بعد صليت المغرب طلعته لقيت ماما وسمر قاعدين يتونسو سمر قالت لأمي انو احمد الهو خطيب سمر دارس إدارة أعمال وشغال مع ابوه في الشركه بتاعتهم هو شاب طويل اسمر ملتحي وعندو هيبه كدا غريبه وسمر طبعا شغاله معاهم وتعتبر اليد اليمين لعمو صالح والد احمد هيجو هو وأهله الجمعه عشان يحددو مواعيد للعرس اول ما سمعتها قعدته اصرخ واوووووو الف مبروووووك حبيبتي ربنا يتم ليك علي خير بقيت انطط وارقص💃💃وجريت حضنتها جد فرحته ليها قالت لي يبارك فيكي وطبعا بكل عفويه قالت لي عقبالك حبيبتي قلت ليها اميين حسيت بشي انكسر 😣😣بس ما حبيت احسسها بشي بس ماما حست بي دخلت طوالي لغرفتها لاحظته ليها متغيره قمته مشيت وراها علي طول عايزة اخبط الباب سمعتها بتبكي من غير ما احس بقيت ابكي دخلته غرفتي غسلته وشي وطلعته دخلته المطبخ جهزته العشا وندهته لأمي ووائل ونحن في العشا ماما قالت لوسائل انو سمر هيحددو زواجه كدا لأنها بتعتبرو راجل البيت وكده ودايما بتعاملو علي الأساس دا هو طبعا فرح شديد
واتعشينا بعد ما خلصنا قلت ليهم الليله مافي نوم في فلم حلو تعالو نحضره وائل قال عندو مدرسه بكرة ما بقدر دخلته جهزته البوشار والمكسرات 😍😍 والفلم لسه ما بدأ رحت صليت العشا وجيت لقيتو بدا طبعا فلم هندي فيه كمية مشاعر وما عادي اسمو(سنم تيري كسم😍😍ما حضرته البطلة بتاعتو بتموت ) انا الفلم كلو ابكي طبعا رومانسيه شديد 😗😗 وسمر دي طول الفلم تضحك فيني ولاني باكل وابكي جفاف عاطفي بعيد عنكم الله لا جاب عقاب الهنود 😂😂😆بهدلو أفكارنا ياخ بعد الفلم خلص الفلم قلت لسمر هسي احمد ما لقا غير الأيام دي عايز يعرس 😤😤نحن قربنا نخلص السمسر الثاني في المستوى الثاني باقي شهر بس خليه يصبر قالت لي أبا يتفاهم معي قلت ليها ألقيك انتي المقادر تصبري رسلت لي المسند علي طول 😅😅قالت لي اي تعبته من السنجلة دي قلت ليه ربنا يتم لك علي خير ودخلنا لغرفنا وبقيت هايصه في الغرفه طلعته دفتري وكتبته (يقولون لا يقدر المرؤ النعمه إلا عندما يفقدها
لطالما طقت للحب تمنيت لو أجد أحد يحتويني يفهمني دون أن أتحدث فقط من نظرة انا علي موعد معه سوف يأتي سأظل بانتظارك لأنك حتما سوف تأتي وعندها لن أرحمك سوف اوبخك واشتكي لك عن مرارة الأيام سأخبرك عن شوقي ...)قفلت الدفتر
دخلته اتوضيت استخرته ودعيت (طبعا دي وصفتي السحريه في اي شي بستخير وبقعد ادي والله العظيم كمية راحه ما عاديه بحس بيها😍😍)وقعدته ادعي لحدي الساعه بقت 3 وحسيت نفسي نعسانه معقول انا نعسانه وعلي طول دخلته نوم عميق صحيت الصباح ماما خبطت لي الباب تبيان قومي يلا عشان تلحقي جامعتك الليله عندكم محاضرة مع دكتور عمر قلت ليها شنو😲😲انتي عرفتي من وين قالت لي يلا قومي كل أحد تنبحي فينا الليله دكتور عمر بحميني ادخل نسيتي 😂😂دخلته الحمام وأتجهزته وطلعته علي طول لقيت عمو بابكر قال الليله ماشاء الله عيني باردة سلمته عليه قلت ليه اخبارك شنو قال