الحب يأتي بغتة

الجزء 18

.....
    بعد احمد وأهله مشو دخلنا غرفنا بالنسبه لي ما نمته كيف هيجيني نوم وانا ختيت نفسي في موقف صعب 😭😭 اتوضيت وبقيت اصلي وادعي عسى ولعله يكون خير لحدي ما رحت في نومه متخيلين نمته في المصلايه شفت حلم غريب كنت قاعدة مع واحد جمب البحر وانا بضحك وبتونس بس شخصيتو ما كانت واضحه صحيت من النوم وانا حاسه برقبتي واجعاني وجع فظيع قمت نمت في السرير وعلي طول كملته نوم في الصباح صحيت متأخرة زي الساعه 9 دخلته الحمام عملته الروتين الصباحي وطلعته برا لقيت خالتو عاشه صباح الخيرات قالت لي صباح النور كيفك ي عروس قلت ليها تمااام الحمد لله سألتها من امي قالت لي مشت المحل لكن ما بتتاخر كبت لي الشاي قالت لي مسافت تشربي الشاي انا بولع لك الدخان دخان 😐قالت لي اي الدخان شلت شاي ومشيت لأبوي كان في الصالون صبحته عليه قلت ليه اخبارك شنو قال لي تمااام نحمده ونشكرة قلت ليه وإخوانه كيف ليه ما جبتهم معاك قال لي شغالين مدارس حاليا 😊قلت ليه لكن لازم يحضرو عرسي ي بابا قال لي والله ي تبيان صعب الأيام دي لكن بحاول قلت ليه ي بابا مش عايزني اكون فرحانه ياريت تخليهم يجو😢😢قال لي خلاص ولا تزعلي نفسك بتي السمحه بخلي ود عمك يجيبهم قبل العرس شكرا بابا😄😄 سمعته صوت خالتو  بتناديني المرة مسيت مستسلمه علي طول لاني عارفه مافي داعي للمقاومة صعب إسقاط النظام 😓 عدة الأيام رايحين السوق وجاين من السوق بتشري في شيلة الزفته سمر هدة حيلي كتر خير لدن ونون ساعدوني😩😩وجا يوم الخميس وطبعا اخواني وصلو من بورسودان عندي 3 اخوان أكبر واحد ممتحن تامن اسمو محمد وبعدين بت اسمها فاطمه وبعدها ولد محمود
كانت الحنه حقتي عملته حفله بسيطه عزمتة صحباتي وبنات الجيران وبنات خالاتي بالاضافه لاخت حسام بقينا صحبات وكدا😄 كنت لابسه هندي ساري بالوردي والحفله طلعت رهيبه طبعا قالو لي طلعتي قومر🙈🙈 صباح الجمعه ماما صحتني من الصباح قالت لي قومي عشان تمشي الجيران ما صح تكوني قاعده هنا في البيت صحيت البنات لدن ونون وسمر  قلت ليهم يلا عشان نمشي بيت ناس خالتو بخيته بعد شربنا الشاي حتى مشينا
حسام كان حاجز لي في كوفير كدا رهيب
اتصلت علي الكوفيره قالت لي مدام تبيان قلت ليها ايواا اتفضلي قالت لي ياريت تكوني عندنا قبل الساعه 3 عشان في شغل قبل المكياج وكدا قلت ليها أن شاء الله بعد قفلته نون قالت لي أن شاء الله حالنا بعد الحال😆😆 قلت ليها أن شاء الله رغم انو حسام مهتم بكل تفاصيل العرس بس ما كلف نفسو يوم يتصل علي 😢
