بعشقك أحيا

البارت السابع

كانت ذكرى تائهة في افكارها شاردة وقررت الوقوف عند البحر لتطلق العنان لآهات قلبها

اما وائل وصل مع مراد وجدته مديحة إلى  الاسكندرية بعدما فاجأه مراد بقدومه ليحاول الضغط عليها معه

فى منزل مديحة

دلف الجميع إلى الداخل ولم يجدوا ذكرى فتوقعت مديحة مكانها ولكن طلبت منهم ان يرتاحوا قليلا ويأكلوا ولكن هذا العاشق أبا ان ينتظر ونزل ليبحث عن ملكة قلبه
☆☆☆☆☆☆☆☆☆☆☆☆☆

في فيلا العمراوى
الوضع مختلف الكل يترقب والكل مشغول البال ماذا سيحدث اليوم؟ وما الكارثة اليوم؟
ليلى تأهبت للشغل وهمت للخروج ولكن اوقفها مالك

مالك :انتى رايحة فين

ليلى :اعتقد انا قلت إمبارح

مالك :بس كلنا رافضين

ليلى :وانا مش عيلة صغيرة عشان تتعامل كده انا مش هسمح انكم تشكلوا حياتى على هواكم

ريان :كبرتي علينا خلاص ياليلى تمام روحى اعملى اللي انتى عايزاه

وعد :بس ياريان مالك بيقول انه...

ريان بصوت جهورى:مش عايز أسمع صوت النقاش انتهى

ذهبت ليلى والدمع بعينيها ومالك ايضا كان غاضبا اما وعد فكانت ترجف من الخوف فلم تعتاد على هذه النبرة من ريان اما ريان فكان الغاضب يتملكه فقرر الخروج ايضا ولحقه جاسر
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى شركة حازم

دلفت ليلى إلى الشركة بثقة وتوجهت إلى مكتب حازم واوقفتها سهام

سهام وهى تمد ذراعها امام ليلى :رايحة على فين هى وكالة ابوكى

ليلى مسكت ذراع سهام بيد وبالايد الاخرى الصقتها على الحائط :احسنلك تبعدى عن طريقى وبلاش احطك فى دماغى

ثم تركتها وقالت بهدوء :انا هشتغل معاكى بس انا اللى اوامرى هتمشي وإلا هتقولي يارحمن يارحيم على وشك الحلو ده

سهام بخوف :انا مش خايفة منك على فكرة وانا هدخل اشتكى لحازم بيه

ليلى: يعنى اختارتى الطريقة الثانية اوك براحتك

(لم تعلم كلاهما بأن حازم يرى كل شئ فدلفوا اليه وكانت سهام تدعى البراءة)

سهام :حازم بيه الانسة جايه تهددنى من غير مااعمل حاجة

حازم :حصل الكلام ده ياانسة ليلى

ليلى بثقة: انا كنت بفهمها بس

ابتسم حازم من شراسة معشوقته وحاول رسم الجدية على وجهه

حازم :اسمعوني كويس مش عايز دلع فى الشغل ولازم تتعودوا على بعض اتفضلوا

خرجت ليلى وسهام من المكتب

ليلى :ايامكم هتبقى بيضة معايا