بعشقك أحيا

البارت الثالث عشر

***يامعشوقتي الحب بداخلى لاحدود له
يامعشوقتي متى ستأتى وتروى عطشى
يامعشوقتي ارفض ان اعيش بدونك
يامعشوقتي اقسم لك ان بعشقكِ أحيا ***

جاء الصباح واشرقت الشمس بنورها لتعلن عن بدء يوم ملئ بالمفاجأت

كانت تنزل من على الدرج بخطوات مترددة ودقات قلبها تكاد ان تسمعها بمجرد الوقوف بالقرب منها ثم دلفت لغرفة المعيشة تحت انظار الجميع وقالت بصوت متقطع:انا عايزة اقولكم على قرار اخذته بعد تفكير عميق

ريان: خير ياليلى عايزة تقولى ايه

ليلي وهى تحاول السيطرة علي مشاعرها :انا قررت اعيش لوحدى

وعد بصدمة: انتي اتجننتي يعني ايه هتعيشي لوحدك

جاسر: اهدى يا وعد لما تكمل كلامها

وعد: تكمل ايه ياجاسر تكمل كلامها الخايب

ليلى: ماما انا مش صغيرة ولاقاصر عشان تعملى كده انا عندي ٢٥ سنة واقدر اتحمل مسئولية نفسي

ريان :انتي شايفة كده ياليلى واخذتى قرارك وبتعرفينا مش بتأخذى رأينا

مالك :انا مش فاهم ايه اللى حصلك من وقت ال..

ليلى :كمل يامالك.. اكمل انا إحنا كلنا اتغيرنا واتكسرنا وانا لوفضلت هنا هتخنق هموت ارجوكم افهموني انا مش قادرة انسى انى اتخطفت ومحدش فيكم دور عليا ولاعرف يرجعنى

مراد :إحنا كنا هنموت كلنا من خوفنا عليكى يا ليلى

ليلى :الكلام هيجرح الكل وانا عايزة أعيش شويه مع نفسي اراجع افكارى

ذكرى :بس ياليلى هتعيشى لوحدك ازاى

ليلى :عادى يعني ماانتى نزلتى اسكندرية لوحدك وعيشتي لوحدك

ريان :روحي ياليلى عايزة تمشى امشى

وعد :انت بتقول ايه ياريان

ريان :بنتك اخذت قرارها افهمى بقى ياوعد

صعد ريان لغرفته وخرجت ليلى من فيلا العمراوى اما وعد فكانت فى حالة يُرثى لها بين احضان نور وذكرى

رحلت ليلى وهي تحمل عبء فى قلبها فهى تركت اهلها واحبابها ولكن نار انتقامها وفضولها كانت تسيطر على عقلها فاستأجرت شقة قريبة من شغلها وبعد الاجراءات ذهبت الى شركة حازم الغريب