ما عندي شي اعمله قمت دخلته الفيس مع اني ما بهتمه بيه كتير لقيت منشورات كلهم هبل وانا بتصفح لقيت منشور لي فارس خاتي صورتو ربنا يتمم علي خير طبعا انصدمته😲نزلت التعليقات لقيت الناس بتبارك وتهني فيه قلت ليه الف مبروك تتهنو أن شاء الله وطلعته من الفيس وانفجرت بالبكى لانو فارس كان حبيبي واختلفنا مع بعض لانو
بتاع نسوان وكدا ورجعت بزاكرتي للحظات الكنت بقضي هو كان أقرب حد لي وكنت بحكي ليه عن أي شي بيحصل معي وكان علي طول بيجي ياخذني من المدرسه يعني هو كان محور حياتي ومصدر الأمان بالنسبه لي يوم طلعته مع صحباتي لقيتو مع بت قاعدين في مطعم وآخر ضحك وونسه واول ما شافني اتفاجئ وبقا ما عارف يعمل شنو طبعا مشيت وبكل برود سلمته عليهم وقلت ليه ما عرفتنا قال لي دي خلود زميلتي قلت ليها اهلين خلود انا تبيان حبيبة فارس قالت ليه نعم 😲😲انت يا فارس عندك حبيبه يعني وكنت بتلعب بي يا واطي وكشحت فيه المويه وطلعت وجا دوري طبعا تعرف انك اتفه انسان شفتو في حياتي وصوتي كان عالي فارس حاول يدافع عن نفسو يا تبيان انتي عارفه انك الوحيدة البحبها وعيونو دي بقت زي الشرار قلت ليه وطالما انا الوحيدة ليش كنت قاعد مع السنيوره بتشرح ليها في كيمياء فهمني ولدن كانت بتحول تهدي فيني خليه دا ما بستاهل يلا نمشي من هنا شلت الكبايه وضربتو بيها لما الدم نزل ولدن مسكتني وطلعت مشينا البيت
فتحت التلفون لقيت مسجات ومكالمات من فارس
شلت التلفون وضربت بيه الحيطه وقعدته ابكي
ي فارس انت كنت اكتر من حبيب انا ختيتك في مكانت ابوي ليه عملته كدا ليه 😭😢 انا كيف هااعيش من غيرك بس فهمني ولدن ما خلتني وطول الوقت كانت بتهدي فيني واتصلت بناس بيتم وكلمتهم انها بايته معي لأنو أهلها بيعرفونا لانو كنا جيران قبل ما نرحل لبيتنا الحالي
فقته من زكريا تي استغفرته وقلت لنفسي صاح انو فارس جرحني لكن الجرح دا خلاني قويه وأثبت لي انو ممكن الواحد يعيش من غير حب صح حياتو هتكون كئيبه لكن بتكون مستغرة حاليا انا ما بفرق معي غياب أي حد ودا الشي الساعدني اني اتقبل مرضي (كن منطقيا في حبك إذا حسيت انو البتحبو ما بناسبك لأي سبب من الأسباب استجمع قواك وطلعو من حياتك لا تلهث وراء الحب وكأنه اكسير الحياة ) شعرت اني عطشانه طلعته برا اشرب حسيت بحركة ناس البيت كلهم نايمين ياربي يكون دا حرامي 😖😖الليله وب وباب الصالة فاتح طبعا كل الغرف فاتحة في الصاله وحتي الديون عند باب فاتح علي الصاله وباب علي الحوش بقيت عملة كدا😦قلت اصرخ بس قلت حرااااامي 😖😖حرااااامي
أكان اشوفو لك جاري علي باب الصالة ناس امي صحو جو جارين في شنو يا بت 😨😨😨 قلت ليهم كان في حرامي وأنا جيت اشرب مويه وحسيت بحركة ولقيت الباب فاتح طبعا برجف من فوق لي تحت جابو لي مويه وائل قال لي كنتي تجي تصحيني ليه أكن ما خليتو ينضف البيت دا كلو
ماما عاينت ليه كدا 😒😒 اي واضح انت بنومك التقيل دا أكن رماك في الواطه دي ما بتصحى قعدنا نضحك فيه😂😂 قلت ليه جبهتك وين صارت😜😝 قال لي وانت عاملة لي زي بتاع الدوريه ليلك كلو حايمه في البيت ما الرامي دا ما أداك ضربه في راسك الكبير دا قلت ليه ضربه في عينك زفتي دا 😒😒كلهم دخلو غرفهم وانا فضلته صاحية لحدي أذان الصبح صليت ورقته نومته😴😴
اشوفكم😍😍
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
