بعد حسام سافر رجعته بيتنا وكان اليوم خميس قبل اصل اتصلت علي مامي حبيبي تستناني بالبيت وصلته لقيت ماما مستنياني
سلمته علي يا ماما وحشاني جدا قالت لي مشيتن خليتن لي البيت فاضي والله 😢قلت ليها انا جيت وهااقعد معاك علي طول ما تزعلي نفسك 😃😃قالت لي بكرة تسافري وتخلي لي البيت خلا بطلي بكش😂😂😂قلت ليها سمر كيفه ما اتصلت عليك لي كم يوم ما كلمتها قالت لي كويسه امبارح اتصلت علي
قلت ليها دقيقه اتصل عليها اخدت تلفوني وعملت ليها مكالمه فيديو فتحت قلت ليها الناس بتسال ما بلقو رجالهم وبنسو اخواتم اخبارك شنو قالت لي كويسه الحمد لله والله قلت ليها ماشاء الله ظاهر عليك وشك منور😍😍قالت لي بالجد قلت ليها لا بهظر قالت لي اديني اكلم امي أديت ماما التلفون وفضلت تتونس معاها وقالت ليها أنها هتجي الأسبوع الجاي وانا دخلته غيرته ملابسي
طلعت من غرفتي قلت لأمي انا جعانه قالت لي ثواني والفطور يجهز ياخ بحب الأكل من تحت ايده😍 المسه اتصلت علي لدن قلت ليها لدونتي والله شوق مبالغه قالت والله ي تبو ما اكتر مني ياخ بت وينك حسام اخدك مننا قلت ليها خلاص فضيت حسام سافر قالت لي انها جاياني وكدا قلت ليه تانسي وتنوري 😄😄وين نون قالت لي مندرشه للامتحانات وكدا ما اتكلمت معاها من امبارح قلت ليها بعدين انا بقعد وراها 😆😆 عدت الأيام وبدت الامتحانات وطبعا الأسبوع الأول كنت قاعده في بيتنا لما جات سمورة رحلت مع لدن بيتم كانت بتشرح لي الشي الفاتني
الامتحان قبل الآخر كان مادة دكتور عمر
قاعدين نزاكر لدن قالت لي المادة دي اكتر شي بكره قلت ليها والعجب الدكتور المدرسه راجل التقول هو وهتلر اخوان بالرضاعه😂😂
قالت لي انا زهجته من شي اسمو قرايه ارح نقعد برا مع ناس امي عاملين شاي ونسه وكدا طلعنا قعدنا معاهم خالتو قالت لي تبو
والله ما كنت قايلاك بتعقلي وتبقي ست بيت قلت ليها ليه ي خالتو 😂😂قالت لي ماضيك كلو عندي الشارع كلو يشتكي منك ولعب مع الاولاد لا زي ما بقولو الكبر حسنات قلت ليها فعلا والله انا شخصيا ما مصدقه اني كنت بالفظاعه دي لكن مؤيد كان مكرهني الشارع كل ما يلاقاني بلعب مع الاولاد يضربني مؤيد قال لي وياريت كان بفايدة 😂😂 اضرب الصباح القاك بتلعبي العصر انتي ولدن كنتو مجنني اكون جاي مع اصحابي القاكم بتلعبو برا قلت ليه هسي شفت بقيت ليدي كيف 😎
آخر انوثه ورقي قعدو يضحكو😂😂😂قال لي باين باين الله يكون في عون راجلك بس قلت ليه مؤيد قصدك شنو بشتكيك لعم الهادي هسي لأنو انا ما بقدر عليك 😂لدن قالت لي فلاحتك فيني الا انا طبعا كنت معزباها عذب بضربها كل يوم والمشكله انها مني ما بتتحلا
قالت لي علي فكرة يا تبيان بخلص حقي من اولادك قلت ليها والله 😂😂اضربي ساي ما عندي اي مشكل وفضلنا نتونس لحدي الساعه 10 بعدها رجعنا للمزاكرة وعدت الامتحانات بعضها كويس وبعضها صعب في الفترة دي ما كنت بتواصل كتير مع حسام كل البيناتنا السلام واخبارك وكدا أحيانا كنت بفتقدو حسيتو خلا فراغ جواي رجعته بيتنا وطبعا فترة الامتحانات كانت مرهقة 😩😩فضلته نايمه اليوم كلو
