بعشقك أحيا

البارت الخامس عشر

فى الصعيد

توجه مالك للقسم مرة اخرى ووجد جلال

جلال بصدمة :مراد انت بتعمل ايه هنا

مالك :ايه الاستقبال الغريب ده

جلال بتوتر :مش قصدى ياصاحبى بس اتفاجأت

مالك :مفاجأة حلوة ولاوحشة

جلال: ازاى بقى اكيد حلوة ليك واحشة يامالك

مالك :عشان كده كنت بتسأل عنى صح

جلال :انت مش عارف حاجة يامالك

مالك :عشان كده انا هنا عشان افهم كل حاجة

جلال :تقصد ايه

مالك :بعتني بكام ياصاحبى

جلال بعصبية :انت اتجننت ابيعك وانا لوبيعتك كنت اتنقلت الصعيد

مالك :ايه اللى حصل ياجلال فى اليوم ده

جلال :انا هحكيلك يامالك

يوم ماكلمتك وقلت لك اخبار عن ليلى كنت مُجبر كانوا خاطفين امى وقالولى قرصة ودن صغيرة ومش هتتأذى

مالك: مين وليه؟

جلال :معرفشي مين بس الموضوع يخص العملية الاخيرة اللي فشلت وقالولى اسمع الكلام زى ماغيرك سمع الكلام وقبض ولما رفضت خطفوا امى وبعدها نفذت كلامهم وبعتك الشقة بس لما طلعت وصلتنى رسالة ان امى بقيت فى امان طلعت عشان الحقك لقيت واحد وواحدة بيحولوا يقلعوك هدومك ويصوروك وانت كنت فى عالم تانى وبتقول مش عايز غير حور وسمعتهم بيقولوا بعد الفيديو ده هتتفضح فى المديرية وممكن تتوقف فهددتهم بالسلاح واخذتك وشربتك عصير باللبن عشان تفوق شويه ووصلتك بعدها عرفوا اللي حصل وطلب النقل وصلنى وقالولى لوحاولت افتح بوقى النقل هيبقى للأخرة سامحنى يامالك بس انا عمرى مافكرت اخونك غصب عنى

مالك :متعرفش البنت اسمها ايه

جلال :تقريبا مها

مالك :حاجة تانى لفتت نظرك

جلال :لأ خالص

مالك :شكرا ياجلال بس لوافتكرت حاجة لازم تقولى
*************************
فى منزل ليلى