الحب يأتي بغتة

الجزء 28

صحيت الصباح لقيت حسام مشا الشغل والبيت هادئ دخلته الحمام عملته الروتين الصباحي وطلعته برا لقيت نورة قالت لي صباح الخير قلت ليها يسعد صباحك قالت لي هااجهز الفطور بعد نخلص ايه رأيك ننزل نتمشى قلت ليها ليش ما مشيتي الجامعه قالت لي عشان اكون الدليل السياحي بتاعك وكدا😊قلت ليها واو حلو مرو اسبوعين من وصلته ونورة كل ما تلاقي فرصة بطلعني نزور معلم سياحي وحسام بدا يعمل لي إجراءات التسجيل بالجامعه طبعا اتعاملو معي كانو ما كنت بدرس في جامعه والسنه الأولى كانت سنه تحضيرية وكدا لانو الانجليزيه بتاعتي مش اوي في يوم حسام جا بدري ما زي عوايدو
وكان جايب لي شريحه معاه فرحت شديد طبعا قلت ليه شكرا والابتسامه حدها الاضان 😄😄قال لي شكرا بصوتي قلت ليه لا ظرف 😊غير ملابسو وعلي طول رقد في السرير
وكان شكلو تعبان 😩جيت قعدته جمبو بعد ما ركبته الشريحة في الموبايل قلت ليه ممكن
تضبط لي موبايلي وهو مغمض مدا يدو عشان ياخد الموبايل مني مسك يدي معاه وكان جسمو ومولع قلت ليه حسام انت عندك حمى ختيت يدي علي جبينو حرارته كانت مرتفعه قلت ليه ليه ما قلت لي ي حسام قال لي بسيطه قمته علي طول جبته ليه كمادات بعدها نام فضلته اعاين في وشو
اجتاحني احساس قوي بلحظته كان احساس ملخبط وجايط شديد بس كنت منساقه ورا احساسي كان عباره عن شوق علي امان 😢
علي إعجاب جاتني رغبه قوية اني ابوسو وبصراحه قلت ما الحق اتصارع مع ذاتي كنت عملتها🙊 وفي نفس اللحظه دموعي نزلت اوف دا شنو الأنا عملتو دا ياربي 😭😭بعدها قمته من جمبو قعدته علي السوفه بقيت ببكي ببكي بحرقه انا كيف وأمته حصل معي كدا 💔💔 بعرف انو حظي زفت بس ما اتوقعته اني يكون بالسوؤ دا احب شخص ما حباني ولا ممكن يحبني طلعته دفتري وبديت اكتب
(كيف للحب أن يأتي فجئة بهذه الطريقة لقد انتظرته وانتظرته لكنه ياب إلا أن بياغتني بهذه الطريقه مع شخص ليس لي مكانا بقلبه
والأدهى والأمر انه ليس لي طاقة للاعمر قلبا خرب اخخخ )رفعت رأسي عاينت ليه لقيته نايم رحت قست حرارته لقيته انخفضت قلت الحمد لله رجعته للسوفه نمته فيها بس كل فترة بصحى اشوف حسام لو محتاج حاجه صحى الصباح دخل الحمام لما جا طالع قلت ليه صباح الخير بقيت كيف قال لي كويس احسن طالع ماشي الشغل قلت ليه الليله اجاهزة مافي لك شغل قال لي لا لازم امشي قلت ليه بس انت تعبان دخلته الحمام وحسام بدل ملابسو بجهز في شنطو لما جيت طالعه قلت ليه حسام مافي شغل يعني مافي شغل قال لي هنا ما ينفع الكلام دي عندنا مدير صعب لازم امشي وجا طالع قمت وقفته ليه في الباب قلت ليه اتصل اعتذر لكن مافي لك طلعه مستني من يدي وجراني عليه قال لي انتي عاجبك دور الزوجه المتقمصاه ده فوقي لنفسك ما تعملي لي فيها خايفه علي دموعي نزلت في صمت ما كنت قادرة اقول ولا كلمه 😢وطلع خلاني فضلته ابكي😭😭 بالغرفه ولانو ما كان في حد في البيت اخدت راحتي في البكى أصعب موقف يمر علي بي في حياتي قلت لي نفسي انا الغلطانه احسن شي ابعد عنه وبس😢😢 طول اليوم ما كنت قادرة اكل شي من الزعل لما نورة جات لقتني حالتي صعبه عيوني متورمه من البكى قالت لي تبيان مالك ي بت بتبكي وجات حضنتني
قلت ليها مافي شي اتشاكلنا انا وحسام وكدا
قالت لي مالكم قلت ليها جد ي نورة ما قادرة احكي قالت لي خلاص تمااام قومي غسلي وشكل وانا هااجهز لينا حاجه ناكله شكلك ما اكلتي من الصباح قلت ليه ما عندي نفس اكل شي أصرت علي لازم اكل ما حبيت
اكسر بخاطه غسلته وشي وطلعته قعدنا ناكل جا خالد داخل سلم علينا قال حماتي شكلها بتموت فيني غسل وجا قعد يأكل معانا قال لي تبيان كيفك الليله مالك ساكته كدا قلت ليه لا ابدا مافي شي وعلي طول قمته لاني
