#ليتك معي"" يامجهول الهويه""##سنابل#

الجزء14

ليتك معي يا مجهول الهوية :#
الجزء14

علي:لا تطول فكر بسرعه ورودلي جواب عندك هل عشر ايام بعده التحق  تنطي جواب.. اوك.
مرمرني ابويه وكلي التحق وعود من ترجع انطيك جواب .التحقت واني حييل ظايج تمنيت اروح واني ماخذ ال اوكي .من ابويه حتى افتح الموضوع ويه خالتي..... حتى بلكي اكدر احجي ويه سنابل  .. لان احنا عائله محافظه معدنه واحد يكعد يسولف ويه كرايبه البنات ممنوع هذا الشي  خصوصآ اذا بنيه تعتبر خط احمر مبصير يسولف وياهه لوحدهم  اذا يسولف وياهه كدام اهله وموضوع عام وميطول بالكلام يعني كلمه كلمتين خصوصآ بيت خالتي حييل معقدين بهذا الموضوع ..عمااااد كارثه صاكرهم بالبيت  صكر ..
اني :علي سافر لبغداد واخذ عقلي وياهه شاغلني مدوخني تعبت من التفكير بيه وحسه ممهتم لأمري  صح لمحته كم مره ينظرلي نظرة اعجاب طبعآ نظره خاطفه بس اني معبرة عليه اني سريعة الملاحظه  نظرته صادته عيوني ونحفرة بذاكرتي وبقلبي وبعقلي مستحيل تنمحي ذيج النظرات الخاطفه مستحيل انسه  ذيج النظرات من العيون الي معرفت شنو لونه ..زوروك..لو رصاصي..لو خضور..بنفسجي... نمري هيه جانت تتلون بلون لبسته كل مره اشوفه لون   صدووك عيونه كتاله تصوب.. تداوي.... تسولف ....تبتسم
..اااوف..ااوف .ياعلي ...شكد بجيت بسببك شكد تعذبت شكد طلبتك من ربي شكد تمنيتك .. منين طلعتلي خربطت حياتي جنت اشطب يومي وانام ع حب الله طلعتلي انت مدري منين خليتني له ليلي ليل وله نهاري نهار ..
كم اهواك يارجلآ      أبيع من أجله الدنيا ومافيها

استاذ حامد يضايقني والبروفسور كذلك واني ظايجه ..ومخنوكه..اريد اعرف مشاعر علي تجاهي شنو لو هو اساسآ ميشعر بيه وجنت اتمنى انخطب ولبس حلقه حتى احطه بعيونهم حتى بلكي اخلص من مظايقاتهم الي وفد يوم عندي محاظره واني وصديقاتي كاعدين بالستيج الي بيه خمس مقاعد جماعة الكليات اكيد يعرفوه وجان باقي مقعد واحد بالطرف فارغ واني جنت كاعده بالطرف يم المقعد الفارغ والقاعه كوله متلت بقه بس هذا فارغ وتذكرون صايغن من الموصل دخل للقاعه متأخر اني جنت مخليه جنطتي بالمقعد الفارغ دخل للقاعه والاستاذ ديشرح كبل اجه شال جنطتي وكعد يمي واني الكل تعرفني ممنوع ولد يكعود يمي وجان تصعد  الكآبه عندي وعرفته يريد.يحجي ويايه ويريد يثبت للولد انه هو الي كدر يحجي ويايه بعد اربع سنوات وكبل نغزني بعكسه اني تكأبت حييل وكلت لصديقاتي تزحفن ع الحايط وجعصتهن صرنه 4ب3مقاعد وخليت المقعد الي بيني وبينه فارغ وجمعت كل كتبنه ومحاظراتنه وجنطنه وخليتهن بيني وبينه واني مقرفه منه وصديقاتي يضحكن عليه واني جاعصتهن ودايره وجهي عليهن ملتفتت عليه ابد الطلاب كوله ظلت تضحك عليه وكوله تكوله لك صايغن طلع بيك الجمره الخبيثه واحنا مندري الي يكوله بيك جرب  والي يكوله العب غيره مظبطت وياك طبعآ كل هذا والاستاذ يشرح بس احنه جنه كاعدين بالمقاعد   الي قبل الاخير والقاعه كبيره واول مكملت المحاظره وكفت اريد اطلع وهو ظال كاعد التفتت ع جانيت كوليه خلي يكوم دنطلع سوه نفسه ديكتب  كلتله جانيت عيني صايغن ممكن تكوم دنطلع كام وكف شويه ليوره وطلعت اني وبقن صديقاتي  يكملن كتابه ونظرتله بأحتقار وطلعت رحت لغرفة الطالبات وجماعته كولهم يضحكون عليه وهو وجه عركان وينطي الوان من وصلت يم الولد كلت بصوت مسموع حتى يوصلوله ...هههه هم مصدك .نفسه ..يكدر لي  ..ههههه عباله حقلدله اني ...تهي بهي وهز بأيدي وغميته بأيدي وجماعته كوله تضحك عليه بصوت عالي 
وطلعت لغرفة الطالبات ...افكر بعلاوي وين انت هسه بشنو تفكر كاعد نايم ...
حنيت الك حنيت....شلون اوصلك وانت بعدت وانت  بعدت ونسيت  باقي نتظر طيفك يمر وحدي انتظر ظليت  .....مل صوتي مني ...منك فلا مليت.....
.اااوف ...اااوووووووف ياعلي... كم اتمنى ذكرياتك مكتوبه في ذاكرتي بقلم رصاص حتى امحيها بممحاة ....لكي استطيع ان اعيش بدون ذكرياتك التي تقتلني كل يوم كل لحظه ...كم اتمنى لو كانت ذكرياتك مكتوبه  في ذاكرتي ع ورق ..كي امزقها من ذاكرتي ....لكي استطيع ان اعيش ...ااااااه...ااااااه ......
كم هيه مؤلمه ذكريات من نقشوا ذكرياتهم في عقولنا نقشآ .....كيف  اهرب  من ذاكرتي التي ارهقتني ...اااااااااه....ااااااااه ..كم ااااه تتحمل ياقلبي
طبعآ اول مبديت اكتب قصتي ودموعي مو كفت واتعب من البجي واكول مكمل كتابه لان هيجت اوجاعي ..من بديت ابعثر  اوراق ذاكرتي  ودكات قلبي  بدت  تأذيني    ...........
جان كل ظني علاوي ولا مهتم لأمري واني وله على باله طلع طول الوقت الي راح وهو ديتوسل بأبوه حتى يوافق ع زواجنه ....ياريته موافق....ياريت
علي:كملت دوام وصلت اجازتي نزلت لبغداد وهل مره قاطعت ابوبه وعتكفت بغرفتي لحجي وياه وله ويه اولاده عنده اولاد ازغر مني اكبرهم مواليد82 ولد اثنين وبنيه وخلصته بس جكاير اني الي جنت باكيت جكاير سنه ياله اكمله لان مدخن هوايه يعني مو مدمن تدخن ادخن بالمشتهى او من اضوج ولو هيه متشيل قهر بس جنت ادخن كل يوم باكيت حتى اغوث ابويه وخليه يقبل اخطب سنابل واعرفه هو ي