الحب يأتي بغتة

الجزء 29

مرحبا بنات ي رب تكونوا بخير  الرواية دي طويله حلفت ما تخلص 🙉🙉انا متحمسه للجاي شديد خلونا نعرف ايه الحصل

تبيان فضلته قاعده لحدي المسا  في الحديقة وضايعه يارب اعمل شنو اوفف لو كلمته ماما هتقلق علي
وبعد تفكير اتوصلته لقرار اني اعتمد علي نفسي واستغل دا اول واجب تجاه نفسي لازم اعملو انا عمري ما كنت ضعيفه وباخد قراراتي في كسر من الثانيه مسحته وشي وقمته عشان كنت جعانه وكدا دخلته سوبر ماركت اشتريت لي بسكويتات ومويه وكدا جاني اتصال من حسام رجعت قعدته وفضلته اعاين في الموبايل لحدي ما فصل تاني جاتني مكالمه قمت رديت اول ما فتحت الخط قال لي تبيان انتي وين في حد بيطلع بالطريقه دي من البيت بصوت عالي قال لي انتي وين عشان اجي اسوقك قلت ليه اولا اهدا ثانيا انا عارفه البيت وجايه وقفلته الخط اخدت نفس عميق قلت لنفسي لازم اكون قويه
رجعت البيت فتحت لي نورة قالت لي تبو وينك من الصباح ي بت قلت ليها طلعته اتمشى قالت لي قلقتيني عليك قلت ليها ما تخافي انا كويسه دخلته غرفتي اول ما دخلته
لقيت حسام رايح  وجاي في في الغرفه قال لي حمد لله علي السلامه قلت ليه الله يسلمك قال لي مشيتي وين قلت ليه بكل برود ممكن ادخل الحمام لو سمحت😊عاين لي مسافه قال لي شور اخدت مع غيار ودخلته ادوشته واتوضيت طلعته لقيت حسام واقف جمب الباب قلت ليه في شنو ما تقول لي عايز تدخل الحمام وما قادر تستنى قال لي تبيان لو سمحتي ما تستفذيني قلت ليه انا  متوضيه ثواني بس اصلي ونكمل اوكي 😊مشيت صليت كل الأوقات الفاتتني حسام كان قاعد في طرف السرير حسيتو هايهجم علي ويضربني من شدة ما مغيوظ قلت ليه بص يا حسام انا انسانه كبيرة وواعيه كل الموضوع اني طلعت شويه لاني زهجته من القعده كلكم بتتطلعو وانا بفضل لوحدي قال لي طيب ي كبيرة ووعايه مش كان المفروض
تتصلي علي اي واحد مننا تكلميه وين مشيتي عشان ما نقلق قلت ليه صراحه ما حسيت اني لازم اقول لأي حد لانو ما بظن انو في حد مهتم اصلا وين انا فضل يعاين لي قال لي انا عارف انك زعلانه مني بس اكيد كلنا بيهمنا نطمن عليك قلت ليه علي العموم انا فكرته في الكلام الانت قلت لي ولقيت انو معاك حق الزواج ده ما كان حقيقي ولا هيكون😔 انا ما زعلانه منك حاليا تعبانه وعايزة انوم لو ممكن قال لي سؤال بتمنى تجاوبيني عليه بصراحه انتي ليه وافقتي علي زواج بالطريقه دي دا شي انا مستغربه ما كنت عايزاه يتعاطف معي ويشفق علي قلت ليه كانت غلطه وغباء بعيد عنك حسيت اني هاابكي قلت لنفسي ايه الرماك علي المر اكيد الأمر منو رحت نمت في السوفه حسام قال لي تعالي نومي في السرير قلت ليه انا هنا مرتاحه قال لي انا بنوم علي السوفه قلت ليه بليس خليني انوم مع انو عندي ارق بس انا لما بكون زعلانه بعديه نوم نمت علي طول
حسام جاب كفر غطاني بيه بقا يعاين في وشي اتفاجئ لما شاف دموعي نازله حسه انو ذوده معي قال بصوت واطي انا اسف انتي انسان شفافه ونقيه برائتك دي هي البتخليني محتار معاك لو بيرجع لي الخيار كنت حبيتك بتمنى ما تنكسري لانو الزيك لو انكسر صعب يرجع علي طبيعته بأسني علي جبيني قمت اتقلبته حسه اني ما مرتاحه في نومتي قام شالني ونومني في السرير كنت حاسه انو انا بحلم فاتمسكت بيه وخبيت وشي في صدرو اتفاجئ بتصرفي دا قال والله حاسي عندي طفله وكمان عنيده نام صحى الصباح بدري عشان الشغل وكدا كان وشي مغطى بخصلات من شعري رجعو لي لوره وفضل يتأمل في ملامحي لا اراديا قال سبحان الله الخلقك ملاك  لما انتبه لنفسو قام بسرعه وهو بعاين في المرايه قال دا شنو الأنا عملتو دا 😥😣
لبس بسرعه وطلع علي الشغل لما صحيت استغربته انا كيف وصلته للسرير
