أحاسيس جايطه ملخبطه أحيانا بنحس انو مشاعرنا ما واضحه ما عارفين بنحب مين كنت مفتكرة انو الحب ممكن يجي اكتر من تلات مرات بس في الحقيقه ما كل حد حسينا تجاه بمشاعر بكون دا حب حقيقي ممكن يكون فراغ لمجرد انو نحن محتاجين حد جمبنا اي شخص بهتمه بينا بنحس انو نحن بنحبو الناس الحبت من جواها بتفهم كلامي دا الحب الحقيقي قد يأتي مرة أو اثنين لكن مستحيل يجي ثلاث مرات
جا احمد ومعاه اصحابو احمد ي يمه ما احمد السرور اول من دخل طلعنا خليناهم لوحدهم
باسه في راسة وقال ليها طالعه قمر ربنا يحفظك لي ويقدرني اسعدك يارب سمر دمعت مسح ليه دموعه قال ليه نحن ما عايزين دموع حبيبتي ان شاء الله هااحول بقدر الإمكان ما اخليك تبكي ابتسمت ليه مسكه من يدها وجو طالعين كانو بالجد حلوين ومكملين بعض ياخ 😢 اتصل علي حسام قال انو جاي في الطريق قلت ليه انا ما بقدر استناك انت هتتاخر علي 🙁🙁قال لي انا قربت اصلك اصلا 5 دقايق واكون معاك قلت ليه ماشي مستنياك مشينا الاستوديو عشان العرسان يتصورو جاتني مكالمه من حسام رديت قال لي انتي وين قلت ليه نحن في الاستوديو قريب من الكوفير بعد خلصنا وطلعنا لقيت حسام مستنيني برا جاتني نهى بت خالتي قالت لي الولد الطويل العندو لحيه دا منو قلت ليها ما بعرفو بكون دا من أصحاب احمد
قالت ليه لو ما طبقتو الليله بموت 😍😍قلت ليها مجنونه انتي بتعمليها واصرت تركب معاه في عربيته وبعدها اتحركنا مشينا علي الصاله العاملين في الحفله طبعا انا ركبته مع حسام قلت ليه ما كنت تجي متعب نفسك ليه انا كنت بجي مع البنات قال لي عايزاهم يقولو علي شنو ما مهتمي بمرتو وامي بعتتني عشان اجي اسوقك في قلبي قلت عشان كدا وانا اقول من وين الاهتماام دا 😒 وصلنا وكنا ماشين ورا العرسان والزفه شغاله حسام مسك لي يدي ما عرفته اسحبه منو الحيوان بيعرف يمثل بطريقه فظيعه قلت ليه كأنك مزودة حبتين وانا مبتسمه قرب من اضاني قال لي لازم عشان الناس تصدق وخاصتا امي دا بالهمني وانت ي بتاع الكميرا جابنا في الشاشه طبعا الما عارفين بقولو عدي دا مثل ي جماعه صحباتي هيموت ويعرفو كان بيقول لي في شنو دخلنا الصاله علي طول لمحت هبه وخالتو هاله مشيت سلمته عليهم وقعدته اتونس معاهم قامت هبه سألتني قالت لي اموت اعرف حسام كان بقول لك شنو قلت ليها بطلي شمار حسام قال لي ما تكلمي زول وكدا 😂😂قالت لي دا موضوع خير يبقا قلت ليها اكتر مما بتتصوري يلا نرقص مسكتها من يدها ومشينا لناس لدن طبعا ماسكين الساحه علي حسابن رقصنا رقيص
لما تعبنا لدن قالت لي احمد خطيبي جاي ارح مع برا اتصل عليه اشوفو وصل وين سقتها وطلعنا كان في شباب ما محترمين بدو يشاغلو فينا وكان في واحد سكران سكره مبالغه يمشي خطوه لقدام واثنين ورا جا ماشي علينا ونحن ما شايفينو لحدي ما مسك توبي بقيت اصرخ أظن هو زاتو اتهجم 😂😂
ياخ اي شي ولا السكرانين في ولد ود حلال كدا جا مسكو مننا وانت ي حسام جيت من وين الله اعلم ضرب السكران كف لما وقع قال لينا بصوت عالي انتو الطلعكم برا شنو لدن قالت ليه طلعنا نعمل مكالمه طبعا انا منتهيه من الصدمه والا كان لساني ما دخل حلقي دخلنا جوه وقعدني جم خالتي هاله اداني كباية مويه خالتو هبه قالت ليه مالا ي ساتر قال ليها كويسه ما تخافي عليها بس اتهجمت من السكران وبقا يضحك 😂😂😂قال لي جبانه عاينه ليه كدا😓 الحفله خلصت وعملوا الجرتق وكدا وجات لحظت الوداع أصعب شي في الموضوع وخاصتا سمورة الأم التانيه بالنسبه لينا بكينا قدرتنا😭😭 ودعناهم وطلعو مشو الفندق وكانو مسافرين شهر العسل دبي رجعنا البيت ومن التعب نمنا علي طول 😴😴😴
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
