الحب يأتي بغتة

الجزء 5

الساعه سبعه بالضبط المنبه رن😩😩اخ لم ابدا اغرق في النوم زفتي المنبه يرن ياربي قمت دخلت الحمام ادوشته وطلعته صليت وجهزته لي فستان بيج مورد بالبني فاري من تحت وشنطة يد جلد وطرحها بني وجزمه سودا قشرته وطلعته وعلى
طوالي طلعت الجامعه لقيت بتاع الترحيل واقف لي برا قلت ليه صباح الخير قال لي صباح النور كيفك
قلت ليه تمااام طبعا ماما عاملة لي ترحيل لانو المواصلات صعبه وانا ما بستحمل الشمس اتصلت علي لدن قالت لي انتي وين لو بتقدري تغشيني لانو اخوي مؤيد ما قال ما بقدر يوصلني اليوم
قلت ليها تمااام انا جايه عليك قلت للسواق هنمشي نجيب لدن ومشينا عليها وطبعا كالعادة متأخرين وصلنا😂😂😂وجري علي القاعه لقينا البروفيسور احمد دخل الليلة وب لدن قالت لي دا ولا بجامل ولا بجرب اخش قلت ليها انت الله يباركلك ليش ما قلتي لي من بدري كنا هسي حصلنا المحاضره قالت لي مؤيد قال عندو موضوع ضروري وما بقدر يوصلني عايزاني اجي بالمواصلات
قلت ليها لا سيادتك حضرت السفيرة عزيزة ارح نقعد هناك تحت الشجرة بتاعتنا ومشينا قعدنا نتونس قالت لي دا شنو الانتي عملتيه امبارح دا قلت ليها عملته شنو قالت لي كسرتي للولد قزاز العربية بتاعتو
قعدته اضحك😂😂قلت ليه هو هجمني ياخ وبدل يعتزر قعد يقل في ادبو قالت لي بالغتي لكن قلت ليها خلاص بعدين بعتزر منو المحاضرة خلصت وجو نون ومناسك بوسات 😘😘سلمو علينا ومناسك كانت متغيرة ما عارفه ليه نون قالت لينا ياخ انا زهجانه ارحكم نطلع
ناكل ايس كريم قلت ليها ناسيه عندنا محاضرة قالت لي الدكتور اعتذر قلت ليها والله 😍يلاكم اتصلنا ب علي وقال جاي علينا علي مززي قلنا ليه اهلين كلنا مززك قال أي طبعا جنو هظار وانا برتاح ليه شديد اعز صديق عندي يااااا خ
قال لي تبو كيفك يا مجنونه 😂😂😆قلت ليه عليوش قال لي خلاص سكته احسن ما ترميني بطوبه وفكيناها ضحكه😂😂😂ونون ومناسك قالو لينا بتضحكو مالكم علي قال ليهم يلاكم بحكي ليكم في الطريق وطلعنا في عربية علي وطبعا نون لو ما عرفت الحصل بتموت علي قال ليهم صحبتكم المجنونه دي امبارح كسرة لمازن قزاز العربية ولو ما جيت أظن كانت كتلته خفته علي صحبي 😅😂😂بت شريرة قلت ليه عليوش ما كأنك زودتها وبعدين انا شريرة 😒😒مناسك قالت لي ي مجنونه هسي لو ضربك غلطان لدن قال ليها ما بستطيع لو هبشا كان الا يشوف ليه جامعه تانيه👏👏 قلت ليها تسلمي لي لولو حبيتشي😍😍😘قالت ليها اي كبري ليها رأسه اكتر ما هو كبير قلت ليها انتي اطلعي منها بس😝😝😝
وصلنا المحل بتاع ايسكريم اسمو فور سيزون بتمشي نقعد فيه طوالي
مشيت طلبته ليهم انا طبعا بحب الشوكلا اخدت واحد ونحن بناكل في الايسكريم مناسك جاها تلفون حسيته اتكركبت وشكلها ما طبيعيه نهائي طلعت برا اتكلمت وجات داخله وكانت بتعاين لي بطريقه مريبه
ما ركزته معاها قلت ليهم يلا المحاضرة التانية قربت تبدأ رجعنا الجامعه وبدت المحاضرة بعد خلصنا اتصلت علي بتاع الترحيل رد علي قال لي انو اليوم ما بقدر يجي قلت ليه تمااام لدن قالت لي استني مؤيد جاي ياخذني قلت ليها لا ما بقدر بمشي بالمواصلات الشمس كانت سخنه لما بتشوف السراب في الظلط طلعت مشيت وقفته كدا بس مافي مواصلات جات بعد فترة جات حافلة ماشا العربي ركبته وطبعا الزحمه في العربي ما اقول ليكم شي كدا لا يوصف وانا قربت ادوخ بعد تعب لقيت طريقه اركب 😷وصلت البيت وكنت مصدعه صداع ما عادي 😣 دخلته علي طول غرفتي ومن غير ما اغير ملابسي رقته سمر جات خبطت لي الباب ودخلت قالت لي ي تبيان ي بت مالك ما طلعتي ملابسك قلت ليها مصدعه ما قادرة عملت لي مكمدات بالمويه البارده قالت لي اتعرضتي لشمس مش كدا قلت ليها بتاع الترحيل ما جا جيت بالمواصلات قالت لي انتي بت مستهترة عارفه الشمس ما بتفع معاك كنت تركبي مع لدن قلت ليها
لدن ممكن تتأخر عشان كدا قلت احسن امشي بالمواصلات ادتني حبة بندول وقالت لي نومي
ونمت😴😴صحيت تعبانه وكنت حاسه راسي هيتكسر دخلت الحمام ادوشته واتوضيت صليت كل الأوقات لاني ما صليت ماما جات قالت لي تبو كيفك حبيتي قلت ليها انا كويسه قالت لي شكلك تعبانه دقيقه اعبي لك حقنه قلت ليها حقنه😖😫لا يا امي ياخ قالت لي بلا لا معاك يلا عبته وجات ادتني ليها ياخ الحقن دي ما بحبها😥طلعت برا اتعشينا ودخلته غرفتي لانو الصداع مضايقني
حاولته انوم النوم حلف ما يجي😧قعدته افكر
في فارس فلاش باق
فارس اتصل علي حبيبي 💖💖كيفو قلت ليه بخير
قال لي عايز اشوفك😍😍 قلت ليه متين قال لي اليوم
قلت ليه اليوم😰😱ما بقدر قال لي ما بعرف بس لازم اشوفك قلت ليه بحاول قال لي ما في شي اسمو بحاول اتصرفي قلت ليه ماشي كلمته امي قلت ليها طالعه مع لدن نشتري حاجات قالت لي امشي لكن ما تتاخري طبعا لاني ما بحب اطلع عشان كدا ماما ما بتحميني لما اقول طالعه

ياريت تدوني رايكم في القصه اكمل ولا لا بليس😄😄

بشوفكم😍😍