دخلته غرفتي طبعا مافي موضوع قلت احسن اخت ملابس في الدولاب طلعتها من الشنطه وبديت ارتب فيها في الدولاب خلصتها وقلت ارفع الشنطه فوق للدولاب جبته كرسي التسريحه وطلعته عشان ارفعها ولانو الشنطه كبيرة كانت هتقع مني فجأة سمعت صوت حسام وهو بيقول لي هتقعي كان ممكن تندهي لي ولقيتو بيقرب عشان يساعدني
بس كنت رفعتها قلت ليه انت كيف تدخل علي بالطريقه دي وانا ما لابسه كويس علي طول قبل الناحيه التانيه شكرا انا متعودة اعتمد على نفسي ودا الشي الهتعرفو مع الايام
واحب ازكرك انو نحن مافي فلم هندي والحركات الرخيصة البتحصل دي قال لي انتي ليه لئيمه كدا قلت ليه مع اللئيمين حصرا😌✋قال لي بعتزر عن الشي البدر مني امبارح
وخلينا نبدأ صفحه جديدة ونكون أصحاب
لانو نحن مطرين نتعامل مع بعض طبعا كل الحوار دا وانا لسه واقفه على التسريحه قال لي الفطور برا جاهز ممكن نفطر مع بعض
قلت ليه ماشي ثواني واكون برا وطلع قمته
لبسته توب علي وطلعته لقيتو عامل بيض اوملت وجبنه فطرنا وانا حاسه نفسي ما مرتاحه نهائي جمبو الأكل أبا يتبلع معي قمت من غير ما اشبع قال لي علي وين قلت ليه الحمد لله شبعته قال لي الأكل ما عجبك قلت ليه لا ابدا دخلته المطبخ عملته عصير منقه وجبته بجكو وجبت معي كبايتين كبيت العصير لقيتو خلص اكل شلته الصينيه ورجعته شلت كبايتي حقت العصير ودخلته المطبخ
اغسل العده وانا بغسل واشرب ما احس إلا وحسام واقف جمبي لما اتشرقت 😣قلت ليه وبصوت عالي يعني انت ناوي توفيني ما ممكن معاك قال لي انتي الماشه مركزه وعلي طول سرحانه اعمل لك شنو قلت ليه ياريت تعمل اي صوت وانت جاي علي ياريت يعني😕😕قال لي تمااام هااعمل صوت ونسيتيني انا جاي لشنو اه ايواا كنت عايز اقول لك خلينا ننزل نقعد شويه مع اهلي قلت ليه ماشي ثواني اخلص والبس خلصته ولبسته توب بكل الطقم وعملته ميكب خفيف طلعته لقيت حسام لابس جلابيه كان مكمل الوجاهه
قلت ليه يلا بينا ونزلنا تحت لأهله نحن في نفس العمارة هم في الطابق الأرضي فتحت لينا هبه حضنتني وقالت عروستنا دقيقه دقيقه اجيب جرة الرز بقينا نضحك فيها قلت ليه معقول بقينا هنود ولا شنو قالت لي خشي برجلك اليمين دخلته وسلمته علي خالتو هاله
سلمت علي بحرارة قالت نورتي بيتك يا بتي قلت ليها دا نورك طبعا ما اتوقعته تتعامل معي كدا وسلمته على عمو عبدالله وسألته من صحتو لانو شكلو كان تعبان قال لي انو كويس وكدا هبه عملت عصير وجابتو قالت لي يلا تعالي افرجك علي البيت ومن بين الغرف دخلتني غرفة حسام كانت غرفه مرتبة وديكورة حلو عجبني خالتو هالة ندهت علي هبه قالت لي دقيقه واجي فضلته لافه في الغرفه كان في مكتب فيه شويه كتب والبوم شلت الألبوم وبديت اتفرج علي الصور لقيت من ضمن الصور صور لحسام وهبه وهم صغار
عندهم صورة وهم بيلعبوا بطين ومقرقين ملابسهم في نص الألبوم لقيت صورة بت شابه في العشرينات كدا كانت عسولة عيونه عسليه وفاكه شعرها هبه جات داخله قالت لي رأيك شنو نكمل قلت ليها يلا😊 وطلعنا ودخلنا غرفه كانت كلها ألوان هبه قالت لي طبعا دي قاطعتها اكيد دي غرفتك😄😄 قالت لي ايوااا مظبوط قلت ليها حبيت بتجنن قالت لي هي مبهدلة شويه لكن انا بحبها كدا جايطه وكدا وقعدنا نتونس طبعا علقنا علي الحفله ما عتقنا حد 😂😂 قالت لي ما بتصدقي انا مبسوطه قدر شنو كان نفسي يكون عندي اخت من زمان ياخ وربنا بعته لي قلت ليها تسلمي وانا والله حبيتك من ما شفتك قلت ليها انا لازم امشي لانو نسيت اخد الادويه بتاعتي قالت لي خليك شويه ياخ قلت ليها بجيك ما تخافي لما تزهجي مني طلعت الصاله استاذنت منهم وأخدته المفتاح من حسام وطلعته وصلته البيت واول شي عملته اخدته الادويه بتاعتي عشان ما انسى وغيرته ملابسي واتوضيت صليت الظهر قلت لنفسي اشوف الشقه فيها 3 غرف دخلته الغرفه القاعد فيها حسام وكان ديكورة حلو بس الوانو قاتمه وطبعا ما بحبها بتحسسني بكأبه كدا وطلعته قعدته في التلفزيون برا في الصاله بما انو مافي موضوع
كان فلم أجنبي حزين وفيه مأساة فظيعه الجرس رن لبسته توبي وفتحت لقيتو حسام دخل وانا رجعته احضر غير ملابسو وجا قعد يحضر معي في نفسي قلت دا هسي الجابو شنو 😤 وبقينا نحضر المشكله اني ما بعرف إلا ابكي في المشاهد الحزينه حاولته ما ابكي لكن دموعي غلبتني قمته شلت مناديل من الطربيزة وهي قدامي حسام لاحظ لي وانا بمسح في دموعي بقا يعاين لي قلت ليه ياخ ما تعاين لي ياخ وبقينا نضحك 😂😂😂قال لي لما انتي حساسه بتحضري افلام ليه قلت ليه ما احضر قال لي عشان البكى والهبل الحاصل دا قلت ليه ما عندك بي دخل😒😒
والمهم هو طول الفلم يضحك فيني وللحظه ركزته مع ضحكتو اقسم بالله بترد الروح لما انتبهت لنفسي 😨 معقول قمته علي طول مشيت المطبخ شرب مويه ورجعته قعدته حسام قال لي ي تبيان انا هااسافر بداية الأسبوع الجاي ان شاء الله ياريت تخلي بالك من أهلي وخصوصا ابوي وطبعا قبل ما اسافر هااعمل لك الإجراءات اللازمه عشان بعد تخلصي امتحانات تحصليني علي بريطانيا قلت ليه بتعرف انو من زمان كان نفسي أدرس في كامبردج 😍😍قال لي يمكن ربنا هيحقق لك حلمك حااحول اسجل ليك هناك 😊 قلت ليه ياريت
بشوفكم 😍😍
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