لي نشكره ونحمد فضلوا قلت ليه اليوم غريبه جاي بدري كدا 😄😄قال لي عشان استاذ عمر ما يطردك من المحاضرة قلت ليه حتي انت ي عمو بابكر 😂😂😂اتاريني كنت بكرهكم يوم الأحد قال اسكتي ساي علي بالحرام خرمتي اضاني لما حفظته صم قعدنا نضحك وصلنا الجامعه وكنت مشتاقه ليها ياخ كانو ما لي يومين بس منها أحيانا بتعلق بالأماكن اكتر من البشر سبحان الله دخلته وبوشي علي شجرتنا لقيت نون ومعاها مازن سلمته عليهم ومازن رد علي ببرود حضنته نون وبستها قلت ليها لدن ما جات قالت لي لسه قلت اخفف دم شويه مع مازن دا قلت ليه مازن اخبارك شنو قالت لي تمااام قلت ليه بصراحه انا مدينا لك باعتزار انا بعتزر ما كان المفروض اكسر لك غزاز العربيه قال لي خلاص موضوع ونستو وانا مقدر وضعك علي حكى لي قلت ليه حكى لك شنو😲😲نون قالت لي يلا بسرعه الدكتور عمر هيدخل
وقمنا جري عديل 😂😂 معقول مجهود الماما والعم بابكر يروح هدر لم ولن اسمح بذلك شكلي أفعلته 😅المهم ونحن بالباب نون دخلت قدامنا وانا ومازن بيتنا نتعازم لحدي ما جا دكتور عمر لقانا في نفس الحالة😂😂 قال لينا كدا زحو لي ادخل بعدين قرروا من يدخل اول دخلنا الاتنين مع شالنا كيف ربك أعلم وقعدته جم نون ومناسك ولا كأنها شافتنا الدكتور دخل وبدأ في المحاضرة قلت لنون لولو شكلها ما جايه اليوم قالت لي شكلها كدا قلت ان شاء الله المانع خير وسرحته بعيد في موضوع حسام وبقيت افكر فيه ياربي اعمل شنو هو وضعوا صعب وبين نارين وفجأه لقيت الدكتور بعين لي قال ما عارف الليله ما لكم قلنا ليه مالنا ي دكتور قال لينا ماكم ياكم بقينا نضحك😂😂😂 قال لينا ركزو يا جماعة انتو في نهاية سنه وفي تست في خلال الأسبوع دا ما عايز درجات ضعيفه خالص البرسب وقع معي وطلع أخدنا رست شويه ودخلنا معمل علي طول كان من دكتور اسمو محمد مكسر الدفعه وجاهه واحترام معقول ما حكيت ليكم عنو يبقى دا اسمو كلام وكان جو حلو لما تنقمس في جو الشي البتعملو ويكون عندك فضول تعرف اكتر بيكون شي ممتع نون كانت جمبي قالت لي وبع علي من سماحتو وقلت ليه وبين عديل 😂😂😂😆 قالت لي ما ملاحظه انو مركز معاك قلت ليها ابدا طبعا انا في الحاجات دي بكون ما جايبه خبر قالت لي معقولة ما شايفه كل شويه يجي يقيف جمبك ويشرح لك كل البنات غيرانات قلت ليها نونتي ما كأنك بتبالغي ما شاف مزن البت تقول للقمر قوم وانا اقعد محلك جاي يعاين لي انا عايزة تتكلم قلت ليها نون هشش بعد خلصنا مشينا الكفتيريا فطرنا قلت لنون انا والله ما بعرف كيف أتعامل مع مناسك مهم كان هي صحبتي قالت لي هي لو صحبتك بالجد ما كانت جرحتك بالطريقه دي فارس وخليته ليها
اكتر شي مزعلني بعد اخدتو ليه العدوانية دي
اليوم خلص ورجعت البيت ...
مع اني زعلانه منكم بتقرو ومن بترحو من غير تعليق ياخ أن شاء الله تقول لي كتابتك كعبه أو القصه ما حلوة اي شي انا رضيانه
استغفروا
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
