ျပန္​ဆံုမယ္႔​ေ​န႔

part 10 unicode

ပြန်ဆုံမယ့်နေ့ .... part 10
===============

ရွာလေးသည် အိမ်ခြေ ၂၀လောက်သာရှိသော ရပ်ကွက်မျှသာမရှိသည့် ရွာအသေးစားဖြစ်သည်။ ရွာ၏မြောက်ဘက်တွင် ချောင်းတစ်ခုစီးဆင်းနေပြီး ချောင်းကိုဖြတ်လျှင်တစ်ဖက်နိုင်ငံသို့ရောက်မည်ဖြစ်သည်။ ဒါးရယ် ထူထူထောင်ထောင်ဖြစ်မည့်အခြေအနေကိုမျှော်ရင်း သုံးလေးရက်ခန့်ရွာတွင်နေရန် ကျွန်တော်ကစိတ်ကူးထား၍ ဒါးရယ်တို့အဖွဲ့ ၏သတင်းကိုလဲအမြဲမပြတ်နားစွင့်နေရသည်။

အမိုးတို့အိမ်ေလးသည် အိမ်ရှေ့နှင့်အိမ်နောက်သာရှိသော တင်းကုပ်သာသာမျှပင်ဖြစ်သည်။ ကျွန်တော်တို့ရောက်တော့ အမိုးကအိမ်နောက်တွင် နေရာပေးပြီး လိုလားပြူငှါစွာဆက်ဆံသည်။ အမိုးကပြူငှါသော်လဲ အမိုး၏သမီး နော်ထူး၏မျက်ဝန်းနှင့်အကြည့်များသည် သဘောတစ်မျိုးကိုသက်ရောက်နေမှန်းကျွန်တော်သတိထားမိသည်။ မဖော်မရွေဆက်ဆံခြင်းမျိုးမဟုတ် ဖော်ရွေသော်လဲ အလိုက်အထိုက်သဘောမျိုးဖြစ်သည်။ ဒါးရယ်ကိုကြည့်သော သူမ၏အကြည့်များတွင်လဲ စိမ်းလဲ့နေပြီး တစ်ခုခုကိုသင်္ကမကင်းသလိုနှင့် အလိုမက်သလိုလေးဖြစ်နေသည်။ ပိုဆိုးသည်က နော်ထူး၏အကြည့်မ်ားကို ဒါးရယ်ကအကြည့်မခံန်ှုင်၍ ရှောင်ရှားတတ်ခြင်းပင်ဖြစ်သည်။ ဒါးရယ်က မူမပျက် ရှောင်တတ်ပေမဲ့ ကိုယ့်ချစ်သူ၏စိတ်နေစိတ်ထားကို အသေးစိတ်ကအစသိသော ကျွန်တော့်အပေါ်တော ့ဒါးရယ်ဟန်မဆောင်နိုင်ပါ....။

ညနေ နေစောင်းချိန်တွင် ရွာအနောက်ရှိချောင်း၌ကျွန်တော်တို့ကိုယ်လက်သန့်စင်ဖြစ်ကြသည်။ ရွာမြောက်ဘက်က ချောင်းကိုတော့မသွားဖြစ် ထိုချောင်းတွင် စက်လှေသမားများနှင့် ချောင်းဖျားဖြစ်ေသာကြောင့် ရေချိုးရေခပ်သူမ်ားကပေါလှသည်။ အနောက်ဘက်ရှိချောင်းကခြုံထူကာ ရေအနက်တိမ်၍ မည်သူမှသိပ်မလာကြ.....။ ထို့ကြောင့် လူအရောက်အပေါက်နည်းသော ချောင်းကိုသာ ကျွန်တော်တို့ရွေးဖြစ်ကြသည်။

ခြုံအနည်းငယ်ထူ၍ ပတ်ဝန်းကျင်နှင့်အကာအကွယ်ရေသာ သောင်စပ်တစ်နေရာတွင် ကျွန်တော်တို့ကိုယ်လက်သန့်စင်၏။ ပထမဦးဆုံး ဒါးရယ်ကိုသောင်ပေါ်တွင်ထိုင်စေ၍ သူ၏ဒဏ်ရာမ်ားကို ရေဖြင့်သန့်စင်ပေးသည်။ ရေနှင့်ထိတွေ့သောကြောင့် ဒဏ်ရာများ၏စပ်ဖြင်းဖြင်းခံစားရမှုဒဏ်ကို စုပ်သတ်သတ်ကာဒါးရယ်ကအံတု၏။