ليتك معي يا مجهول الهوية
سنابل#
ج ١٣
مستحيل اقربه او احسسه اني معجبه بيه لان اخلاقي وتربيتي متسمحلي اساسآ اني ظليت قلبل اسلم عليه اخاف يلمح بعيوني كلام مريد يعرفه ..ومرت فتره ع هل حال اني متعذبه حبه بده يكبر بقلبي يوم اكثر من يوم وهو صار قليل يجينه مو مثل قبل ...واني صرت من يجيبون سيرته افرح...
لما يجيبوا سيرتك ....يحلو الكلام.. اتنهد في سري ...وهديك السلام..تصحى زكرياتي ..ودريهم أواااام ..ليبان المخبي ..بئلبي ..من وجد وهيام..
جنت اردد هذه الاغنيه بداخلي ...صدووك تحلوا السوالف من تجي سيرته .واظل اشمر اذن هنايه واذن هناك حتى اسمع كل مايقال عنه...واتمنى اسئل ماما عنه او أسو ..علا...لكن خجلي يمنعني مريد احد يحس اني مهتمه لأمره لأن اني بالبدايه رفضت وجوده بحياتنه ومحب اسمع سيرته وجنت احاول اشوه صورته عند ماما ..لان غرة عليه مهلكد تحبه ...
علي:بقيت كم يوم بالدوام ونزلت لبغداد اول موصلت اتصلت ع عذراء تجي .جتي عذوره سولفتله ع بيت خالتي وتحديدآ ع سنبولتي !!!!
عذراء:الله هيج كبرانه سنابل ..وصايره بالكليه. اوصفه الي تشبه منو .؟؟؟
علي:اوصفه الج بأختصار....هيه أنثى ...
عذراء:-انثى!!! ههههههه هذا وصف مختصر . حييل...
علي:اي انثى....انثى... هذه وصف دقيق ومختصر ..ترى مو كل بنت ..انثى..اكو بنات هيج محسوبات ع النساء .واكو بنت ...أنثى انثى ..تحوي كل مواصفات الانوثه مو معدوده ع احتياطي الزلم..
سمعي من الأخير اني اريده ..لسنابل اوك
عذراء :والله حبيبي لو عليه هسه اروح اجيبه الك ...بس المشكله مشكلة ابويه شقنعه
علي:لعد اني لويش كوتلج تجين اريدج انت وعمار تساعدوني نقنع باب ..اني مريد لا الاء بنت عمو ولا ياسمين بنت عمتي .وغير سنابل ماااااااتزوج هسه وره العشى نحجي وياه ولازم نقنعه لو هل مركب لو مركب ..زين
وره العشى فتحنه الموضوع ويه ابويه وابويه رفض كال لتكوله ابد لو بنت عمك لو بنت عمتك غيرهن مزوجك اني ..كتله لعد اسمعني ..لو سنابل لو اطلع منك ااجرلي شقه واعيش لوحدي ومتزوج غيره لو يبقن بس بنات عمامي لو شميصير زواج غير سنابل متزوج
ابويه..شقه لوحدك هااااا تعيش بيه شتسويه ...بار...لو كوستر..هااا
شوف يابا اني من كبرت كتلي ثلاثه لتقربهن الشرب والنسوان والمال الحرام لان متتوفق بحياتك اذا تضوكهن واني ع وعدك مجربت شي حرام ربي يشهد عليه وحتى البنات الي احجي وياهن هنه الي يتصلن بيه اني ممرقم بنيه والله زين ..وحتى سوالفي وياهن ع الخفيف ممتعدي وياهن خط احمر ..بس اذا توكف انت بوجه سعادتي لا متظل مكسوره مسويه حتى اسود وجهك ..وتعرفني كلمتي وحده مثلك وراسي يابس هم مثلك وعنيد هم مثلك والي اريده اسويه اسويه هم مثلك ...فانت ليش تخسرني وخسرك صير ويايه لتصير ضدي وبعد تحلم تشوف وجهي مده الحياة
ابويه:هلكد عاشكه لك.
علي:اي عاشكه زين
ابويه:شسوتلك هيه وامه وخلتك هيج تتعلق بيه لازم مخلصه حبجيات انت وياهه هناك مو
علي:تصدك بلا أله الا الله كولشي محاجي اني وياهه غير كلمتين تلاثه وكل الي شفته يمكن بالزايد 4 او 5 مرات طول الشهرين الي يمهم ..زين.بس حسيت هيه هذه الي اريده .هيه هذه الي تسعدني ..ارتاحيتله..احساس محاسه ويه لا بنت اخوك ولا بنت اختك ..زين
ابويه:خليني افكر انطيني وقت افكر ولتظغط عليه خليني براحتي
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