عدو اسبوعين نزلته فيها السنه التحضيرية فكرته انزل شغل دوام جزئي بما اني بخلص بدري وبالفعل بديت ادور علي شغل عملته بحث عن وظيفه تعليم لغه عربيه لانو بحب اللغه العربيه وكنت علي طول بجيب فيها درجه عاليه وانا ببحث لقيت تدريس بمدرسة بس كانت بعيده مني شديد آخر شي لقيت شغل في مكتبه ارتب كتب وكدا قلت كويس قدمته للوظيفه واستنيت يرد علي في صباح اليوم التاني قمته بدري طبعا بقيت طالبه وكدا😄😄دخلته الحمام ولبسته وبقيت جاهزة طلعته الصاله لقيت نورة متانقه وآخر ميكب طبعا هي ما محجبه وكان معاها حسام آخر ونسه وضحك قالت لي تبو تعالي اشربي الشاي قلت ليها ماشي كبي  لي بما انو لينا زمن ما قعدنا القعده دي حسام قال لي طالعه مزه ايه الاناقه دي قل ليه دقيقه دقيقه انا كل يوم مزه 😎😎بس شكلها عنيك اليوم نظره اتحسن شكلك اكلته جزر ولا حاجه 😂😂😂قال لي الزول ما يجاملك 😂😂قلت ليه عارفه نفسي اصلا
حسيت نورة بتعاين لي بطريقه مريبه حسام قال لي يلا اوصلك معي قلت ليه محسسني أنا بت روضه قال في البلد دي انتي زي بت الروضه لأنك جديده قلت ليه مشيت كذا مرة
طلعنا كلنا مع بعض علي طول نورة مشت ركبت قدام انا ركبه ورا استغربته تصرفاته ليها فتره ما طبيعيه قلت لنفسي عادي ما فيها شي وصلته علي الجامعه حضرته المحاضرة الأولي بعدها طلعت طبعا انا لسه في مرحلة الصدمه الحضارية 😂😂😂ما بحب اتعامل مع أي حد في طلاب عرب كميه طبعا قعدته في كنبه في ساحه الجامعه طبعا بتجنن فتحت موبايلي لقيت ردو علي بخصوص الوظيفه قالو لي انو تم قبولي 😄😄فرحت شديد ياخ والله احساس انك مستغل وتعتمد علي نفسك مرة رهيب طلبو مني اجي الساعه 1 وكان عندي محاضرة تانيه قلت لا لا ما بفوت الوظيفه دي خاصًتا انها بتتناسب مع زمني وكدا علي طول طلعته
مشيت عملته الانتر فيو صاحب المكتبه راجل كبير وكده  سألني إذا جاهزة للشغل قلت ليه ايوااا علي طول بديت كان في شاب شغال في الدوام التاني طبعا كان المفروض يعلمني اعمل شنو في الاول كان التواصل صعب بيناتنا بما اني انكليزتي كعبه😆😆قام بقا يكتب لي علي تطبيق للترجمة ياخ حبيت الفكرة رجعت البيت وانا مبسوطه 24 قيراط
لقيت الكل بالبيت سلمته عليهم وعلي طول دخلته غرفتي غيرته ملابسي وصليت حسام جا داخل قال لي كيف كان يومك قلت ليه كان حلو قال لي اتاخرتي الليله مالك قلت ليه لاني نزلته شغل قال لي شغل شغل شنو كمان
طيب والجامعة قلت ليه انا محتاجه اعتمد علي نفسي لو سمحت ما عايزة نقاش في الموضوع قال لي اوكي اعمل الشي الانتي عايزاه قلت ليه تسلم 😊ما قلت لي مبروك
قال لي مبروك اشتغلتي وين قلت ليه في مكتبه في المكان الكذا قال لي كويس ومسافته بين البيت والجامعة كويس قال لي عندي لك خبر قلت ليه اها احكي قالت لي الشركه قررت تديني شقه قلت ليه واو حلو😍😍😍قال لي قريب لكن ما هتكون مفروشه قلت ليه ما مشكله حبيبي نحن بنفرشه 😱😱🙊انصدمته اني طلعت الكلمه دي حسام قال لي قلتي شنو قلت ليه ولا شي ومشيت من قدامو قعدته في السوفه جا قعد جمبي قال لي انتي بتحبيني قلت ليه لا طبعا بس ما كنت قادره اعاين ليه في عيونو لاني متأكده اني هااتكهرب وأفضل ساكته بدأ يقرب مني قلت ليه ي حسام لو سمحت وهو بقرب مني قال لي خلينا نبدأ صفحه جديده في الاخر انتي مرتي بعدته منو وضربته كف
حسيتو هينفجر بس ما كنت خايفه بالمرة عينو بقت زي الشرار وقفته علي حيلي  قلت ليه عايزه أوضح لك حاجه مهمه انا عمري ما هااقبل اكون الخيار الذي لا بأس به فاهمني يعني طول ما انت بتحب واحده تانيه انسى أني أكون معاك انا ما جاريه عند سعادتك بس مجرد جسم تشبع فيه رغباتك وغرايزك صاح انا بحبك بس دا ما بيعني اني هااتنازل عن كرامتي قدامك لاني شايفه انو انا بستاهل احسن من كدا علي طول طلع خلاني اوف قعدته ياداب حسيت بدموعي نزلت

(في لحظات بتكون فاصله لو انتي ضعفتي واستسلمتي بتكوني خسرتي كتير دي قناعاتي الشخصيه )

بشوفكم 😍