#ليتك معي"" يامجهول الهويه""##سنابل#

الجزء 19

ليتك معي يا مجهول الهوية :
سنابل #
الجزء19

أشياءُ تأبـى أن تمـوت
و أخرى برغـم كونِها ميَّتة تقتُلُك
و أخرى ماتت لكنّ جثَثَها ما زالت تسكنُك
أشياءُ لفرط ما ظننتَها ستغدُرُ بك
لأنَّك لم تتخلَّ عنـها
هي التّي ستترُكُك ......

اااه ...تمر علينه لحظات هيه ثواني لكن المهه يبقى ويانه سنين وسنين ....لحظات من تنعاد بذاكرتنه  نسترجعه بالصوت .بالصوره..بالشعور الي حسينه بيه وقته ...حتى نشم ريحته ... وكأنه رجعنه نعيشه من جديد ...وهو هذا شعوري حاليآ  .....
فتحت عيني بعد كم ساعه معرف.... وين اني همات معرف ...ظليت اعيط ....ودموعي تنزل مثل المطر وحاره احسه دتجوي وجناتي ....وكفت كدامي زوجة عماد بوستني وحظنتني... زوجة عماد حييل حبابه وطيبه ..احسن من عماد بهوايه...دفعته وظليت اظرب ع راسي وعيوني... اريد انسى الي صار شفت بايدي كانونه سحبته من ايدي حييل ورجعت اظرب ع راسي وهيه تحاول تكمش ايديه والدم يطفر ع وجهي من ايدي نطوني ابره  هدئت مكدر احجي لساني معكود بس دموعي مستمره تنزل  نمت كعدت اعيط  بقيت كم يوم معرف ع هل حال ينطوني مهدأ اهده ونام جف ايدي الايمن حييل يأذيني ويتشنج لوحده يتصلب اظل اعيط منه مكدر احركه احس بيه مثل الكهرباء من ينطخ بشي اخذولي اشعه طلعت الاوتار متمزقه كد مسحبني الحقير  جبسوهه لايدي وكتفي الايسر مخلوع من كد مجان علي يسد باب السياره عليه حييل  تعالجت .و طلعت للبيت تعبانه حييل ومحجي الحجي ميطلع مني وبالي كوله يم علي اريد اسئل وخاف من الأجابه؟؟!!!!اخاف ابقى لوحدي ...اخاف من كولشي صارت عندي حاله نفسيه  رهاب من كل شي  من كد الصدمه الي تعرضتله ..وفد يوم واني نايمه سمعت ماما تتصل بالموبايل تكول سويت شوربه لعلي تجي تاخذه  ..فتحت عيني كلتله علي عايش ..وجانت هذه اول جمله انطقه بعد الحادث ....ودموعي تنزل...ماما كالت اي عايش بس وظعه تعبان كالته ودمعت عيونه وحظنتني حظنته حييل وظليت اعيط بصوت عالي ياربي ياربي  نزلت سجدة شكر لربي  .ماما يعني علي ممات ..لا ممات ...ساعدتني امي اكوم لان اديه اثنينهن تعبانات  ..ماما اريد اشوفه ..عفيه.. وين تشوفيه هو بعده بالمستشفى اليوم طلعوه من العنايه المركزه وكالوا سوله شوربه ..شصاربيه هو ...الي راد يخطفج صوبه برجله وبمعته وستقرت الرصاصه  بالكبد وسوله عمليه وطلعوهن الكبد متأثر بس الدكتور يكول ان شالله يعدي مرحلة الخطر لتبجين ماما كافي نندعيله احسن صلي اقري قرآن صار كم يوم وانت لصلاة ولا قرأت قرآن  ..بس انتبهي ايدج مجبسه لتخلينه تتبلل دخلت سبحت رادت ماما تدخل ويايه مقبلت اخجل منه سبحت واشوف رجليه ركبي مجرحه وزركه وجسمي كوله طوكع زوروك من كد موكعت هلكد مباب السياره ينسد عليه ....سبحان الله يوم 12.15.شكد صارت ويايه  بيه احداث  ولا انساه هذا اليوم ..ااخ ياعلاوي لو مجنت انت ويايه جان اني وين هسه ميته عايشه وشلون عايشه   الباص مجالي وعلي وصلني ورجع عليه لو رايحه بالباص وجيت للبيت مشي جان انخطفت ...سبحانه مسبب الاسباب ...وفكر بعلاوي شنو حالتك هسه بسببي تعلعلت ..طلعت صليت واني كاعده ع الكرسي ..وندعيت لربي اصوم عشر ايام بس يطلع علي من هل شده وتصدق وقره قران اختم مرتين بشهر  مرت الايام بدت حالتي شويه شويه تتحسن ..ماما متعجبه عليه شكد خايفه ع علي  ع باله لان نقذني من الخاطف ..كلتله حقيقة مشاعري لعلي وشون شفته وتعلقت بيه قبل معرف هو ابن خالتي  اندهشت وكلتله يريد يخطبني فرحت حييل ...والد علي عرف بالي صار واجه اخذ علي لبغداد بدون ميجينه علي ولا اشوفه يخاف عليه خاف يجينه انقهرت حييل بقيت فتره مداوم اخاف  بدت السنه الجديده2005 بعد 1.1 داومت واياد او عماد يوصلوني ويرجعوني وميرحون الا يتأكدون دخلت للكليه ...يوم 19.1 رجعت من الدوام تلكتني ماما وجه فرحان حظنتني وزوجات اخوتي همات كلتلهم خير شكو كالوا غيري ملابسج وتغدي وبعدين نكولج خير.. خير  خلصت غده كلتلي ماما تعالي عندي حجايه وياج اكولج بغرفة اسو فتحت الباب دخلت لكيت علي كاعد ع الكرسي ويتحرك يمنه ويسره ع الكرسي المتحرك  اندهشت حسيت قلبي حيوكف خليت ايدي ع حلكي وكعدت باب الغرفه ابجي وامي تسكتني اسكتي ليسمعوج وسدت الباب وهو ظعفان ومتغير حييل لج كومي جكومه هاي شصاير بيج معرفتج كلت منو هذا ابن جيرانهم ....هههه..كتله حقي لو موحقي  من كد قلقي عليك خفت خاف.....اسم الله عليك مكدرت انطقه الكلمه  كلتلي ماما اجه هو وابوه وعمار خطبوج  وباجر ان شالله تكطعون مهر ولو اثنينكم معوقين  اسباب صحيه   فرحت حييل حسيت ساعته اني اسعد وحده بالدنيا ..طلعت من الغرفه رحت لغرفتي وماما جتي بوستني وحظنتني وكالت باجر ان شالله من الصبح ترحين للصالون كلتله شلون واني ممحظره بدله كالت انت شتحجين عذراء وعلا راحن للسوك ديحجزلج بالصالون ويحجزن البدله وحتى لتعرفين جهالهن يم بيت عماد  يعني... عذراء همات جتي.... ايه حتى اخوه من ابوه همات اجه وزوج عذراء  همات وياهم .
الليل كوله منمت فرحانه ممصدكه يجي باجر رحت الصبح للصالون مكياج وتسريحه