بعشقك أحيا

البارت الثامن عشر

فى المحكمة
حضر الجميع وبدأت المرافعة واتهمت النيابة كالعادة المتهم ومحامى المجنى عليهم طالب بأقصى العقوبة وكان حامد الشناوى حاضر ويكتم فى قلبه غضب عارم ولكن اعينه كانت كفيلة بفضح امره اما مراد ففعلا كان مثل أبيه موهوب وشاطر ودافع عن شادى بجدارة استحقت إعجاب الجميع وبالفعل تحولت القضية لقضية شرف وزنا وهنا قدم مراد ادلة عن توافر عنصرى المفاجأة والتلبس

لأنها من شروط المادة رقم 237 من قانون العقوبات، والتى تقول "إذا توافرت الشروط وكانت حالة التلبس بالزنا واضحة، وقتلهما الزوج، فإنه يعاقب من يوم الى ٣سنوات
وبعد اتطلاع القاضي على الادلة وإثبات الواقعة قررت المحكمة بالحكم على شادى سنة مع إيقاف التنفيذ مراعاة للحالة الاستفزازية لمشاعر ورجولة الزوج .

اما عمار فاكتفوا بلفت النظر ورجوعه للعمل
انتهت القضية
☆☆☆☆☆☆☆☆☆☆
في فيلا العمراوى
دلف الجميع ومعهم شادى
شادى
:انا اسف على اللى حصل منى انا ورطكم وانت ياعمار اكتر واحد اتأذى

عمار :انا اللى مزعلنى منك انك خبيت علينا واحنا عيلتك يعنى سندك بعد ربنا

شادى :خفت اقول ترفضوا وكنت موهوم ومخدوع بحبها

مروة بقهر :وانا هنت عليك ياابن بطنى توجع قلبى

شادى جثى بركبته عند امه ووضع رأسه بحجر امه ونزلت دموع ندمه وأسفه وقال: سامحيني ياست الحبايب انا عارف انى زعلتك بس اوعدك من النهاردة مش هخبى عنك حاجة تانى

مروة: وانا هسامحك ياشادى وعايزاك تعرف ان مهما عملت عمرنا ماهنسيبك ولازم تستشيرنا عشان احنا ادرى بمصلحتك ،ناقشنا ياحبيبي لوعندك وجهة نظر وصلهنا ويا تقنعنا يا نقنعك

انس :مروة عندها حق ياشادى واحمد ربنا انه طلعك من المحنة دى على خير

مراد الجد: ياابنى فى ناس كتير عندها استعداد تدفع فلوس الدنيا كلها عشان لمتنا دى عشان عارفين قيمة العائلة ،العائلة مش مجرد كلمة ياشادى عشان تخبى علينا بالطريقة دى

شادى: عارف ياجدو بس صدقنى انا اتخدعت ومستحيل اورط نفسي تانى

ريان :خلاص ياجماعة اللى حصل حصل وشادى عرف غلطه والحمدلله عدت على خير

جاسر: ريان عنده حق ده درس للجميع اه درس قاسي بس يمكن تنبيه عشان اللى فى غفلة يفوق واللى بيخبي ويدارى يعرف انه مستحيل ينجى

مالك :الكل عنده حق ممكن بقى نقفل الدفاتر القديمة ونفتح دفاتر جديدة مليانة فرح وأول صفحة تكون لكبيرة الاحفاد ذكرى