله باله مويمك عيني الطيار مكال الجو كوله ياصايغين يابطيخ ...
سنابل:كافي بعد من وره سوالفكن السخيفه حتى الطيار بعد مريده لعبتنه لنفسي خاف هيه ملعبانه من الصباحيات.
ريمان:زين اخر سؤال والله وجاوبي بصراحه بروحه لوالدج ..انت شعبالج الزواج بس سوالف معقوله مسامعه كلمه منا منا مثلنه.. احنا همات نسمع كلمه من فلانه ع شكم كلمه من ارين (ارين طالبه ويانه تزوجت قبل اسبوع) مشفتي كل شويه مجموعة بنات يكعدن يسولفن وياهه شعبالج ع شنو كاعدات يسولفن
اني:والله ع بالي بشوفن صور زواجه واكيد تسولفلهن ع البدله ع الحفله ..وجان كل فكري الزواج هو.....
جانيت وريمان:اي شنو...طلعي الزبده شعبالج..؟؟؟يلعبون شطرنج لو دومنه مثل متعلبين ويه اخوتج
اني:جان ع بالي ليلة الدخله ..اممممم 😷😶العريس يبوس زوجته بشفايفه وبس ...وكافي بعد غيرن الموضوع
ريمان وجانيت:ههههههه وتالي يخلصون حياتهم بس بوس هههه.. والله انت طلعتي خام كولشي متعرفين.. لا ومن البوسه تحمل العروسه ع هذا المكبلات بالكليه كولهن حوامل لان اكيد كعدتهن بالختلات وره القاعات جربن بوسة الشفايف ههههه بس منتركج نعلمج نعلمج ..اخذت اشيائي ورحت كعدت بغيرمكان واجالي صايغن سنابل ممكن اكلمج ..
اني :لا ممكن .... صايغن: هنه كلمتين بس.
الله يخليك اتروكني بحالي .ترى نفسيتي حييل تعبانه صايغن:سنابل كلمتين .. حنتخرج وانت متنطيني مجال اكولهن
سنابل:مريد سمعهن..هل كلمتين
صايغن:ليش سنابل معقوله محسيتي بيه ..سنابل اني كولش احبج
سنابل:اهووووو.... وتالي وياك يمعود انت عندي مثل اي طالب مثلك مثل اخوتي .فطلعني من بالك احسنلك صايغن:موبيدي حاولت ..مكدرت . قلبي متعلق بيج.. اني:زين اخرة التعلق شنو؟؟؟
صايغن :اني مريد لالعب ولا علاقه اني اريد تقدملج ع سنة الله ورسوله.. ترى. اني اخاف ع سمعتج مثل ماانت تخافين ع نفسج .سنابل اني صار كم سنه احلم بهل لحظه..
اني:صايغن من الاخير اني اهلي ميزوجوني لغريب لا وجماله تركماني مستحيل صح ماكو فرق بس احنه مننطي غريب ..وهسه لازم تمسحني من عقلك بحبر ابيض ..اوك.. نصدم صايغن
وحنه دنحجي بدت تمطر
صايغن:مئيأس ابقه احاول وحدز اهلي يخطبون والدي ممعترض ..مدام هذا اختياري... و مستعد اخوض معارك من أجلج ..
اني:صايغن امانة الله لدز اهلك والله اخويه يبطلني من الدوام لتعم عليه وتظيع مستقبلي.. بذمتك امانه ..امانه متدز اهلك ..الله يوفقك..
زاد المطر وزاد البرد اخذت محاظراتي ودخلت للقسم رحت لغرفة الطالبات بسرعه نزلت دموعي خفت خاف صايغن يخطبني وخفت من ردت فعل عماد اكيد حيخطر باله بيني وبين صايغن علاقه ياربي شنو هل يوم هذا كوله مفاجئات .. صدمات ...ياربي عدي اليوم ع خير ..بقيت كاعده تذكرت علاوي عاينت ع ساعتي اااه..بعد ساعتين تخلص المحاظره ويجيلي الحلو #مجهول الهويه ..ياربي لك الحمد والمنه صح لهسه معرفت مشاعره تجاهي شنو بس وجوده قريب بحياتي يشعري بالأمان ياربي يصير من نصيبي يارب اطلع اني قسمته ياربي اطلع مخلوقه من ضلعه يارب بحقك فتحت سمائك تمطر برحمتك لتخلي علي ابن خالتي يصير من نصيب غيري يارب يارب.. يارب خلي عقله وقلبه متعلق بيه لتخليه يفكر بغيري..
بدت المحاظره اخذت اشيائي ودخلت للقاعه الطالبات كاعدات وصديقاتي همات والطلاب الي داخل القاعه والي بالباب يسولف... يدخن ..صايغن بس شافني ظل يوزع ابتسامات ..مدرتله بال ..كعدت واكيد ع الارقام نكعود وفي حالة الكعده يالقاعه الي بيه ستيجات صايغن يصير ورايه وفي حالة القاعه الي بيه ستولات او الكرسي مالت الجامعه معرف شتسموه انتوا ..صايغن تصير بيني بينه طالبه سرود كرديه بهذا اليوم طلعت سرود مجايه والقاعه مرتبه كل 3ستولات مصفوفه سويه سرود ماكو يعني اني ... صايغن ..ماكو احد بيناتنه اليوم يكعود اجه الاستاذ اجه صايغن كعد فرحان ماكو احد بيناتنه واحنا كعدتنه بالوسط كعدت وقلقه بالي يمه خايفه منه بده يشرح الاستاذ وصايغن يحاول يكمل كلامه ويايه واني مسويه نفسي مده اسمع والاستاذ كل شويه يكول بله كلام منو ديحجي بعدين كال للأستاذ تسمحلي اتحول بهذا الستول لان مده اشوف هو جان من جهة الحايط سمحله الاستاذ كام كعد بمكان سرود كتبلي
تعرفين انت تشبهين
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
