وصلو هم واولادهم سلمنا عليهم وفضلناهم طبعا خالتي عايشه بتحبني شديد 😊 قالو لي سلامتك أن شاء الله والله خوفتينا عليك قلت ليهم أنا الحمد لله بخير 😊 خالتي عاشه قالت لي سحروك والما بشبهوك سمر قالت ليها يسحرو فيها شنو قالت ليها بري بتي سمحه وحلات الدنيا عليها وانا طبعا الابتسامه حدها الاضان😆😆 ماما قالت لي بعد الكلام الحلو دا امشي اعملي ليهم القهوه دخلته اجهز جاجات القهوة طبعا خالتي عايشه دي الا تعملي ليها القهوة قدامه جبت الحاجات وقعدته اعمل فيها جا حازم قال لي تبو كيفك قلت ليه الحمد لله طبعا هو شخصيه كدا ارستقراطيه وما بتفق معاه نهائي قال لي كيف بقيتي هسي قلت ليه اهو زي ما انت شايف كويسه قتل لي بكون دا مرض حامد😆😆😆 إلا نشوف لك عريس قلت ليه انننن ظريف😞😞 كلهم قعد يضحكو قال لي انا طبعا ضد قعدة البت من غير زواج المفروض كلكم تتزوجو هسي لو ما امي دي أصرت انو نهى تكمل دراستها كنت عرسته ليها من زمان لراشد نهى طبعا لسانه متبري منها قالت ليه تعرس لمين والناس نايمين والله اعرس راشد ابو سفه دا 😞😞قال راشد قال هو كدا الينضف ملابسو المابشبه الرجال قلت ليه بتاع السوبر ماركت الجاهل دا قال لي ومالو راجل ود أصول وبمسك بيتو
وعندو كذا محل ودا مصير اي بت ما تقول لي عندها طموح والكلام البقولن فيه بنات اليومين ديل قلت ليه الموضوع ما موضوع يمسك المشكله في التفاهم هيكون صعب وبعدين وين المشكله لو البت حققت طموحه
هي كإنسانه من حقها تساعد في تنمية المجتمع الهي عايشه فيه وما بس المجتمع بل كل الانسانيه وطبعا خالتو حبيبتي دعمتني قالت ليه كلامها صح هسي لو لا قدر الله الواحدة احتاجت بتشتغل بشهادته قال لينا انتي وخالتك لو اتفقتن تخربن بلد احسن اسكت قلت ليه اي احسن لك😆😆 عملته ليهم الجبنه قعدنا نشرب حازم قال لي ما عرفتينا قلت ليه ديل اعز صحابي واخواتي وزميلاتي قال لي اختصري😂😂الواطي طير جبهتي قلت ليه نون ولدن قال لي لدن دي انا شفتها قبل كدا وحسيتو بعاين لنون بإعجاب قمته دخلته المطبخ جا لاحقني قال لي تبو قلت ليه خير في شنو هات العندك 😆😆قال لي نون صحبتك دي مرتبطه قلت ليه لا سنقل قال لي ما تربطي لي معاها قلت ليه حازم انت عارف ما بحب الف والدوران لو عايزة لقدام ولا يومين وترميها قال لي والله جادي أما قلت ليه زيت قال لي دا شنو كلام الشماسه دا 😬😬قلت ليه معقول اسمع فيه صباح ومساء وما تقتحم زاكرتي كلمه😂😂😂 ابتسم وطلع بعدها ختينا الغدا اتغدينا وطلعنا برا عندنا حديقه ظريفه كدا قعدنا فيها وسمر عملت لينا عصير وجات قاعدين كلنا اعتماد قالت لينا خلونلوا نلعب حقيقه جرئه قلت ليها ياخ مملا قالو لي ياخ خلينا نلعب وجبنا قزازة بارد وبدينا نلعب انا قصادي لدن ونون قصاد حازم ونهى جمبي وائل قصاد اعتماد بدينا نلعب وقع السؤال علي لدن قلت ليها اها الله يستر قالت لي حقيقه ولا جرئه
وطلعت جرئه قالت لي قومي ارقصي قلت ليها نعم 🙄قالت لي ما سمعتي قلت ليها يا كلبه اصبري لي وقلت ليهم شغلو لي موسيقا لو سمحتوا حتشوفو احلا عرض راقص سمر قالت لي امشي ي شترا شغلو غنيه طرب وبقيت ارقص شتاره عجيبه بعد شويه كلهم قامو يرقصو معي 😂😂مجانين خلاص بعد خلصنا قعدنا نفس القعده المرة دي وقعت علي اعتماد ووائل قال ليها حبيتي قبل كدا ليه لا بخجل كدا ق يسلملي الخجول 😂😂😂 ياربي شفع الزمن ديل فظيعين ودورته القزازة مرة تانيه ووقعت علي نون وحازم وكان السؤال علي حازم قال ليها مرتبطه حسيته اتجمدت قلت ليه حازم شكيتك ل الله هجمته البت 😅😅قالت لي عادي لا ما مرتبطه طبعا قريبي انبسط آخر انبساط والابتسامه حده الاضان لدن قال لي تبيان نحن نمشي بعد كدا قلت ليها بدري قالت لي بدري من عمرك رزم نمشي عشان المواصلات صعبه ودخلوا يغيرو ملابسهم وانا لبسته لي أقرب عبايه طلعته اقدمهم لحدي المواصلات
وقفنا لحدي ما تجي لدن قالت لي بكرة ماشه اقابل الكراش تعالو معي قلت ليها ليه قال لك جيبي معاك عوازل انتي هبله امشي قابليه براك قالت لي بطلي مساخه ياخ حلفتكم تجوب معي قلت ليها تمااام نون قالت ليها انا ما بقدر والله بكره عايزة اغسل ملابسي وكدا
واتفقنا نتقابل بكرة انا ولدن ونمشي نقابل احمد طبعا دا حبيب لدن ود عمها في نفس الوقت رجعته البيت لقيت ناس خالتي طالعين اعتماد قالت لي ارحكي معانا ليكي زمن ما جيتينا قلت ليها ما بقدر والله حبيبتي لكن بجيكم بعد اخلص السمستر دا أن شاء الله قالت لي تمااام ودعناهم وطلعو
دخلته غرفتي وقعدته اقلب في الرسايل بتاعت الواتس ومن بين الرسايل لقيت رسايل من حسام قال لي صباح الخير وجمعه مباركه رديت عليه وكان متصل علي طول رد علي قال لي تبيان كيفك ان شاءالله بخير قلت ليه بخير وانت كيفك قال لي الحمد لله في زحمه من النعم ممكن نتقابل قلت ليه تمااام قال لي بكرة ينفع قلت ليه ينفع وعلي واتفقنا علي المكان والزمن
يلا
بشوفكم 😍😍
#_تبيان
أنت تقرأ
الحب يأتي بغتة
Roman d'amourالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