المسا جات سمر صحتني ي بت تبيان قومي كفاك نوم قلت ليها ياخ انا لي شهر تقريبا ما بنوم حلي عن سماي قالت لي يلا قومي عندي لك خبر حلو بسرعه قلت ليها ي رخمه انتي خلاص قايمه قايمه قمته دخلته الحمام عشان اصحصح ادوشته وصليت طلعته برا الصاله لقيت ماما وسمر ووائل قلت ليه ي وائل عاش من شافك اخبارك شنو قال لي تمااام الحمد لله قلت ليه ليك وحشات كتارات😍😍قال لي شكلك اشتقتي لي تشغيلاتي قلت ليه تصدق ايوه شد حيلك امتحاناتك قربت قال لي ايوااا لازم قلت لسمر اها وين الخبر الحلو القطعتي لي نومي بسببو والله يقدر ألقاه سبب سخيف قالت لي ابردي الخبر انو انا حامل قلت ليها شنو 😍😍واي ي سمر وهاابقا خاله وقمته حضنتها قلت ليها الف مبروك ان شاءالله قالت لي الله يبارك فيك وين احمد قالت لي مشه لأمه وكدا
لأنها كانت زعلانه من قعدتنا هنا قلت ليها المرة دي فظيعه وقادرة الله يكفيكي شرها قالت لي مع انو تعاملي معاها كويس بس ما بعرف ليه هي كدا وائل قال لينا بصراحه عندها حق ما ترضى عايزة ولده يسكن جمبها
قلت ليه بس دا شي بيرجع ليهم هم الاتنين المفروض ما تدخل وتفرض رأيها علي كل ماما قالت لي اها انتي ماشه متين لنسابتك قلت ليها بعد اروق شويه ي امي قالت لي روقي لكن لازم تمشي تشوفيهم وتسلمي عليهم دا الواجب قلت ليها انا علي طول بتصل علي هبه وبطمني عليهم بكرة ولا بعده بمشي عليهم سمر قالت لي تعالي عايزاك دخلنا غرفتها قالت لي ما لحقنا نحكي بعد ما رجعته كيف حسام معاك احكي لي 😍قلت ليها كيف يعني قالت لي ما تتغابي انتي فاهماني قالت لي حصل بيناتكم شي ولا لا قلت ليها شي زي شنو عاينت لي كدا😞😞
قلت ليها بصراحه لا ما حصل شي بيناتنا قالت لي معقول ي تبيان 😨😨😵😱كيف الكلام دا قلت ليها دا الحصل اتفقنا لما نتعود علي بعض وكدا قلت ليها وانتي احكي لي قالت لي ما شايفه النتيجه قدامك 😂😂😂جيت ببيبي ما ذيك قال عايزة تتعود عليه
قلت ليها انتو وأحمد بتعرفو بعض كويس بس انا وحسام اتزوجنا بسرعه ودا السبب قالت لي فعلا ما صدقته قدرته اقنعها قلت ليها انا جعانه ياخ فاتح لي تحقيق طلعت خليتها دخلته المطبخ اكلته وبعدها قعدته في احضر في مسلسل زواج مصلحه علي اليوتيوب
كنت اصلا متابعاه كوميدي وقصتو حلوة 😍
جاني اتصال من حسام سلم على قال لي تبو المجنونه كيفك وحمدلله علي السلامه ياخ قلت ليه الله يسلمك انا كويسه الحمد لله
قال لي هتمشي البيت متين قلت ليها بكرة ان شاءالله قال لي كويس لانو ابوي شويه تعبان عايزك تخلي بالك منو قلت ليه خير مالو مافي حد كلمني قال لي انا كنت بتكلم معاهم قبل شويه وقالو لي انو جاي من الشغل تعبان الضغط مرتفع قلت ليه سلامتو أن شاء الله هيكون بخير ما تقلق قال لي
يارب انا اخدت قرار عايز اكلمك بيه انا شايف احسن انك تفضلي في السودان مع اهلي وكدا قلت ليه والله التشوفو مناسب اعملو في قلبي قلت يس😍😍 كدا احسن اكمل دراستي وكدا ومنها اكون جم اهلي
مع اني كان نفسي أدرس في كامبردج بس قلت يلا ما مشكله وقفلنا علي كدا
بشوفكم
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