توسل بت خالتي بخيته ما خلت ليها ماسك ما عملتو لينا زي الساعه 11 ماما بعت لينا الفطور قلت ليهم الما عندو ام يقع البحر والله جعانه جوع 😋 قعدنا فطرنا بعد جاتني مكالمه لما شفت الرقم لما عيوني طلعو من محلهم 😱 حسام رديت قلت الوو نون ولدن شغالين يكاو فيني مالك التقول شفتيه قدامك  😂😂😂 قمته من جمبهن الحيوانات دخلته الغرقه قال لي ي بت مالك ساكته انتي كويسه قلت ليه انا كويسه بس كان في جمبي ناس قال لي ايوااا كيفك قلت ليه تمااام الحمد لله قال لي حاليا نحن طالعين من بيتنا هنمشي الجامع عشان العقد وكدا حبيت اسألك انت مقتنعه بالزواج دا قلت ليه
ما شايف انو سؤالك دا جا متأخر قال لي نحن لسه فيها ممكن تتراجعي قلت ليه بعد كدا عشان خاطر اهلي وأهلك لو عايزة أتراجع ما بقدر قال لي تماام يلا مع السلامه قلت ليه تسلم وقفلنا علي كدا وبقيت ابكي بحرقه انا لوين وصلته نفسي 😭😭😭😭 جات لدن داخله لقتني ببكي قالت لي ي تبيان مالك حضنتني وبقت تبكي معي قلت ليها مافي شي يمكن دا توتر العرس وكدا قلت ليها وانتي مالك بتبكي ضربتني في ضعري🖑قالت لي غلطانه انا الببكي معاك 😅😅قلت ليها كسرتي لي ضهري ي معفنه في بيتنا سمر كانت واقفه مع الضيوف كدا ماما قالت ليها جهزي لي البلح والخبايز وكدا عشان الرجال ماشين الجامع خلاص وما تنسي العصاير سمر قالت ليها حاضر بابا قبل ما يمشي الجامع مر علي سألني إذا كنت موافقه ولا لا كالعادة حلف الكلام ما يطلع بعد تعب قلت ليه موافقه وعلي كدا طلع مشا الجامع نون جات قرصتني في ركبتي قلت ليها ي حيوانه مالك قالت لي عشان احصلك في جمعتك🙈🙈قلت ليها مستعجلة للدرجه دي 😂😂قالت لي ي بت برنا عديل كدا قلت ليها طيب عندي لك عريس رايك شنو قالت لي قولي والله قلت والله اها منو قلت ليها حمزة ود خالتي عاشه قالت لي والله 😍😍قلت ليها اي مكسر فيك قالت لي وانا كمان لكن ود خالتك دا بخوف قلت ليها كيف قالت لي صعب وكدا قلت ليها ي بت اي راجل بكون فيه عيوب والمرة بشطارتها بتغيرو قالت لي بفكر في الموضوع قلت ليها فكري لكن ما تتقلي علي ود خالتي 😏😏قالت لي بقا كدا قلت ليها اي كدا 😂😂لدن قالت ليها والله حمزة مافيه كلام هو صعب لكن متفهم وشكلكم مناسبين لبعض جات سمر داخله وجايبه معاها توب مطقم قالت لي البسيه عشان الناس هيجو يباركو ليك قلت ليها تماام جاها تلفون من ابوي قال ليها انو عقدو لينا نحن الاتنين سمر قفلت من ابوي وبقت تبكي وانا ابكي معاها ولدن شويه تسكتنا وشويه تبكي معانا ياخ احساس فظيع وملخبط سمر بعد هدت شويه قالت لي ألف مبروك ربنا يسعدك يارب قلت الله يبارك فيك وعقبالك قالت لي وانا كمان عقدو لي قلت ليه والله الف مبروك حبيبتي ربنا يتمم علي خير قالت لي الله يبارك فيك يلا انا ماشه انتي البسي وانا بديك تلفون عشان تجي الناس تبارك ليك وطلعت مشيت بعدها بديت البس ولدن عملت لي مكياج خفيف بعدها طلعنا مشينا بيتنا بعد ما باركو لي طلعنا مشينا علي الكوفير خلصنا حوالي الساعه 8 وفضلنا انا والبنات مستنين عريس الغفله يجي

استغفرو😍