بعد مشيت قال لنورة الحاصل شنو قالت ليه متشاكله مع حسام قال ليه السبب شنو قالت ليه تبيان ما حكت لي بالنسبه لي فضلته بالغرفه لحدي ما حسام جا داخل علي طول طلعته نده علي بس ما كنت حابه اخد واعطي معاه فضلته نايمه بالصالة لحدي الصباح صحيت وكنت عايزه امشي الحمام بس ما عايزة اشوف حسام فقلت ادخل حمام الضيوف وهو جم غرفة خالد وانا ماشة سمعت صوت حسام وهو بيقول لي خالد انا كل ما اتزكر انها اتفرضت علي بتخنق ياريت لو ابوي ما اصره انها تجي هنا كان هيكون احسن لي وليها انا عارف اني هي ما عندها ذنب بس انا ما هااقدر اكون الزوج البتستاهلو هي بتستاهل كل خير خالد قال ليه في شي انا مستغربه هي ايه اليجبرها انها ترتبط بيك وهي عارفه انك بتحب واحدة تانية حسام اخد نفس عميق وقال ليه ما عرف ما سألتها
خالد قال ليه معقول ي حسام المفروض تعرف هي ليه وافقت عليك ممكن يكون عندها سبب
قال ليه انا ماشي الشغل ولما اجي بقعد معاها انا علي طول دخلته الحمام وهو طلع مشا فضلته ابكي في الحمام تقريبا نص ساعه
😭😭عمري ما اتخيلته يجي يوم واكون عاله علي حد لبسته وشلته تلفوني وكان معي شويه قروش اخدتها وطلعته كنت عايزة امشي وخلاص ما عارفه لي وين المهم اطلع من البيت ده فضلته ماشه لحدي ما قابلتني حديقه فيها أطفال بيلعو مع اهلم لقيت مقعد تحت شجرة قعدته فيه وبقيت اتفرج علي الناس في مرة كانت مارة بجمبي من شكلها حسيت انها سودانيه جات سلمت علي سلمت عليها كأني بعرفه قالت لي عرفته من حنتك انك سودانيه 😄😄قلت ليها انا حسيت انك سودانيه سألتني إذا كنت ساكنه هنا ولا لا قلت ليها ايواا انا ساكنه قريب قالت لي اسمك شنو ي بتي قلت ليها تبيان قالت لي انا خالتك اماني تعالي معي بيتنا قريب عندي بت قدرك كدا تتعرفو علي بعض رفضته في الاول بس هي أصرت علي قمت مشيت معاها قلت لي نفسي اليحصل يحصل وصلنا علي بيتها وكان بيت كبير عباره عن قصر كمية عربات واقفه برا قالت لي اتفضلي كان الفرش ملوكي بمعنى الكلمة قعدتني في الرسبشن واستاذنت دخلت ما بعرف وين وخلت البت الشغالة تجيب لي مويه وعصير جات نازلة بت شعرها أشقر ودا اول شي اخدت منو بالي نحيفه لابسه نظارة نظر جات سلمت علي قالت لي هلا تبيان حسيت العربي بتاعه مش اوي قلت ليه اهلين قالت لي انا أنا قلت ليها هلا اتشرفنا قلت ليها خالتو اماني بتكون والدتك قالت لي ايواا 😄مامي بتحب سودانيين كتير لانو بلده قلت ليها ايواا واضح
قالت لي انو ابوها بريطاني وكدا وهم اتولدو واتربو هناك بس كانو بزورو السودان كل كذا سنه يعني ما علي طول حبيته شديد ياخ بت كيوت جاتنا خالتو اماني قال لي دي أنا بتي قلت ليها ماشاء الله بتك عسل ي خالتو قالت لي انتي العسل والله من لما شفتك دخلتي قلبي قلت ليها القلوب عند بعضيها 😄😄وانا كمان قالت لي شكلك عروسه جديده قلت ليها لي تقريبا شهرين قالت لي ربنا يهنيك ويرزقك الذريه الصالحه قلت ليها تسلمي رن جرس الباب البت مشت فتحت لحظات وجا داخل شاب طويل حنطي كان طالع علي السلم علي طول خالتو ندهت عليه ي ضياء تعال سلم علي الضيفه دي جا سلم علي بس من دون مباله وعلي طول طلع خالتو قالت لي دا ولدي الكبير قلت ليها ربنا يخليهم ليك يلا انا لازم اروح بعد كدا لانو زوجي بكون قرب يجي قالت لي استني اخلي السواق يوصلك ودعتهم وطلعته طبعا بعد ما أخدو مني عنوان البيت ورقمي قبل ما اصل البيت قلت ليه نزلني هنا قال لي دا بيتك قلت ليه لا عايزة اشتري حاجات من السوبر ماركت بعدها امشي البيت ما كانت عندي رغبه امشي فضلته ابكي وما عارفه اعمل شنو
جاتني مكالمه من نورة بس ما رديت عليها لانو كنت متاكده انو جات البيت وما لقتني
رجعت قعدة في نفس الحديقة الكنت فيها

عشان تعرفو ايه الحيصل هاارجع البيت ولا لا استنو الجزء الجديد
استغفرو😍