بعد قفلته منو بقيت افكر ياربي يكون عايز يشوفني لشنو 🤔قلت لنفسي يخبر النهارده بفلوس (اكيد كملتوها من عندكم 😂😂😂)وعدا اليوم من غير اي شي يزكر في الصباح قمت واتشيكته وآخر ميكب 😏لما اقوم صعبه😎😎 بالعادة ما بخت ميكب اتصلته بعمو بابكر بتاع الترحيل قال لي انو جاي علي قلت ليه مستنياك وصلته الجامعه وكانت واحشاني بالجد وعلي غير العادة وصلته بدري شايفه من بعيد البنات ومعاهم علي ومازن ومجموعه من دفعتناقاعدين تحت الشجرة بتاعتنا واول ما شافوني جو جارين علي لدن ونون قالو لي تبو نورتي الجامعه قلت ليهم دا نوركم وصلته للشباب وسلمته عليهم قال لي سلامتك وفقدناك والله وفقدنا جنك ياخ قلت ليهم ما تفقدو عزيز😃😃 مناسك كانت قاعدة وما كلفت نفسها ترد علي السلام قلت ليها مناسك كيفك
قالت لي كويسة 😒😒ومن غير نفس قلت ياربي مالا دي قلت بعدين اسألها لما نكون برانا وقعدنا نتونس وحكو لي الحاجات الحصلت في غيابي دفعه ظريفه ياخ 😍😍كان عندنا لاب دخلنا اللاب وكنا مجموعات وانا كنت واقعه مع مناسك وعلي لحظته مناسك كانت بتتجنب تتعامل معي طبعا مستغربه حد الغرابه الحاصل معاها شنو بعد خلصنا طلعنا
من اللاب واتقابلنا كلنا وقررنا نمشي الكفتيريا ما عدا مناسك قالت ماشه المكتبه قلت للدن انتي مناسك دي مالا متغيرة قالت لي بري ما بعرفها قلت ليها انتو صحبات انتو ما عارفين صحبتكم مالا 😕وقررته اني أحصلها مشيت وراها قلت ليها يا مناسك استني ولا كأنها سامعاني مشيت بسرعه عشان أحصلها مسكتها من يدها قلت ليها يا بت مالك في شنو خوفتيني عليك قالت لي مافي شي 😞😞قلت ليها لا واضح انو مافي شي ما شايفه وشك من الزعل لما محمر قال لي ما بخصك وبنرفزه كدا قالت لي انتي عايزة مني شنو عايزة تعرفي المضايقني شنو انتي المضايقاني ومن يوم ما عرفتك وانا بغار منك الكل بحبك ما عارفه الشي المميز فيك انا بقيت عامله كدة😲😲 وواصلت بحرقه حتي فارس انا حبيتو قبلك وكنت كل يوم بجي بشارع بيتم وانا ماشه المدرسه عشان اشوفو بس بتتزكري اليوم الشافك فيه انا الاقنعتك تمشي معي وتفوتي الترحيل وياريتني ما قلت لك كدا انا بس بقيت ببكي 😢😭😭😭معقول صحبتي تكن لي كل الكره دا انا بحياتي ما اتخيلته اني ممكن تكون سبب تعاسته قتلت لي فارس من يوم شافك طلب مني رقمك وأصر علي انا جبته ليه رقمك بيدي وانا بموت وقلت اكيد هانساه بس ما قدرته خاصًتا لما بشوفو كيف بيعاملك😭😭 ولما بتجي تحكي لينا عن تعاملوا معاك انا كنت بختنق
وبعد ما خليتو بعض انا بقيت اوسيه وكنت صديقه ليه عشان إكسبو وعشان اخليه ينساكي واتخطبنا بس احب ابشرك فارس لسه بيحبك بيحبك وما نساك
كلامها كان بنزل علي زي الصاعقة قلت ليها وانتي ليه ما قلتي لي قالت لي اقول لك شنو عشان تتنازل لي عنو وتعمل لي فيها انك عظيمه قلت ليها انا بعتزر قالت لي اعتزارك خليه لنفسك ومشت خلتني وانا أنهرته وبقيت ما عارفه اعمل شنو😭😭( بتعرفو الروح النقيه الما بتحب تأذي اي حد ولو بنوع الغلط بس دي بطلتنا تبيان بتفضل تأذي نفسها علي انها تأذي حد) مشيت علي الكفتيريا وانا رجلي ما شايلاتني ومسحته دموعي وحاولته أبين اني قويه
قعدته مع البنات لدن قالت لي الليله انا عازماكم نون قالت ليه ي سلام 😍😍 انا عايزة بيتزا قالت لي وانتي تبيان ومن غير ما أحس دموعي نزلت لدن ونون اتفاجئو😨😨في شنو ي تبيان مالك ي بت هسي ما كنتي كويسه قلت ليهم علي وين قالو لي علي برا في الاستراحه قلت ليها اتصل لي عليه عايزاه قالت لي ما بخليك إلا تحكي لي مالك قلت ليه جد ما بقدر والبكى غلبني وقمت علي طول طلعته جو معي لدن ونون قلت ليهم ما تخافي انا كويسه لدن قالت لي انا جايه معاك قلت ليها تمااام ونون كمان قالت جايه اتصلنا ب علي قال 5 دقيقه وبكون معانا لما جا لقاني ببكي وحالتي صعبه قال لي تبيان مالك 😲قلت ليه علي ممكن توديني البيت لو سمحت قال لينا اركبو ركبنا وانا كنت راكبه قدام علي قال لي رايكم شنو نمشي شارع النيل تشمي هوا يمكن النفسنه دي تروح 😂😂 لدن قالت ليه اي ودينا وانا ولا كأني معاهم بعد وصلنا قعدنا تحت شجرة كبيرة وجوها حلو علي قال لي دا جو شنو قلت ليه جو شنو قال لي جو سطله 😂😂قلت ليه والله انت مجنون رسمي قال سطله قال 😞 لدن قال لينا نفسي امشي اقطع بالعبارة ياخ نون قالت وانا كمان والله علي قال لينا يلاكم مشين قطعنا وكان جو حلو البحر من الاشياء البتلامس روحي هديت شويه
بعد رجعنا علي وصلنا البيت قلت لي لدن ونون ارحكم بيتو معي قالو لي تمااام نكلم أهلنا لو وافقو قلت للدن انا بكلم خالتو انتي اطلعي منها😛 شلت التلفون واتصلت علي خالتو ساميه ام لدن قلت ليها سلام خالتو ساميه قال لي وعليكم السلام تبيان بتي العسل قلت ليها كيفك ان شاء الله بخير قالت لي بخير والله قلت ليها ممكن لولو تبيت معي قالت لي ممكن ونص حبيبتي قلت ليها تسلمي كتير وسلم لي علي عمو الهادي قالت لي يوصل ونون اتصلت بأمها وسمحت ليها تبيت 😍😍 غيرنا ملابسنا
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
