ليتك معي يا مجهول الهوية
سنابل#
جزء الثامن
اني سنابل انهدي لواحد لا وجماله اهلي يجهزوني ...لويش عيني فصليه اني ..لو بايره ..لو ناقصني شي .لو....لو.... مجنت متوقعه منج هذا الكلام امي ..وحتى سم مريد اسمم كافي كلامج السم قام بالواجب ...وشلت صينية غدايه ..وصلت لباب الغرفه ..ولتفتت ع امي
كوتله ..خلي بالج هذا ابن اختج لو يصير بس هو رجال يالدنيا اني مريده ولو بصوغني من راسي لرجليه مريده ... واساسآ مبين مغرور عرفته من كلامج مغرور وشايف نفسه و اذا اجه لو السما تنطبك ع الارض فلا اطلع اسلم.عليه زين ...زين..سمعتيني امي وكافي تجيبين سيرته لان مللتيني مللتيني ...وطلعت
اجه عماد دخل للمطبخ
عماد:هاي شكو شبيج لج لويش صوتج عالي حقيره ولويش تعلين صوتج ع امي هااا تردين ادفنج هسه هااا
اني سكتت محجيت ولا كلمه بس دموعي تنزل وكفت ع السنك اغسل مواعيني ودموعي تنزل وهو ورايه يغلط ويقسم عليه بصوت عالي وماما تسكته خطيه احسه حييل خافت عليه خاف يضربني عماد ....ماما سكتته لعماد ....وحاولت تغيير الموضوع ..وجتي يمي نكزتني بعكسه ونطتني نظره ..فهمت قصده اروح لغرفتي ..تركت المواعين ورحت للغرفه دخلت بفراشي غطيت راسي وبجيت لحد متعبت ونمت .كعدت المغرب صليت وكالعاده فتحت محاظراتي ادروس
طبعآ .اني مشتغل ولا اطبخ ولا اسوي اي شي غير مرات اسوي حلويات .وقتي دراسه فقط لاغير..جان يوم خميس سهرنه كولنه بالليت وتالي كل واحد راح لغرفته طبعآ غرفتي اني وماما بعد متوفى ابويه الله يرحمه وغرفة ماما صارت لأسو .غرفتي وغرفة اسو اثنينهن بكولدور خاص يعني مثل السويت هيج نظام بيتنه كل غرفتين وحمام تكرمون بجناح خاص .المهم مر ت الجمعه والسبت مثل بقية العطل يجني خواتي وهوية جهالهن وتالي يرحن واني ارجع لدراستي وكل عاده باليل احظر لبسة ثاني يوم .
الاحد الفجر كعدت اني اكعود بالخمسه ونص اصلي وبسرعه اروح للمطبخ اعلك الراديو اسمع قرآن شويه وبعده اسمع فيروز وطبعآ اسد باب المطبخ حتى الصوت ميطلع .واحظر ريوكي ولاززم اغلي حليب مهيل واحمي الصمون وبيضه عين واتريك ع انغام فيروز وتالي اروح اغسل وابدل واطلع اتمشه لراس الشارع يجيني باص الجامعه تعرفوه هذا الباص الازرك الطويل احنه بيتنه ع الشارع العام بس اني اتمشى مسافه للركن يتجمعون الطلاب الموظفين كل مجموعه يجيهم خطهم وينطلقون... واني مثلهم..اجيت اتمشى بهدوء وطبيعتي من امشي اردد اذكار الصباح بيني وبين نفسي واسبح طول الطريق حتى تشهدلي الارض يوم القيامه وحتى ربي يحفظني واني داامشي جان اشوف شاب جاي من الشارع الي مقابيل التقاطع الي اوكف بيه ....الشاب شكد موصف جماله قليل بحقه !!!!!!!طويل جسم رياضي شكل عجيب ابيض اشكر ولابس نظارات جوزي وبنطرون بيجي وقميص نيلي مو ساده بس مشوف نقشته من بعيد اني انزل عيني بالكاع معاين عليه لان مو من اخلاقي اعاين ع الولد واعرف النظره الاولى من الله والثانيه من الشيطان فجنت اريد انظره اكثر بس مكدر بس احس عيني لوحده ترفع تعاين عليه وارود انزل عيني وترود عيني ترفع وارود انزله ..لحد موصلت للتقاطع وين اوكف يوميه وجان هو همات يجي بأتجاهي واني احس قلبي حيطفر من مكانه ومعرف شصار بيه ارجف ...اجه وكف يمي كلي السلام عليكم ..اني اختفى صوتي معرف خجل ..خوف..بلحظته اخطلت عندي كل المشاعر ..مجاوبت كلت لا ممعقوله يسلم عليه جائز ع الي واكفين يمي ..التفت ع الجهه الثانيه لكيت الباقين منشغلين يسولفون يعني هو سلم عليه مو عليهم..رفعت عيني ع السريع ونزلته كلت بقلبي سبحان الصورك بأحلى صوره شنو انت سرحت بجماله ..وتالي انتبهت ..كلي العفو ..اختي..
كتله نعم ..واني ميته خجل واحس وجهي صار نار وعركت ..وفصلت ع العالم ..كلي من وين اصعد لساحة......؟؟؟؟؟كتله معرف ...واني مدنكه وعيوني ع بنطرونه وحذائه تكرمون يلمع لمع عبالك مرايه ودخت بعطره يدوخ ...وكلت سبحان الله جمال واناقه وهدوء ...هسه انت ملكيت غيري تسأل هو اني كولشي مندل ..وكف شويه عني ويلتفت ع شارعنه ويعاين ع ساعته ...وشويه واجه الباص صعدت بالباص وقلبي بقه يمه ..اني متعوده اكعود ثاني مقعد بالباص خلف السايق واحجز مكان لصديقتي طالبه بغير كليه تعرفت عليه بالباص ..جان يجي يم باب الباص سلم ع ابو ارسلان سايق الباص رجال تركماني كبير بالعمر وحباب كولش .كله عمو ساحة ......من وين اصعدله وصفله الكراج مندل الشاب كله اني مو منايه اني من.....مسمعت هو من وين اتمنيت اسمع بس مسمعته
فكله ابو ارسلان اصعد عمو ويانه واني اوصلك بس ترى تصعد وكفه لان كوله محجوزه اساتذه وطلاب الا اذا اكو واحد مجاي اكعود مكانه ..صعد كال الله بالخير
فدوه لصوتك ...تجننن اني وهو والسايق بالسياره كعد باول كرسي يم الباب وكل شويه يلتفت عليه اني معاين عليه بس بالي وياه واني سريعة الملاحظه فاحس بيه يلتفت يعاين عليه مو قصده يعاين ع السايق ...مشت السياره ومتلت طلاب واساتذه وهو كام وكف وهو طويل فدوه لطوله....
وصلنه لمكان صديقتي وين توكف تنتظرنه لكيناهه ماكو انتظرنه ثواني قليله
أنت تقرأ
#ليتك معي"" يامجهول الهويه""##سنابل#
Romanceكم غايب غيرك لم أشعر بغيبته...وانت من غبت لاحت لي سجاياك..اراك ملئ جهات الأرض منعكسآ كأنما هذه الدنيا مراياك"" #
