بعشقك أحيا

البارت السابع عشر

فى قسم الشرطة

دلف الضايط المسئول عن القضية

مراد: انا محتاج كل المعلومات ياهيثم باشا

هيثم: اكيد طبعا يامراد بيه، شادى متهم بقتل المجنى عليها مها محمود الفاتح و المجنى عليه خالد حامد الشناوى بطلقات نارية فى الصدر بمسدس ميري بلغ مجهول

مراد :هتحوله للنيابه امتى

هيثم: بكرة الصبح هيروح النياية

مراد: شكرا بس طلب اخير انا ممكن اعرف منه حاجة ضروري

هيثم :اتفضل بس ياريت بسرعة

اقترب مراد من شادى وقال له :فين الورق العرفى ياشادى

شادى :مش عارف بس اكيد فى الشقة

مراد بصوت منخفض :فين مفتاح الشقة

شادى: مع البوليس بس فى نسخة فى البيت فى الدولاب بتاعى

مراد :تمام انا هحاول اخرجك فى اقرب وقت بس انت حسابك معانا لما تخرج
****************
في شرم الشيخ

حضر حازم مع سهام وليلى اجتماع الشغل واثناء عودتهم للفندق كانت سهام تتحدث مع ليلى تحت انظار حازم

سهام :بس مين الواد الموز اللى كان واقف جنب العريس ده

ليلى :قصدك مين

سهام :معايا صورته استنى هوريهالك

ليلى وهى تشاهد الصورة: اه دا شادى اخو عمار

حازم سمع اسم عمار فاقترب بهزار باطنه الغيره: وريني كده عمار

صفن حازم قليلا ثم قال لليلى :مين الشاب اللى واقف جنب العريس ده

ليلى بسخرية :انت كمان معجب به عموما دا شادى اخو عمار

توتر حازم ثم قال :انتى متأكده

ليلى بقلق :اه طبعا فى ايه

حازم :لازم نتكلم مع بعض ضرورى

سهام :طب انا هروح اكل وابقوا تعالوا ورايا

ليلى : اوك سهام

ذهبت سهام والتفتت ليلى لحازم

ليلى: خير ياحازم ماله شادى