لبسته احلا لبسه ماما قالت لي قاشرة كدا دا كلو عشان تمشي السوق قلت ليها اي😄😄قالت لي ما تتاخري قلت ليها حاضر قالت لي اخدتي الادويه بتاعتك قلت ليها يب يلا سلام 😊قالت لي مع السلامه وطلعته اتصلته علي فارس قلت ليه انت وين قال لي انا قريب منك طلعتي ولا لسه قلت ليه طلعته قال استنيني جاي عليك قلت ليه حاضر قال لي سلام عليك لما تكوني رايقه عسل😘😍 بس قلت ليه ولما اكون معصبه قالي بتكوني عاصفه بس ي شريرة😂😂 قلت ليه فارس يلا اقفل بلاش تتكلم وانت سايق قال لي حاضر خلي بالك من نفسك لحدي ما اجيك قلت ليه حاضر وقفل بعد ربع ساعه وصلني ركبته قدام قلت ليه سلام كيفك حبي قال لي تماااام وكان صاري وشو قلت ليه مالك قال دا شنو الزفت العاملاه في وشك دا قلت ليه دا ميك اب قال عارف امسحيه سرعه 😡😡قلت ليه ما جادي قال لا جادي والله انا بحبك من غير مكياج وأساسا انتي ما محتاجه مكياج ما شايفه عيونك دي لما بتعيني لي بيها انا بدوب عديل معقول ما عارفه اداني منديل قلت ليه ما تطلع بالمنديل دقيقه عندي وايبس اطلعوا مسحته وشي كان بعاين لي في وشي واضحك قلت ليه كدا مرتاح قال لي اي عاينته ليه كدا 😞قال لي بلاش نظرتك الحادة دي قلت ليه ولسه بتضحك قال لي شوفي وشك في المرايه عاينه لوشي لقيت الروج بقا عامل زي حق ألمهرج طلعت وايبس ومسحتو وفارس قال لي بقيتي زي المهرج😂😅 قلت ليه اسكت مني بالله تبهدلتني وتقعد تضحك اممم قال لي دي شنو حركات الشفع دي قلت ليه ما بخصك وسكته خليتو وصلنا ودخلنا علي مول الواحه قلت ليه ليه ما قلت لي انو نحن جاين هنا قال لي مفاجئة دخلنه علي مطعم فارس قال لي تاكلي شنو قلت ليه انت اختار لي طبعا هو بيعرف انا بحب شنو وطلب لي بيتزا سوبر ميشرم بعد خلصنا اكل قال لي يلا نمشي نشوف المحلات قال لي عندي صديقتي عيد ميلاده بكرة عايز اشتري ليها هديه قلت ليه نعم 😞دي منو دي كمان وليه تشتري ليها هديه اصلا وكمان جايبني انا اختار ليها قال لي اي مش انتي حبيبتي عايزاني اجيب واحدة من الشارع تساعدني عاينت ليه كدا😕دخلنا محلات بتاعت مجوهرات وانا بحب الحاجات الرفيعة وبسيطة اخترت سلسلة بسيط والعلاقة بتاعتو صغنونه
وبعدين دخلنا علي محل ملابس قلت ليه اكيد ما عايزني اختار ليها انا لبسه وانا ما بعرف مقاسه قال لي هي في طولك كدا ياخ وتقريبا نفس المقاس طبعا غاظني وكمان عارف مقاسه😢😢المهم في فستان لونو كوبي عجبني شديد وكان الديظاين فظيع قلت ليه رايك شنو فيه قال لي حلو اشتريناه قال لي باقي البرفان قلت ليه وكمان برفان لا كدا كتير حبي 😞😒قال آخر شي حبيبتي قلت ليه أمري لله يلا اخترته ليها جادور (عطري المميز)وطلعنا قلت ليه الساعه عامله 8 امي الليله بتكتلني قال لي يعني خلاص دي اخر لحظات حياتك وعمل فيها قاعد يبكي قلت ليه انننن ظريف وصلني وقف العربيه بعيد من شارع بيتنا ونزل وصلني لحدي باب البيت
قال لي مافي حضن قلت ليه فارس اتلمه قال لي خلاص اتلميت وكان شايل كيس هدايه في يده قال لي كل سنه وانتي طيبه حبيبتي واداني كيس الهدايه قلت ليه انت متزكر انا كنت ناسيه وبعدين انت عارف انا ما بحتفل بعيد ميلاد 😢😢قال من هنا ورايح هنحتفل به كل سنه قلت ليه الله لا يحرمني منك يااااخ 😍😍😍قال لي وما يحرمني منك قلت ليه يلا تصبح علي خير قال لي وانتي من أهلي😉 ودخلته الحمد لله كان معي مفتاح وعلي طول دخلته غرفتي
نرجع للحاضر
بعد فقته من الذكريات قلت لي نفسي فارس خلاص بقا من الماضي عدة سنه علي انفصلنا وحاليا هو خطب 😪
يعني لازم انساه وحتى لو استمرينا انا ما حااقدر اسعدو😭😭 استغفرته وبعد مسافه حتي نمته😴😴😴
كا العادة المنبه رن قمت وانا حاسه اني فاقده التوازن دخلته الحمام سامعه صوت امي بتنده علي ي تبيان اصبحتي كيف وجيت طالعه من الحمام والدم نازل بنخرتي وعيوني دي طشاش طشاش
ووقعت اغمى علي ماما صرخت تبيااان 😲😲سمر اختي جات جاريه في شنو قال ليها بسرعه خلينا نوديها للدكتور امشي رفعوني في عربيه سمر ودوني لمستشفي الزيتونة لانو الدكتور المتابع حالتي قال انو هناك اسعفوني بسرعه وعملوا لي اشعه مقطعيه
ورنين مغناطيسي وعلي بال ما تطلع النتايج حجزوني في المستشفي وماما وسمر كانو بيبكو بطريقه هستيريه ماما قالت لسمر انتي ارجعي البيت
عشان وائل بكون قرب يجي من المدرسه قال ليه حاضر وماما فضلت مع وانا مغمى علي والحقن كانت بتنوم
اشوفكم😍😍
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
