سلام عليكم بنات بعتزر والله عن الانقطاع الطويل ده بس غصب عني والله رجائا دعواتكم قبل يومين كتبته الجزء واتخذف والله 😢 سامحوني انا عارفه لما تتعلق برواية وما تكملها شي متعب نفسيا بس اعفو لي يلا خلونا نبدأ 😄😄
ومشت وقفت جمبهم وبقت تتمايع مع الولد هاي بيبي اي مس يو انجليزي معرب 🤗🤗 😂 الولد في الاول انصدم لكن طوالي خشى في الجو قال ليها اهلين حبيبتي وانت كمان وحشتيني آنا وقفت كويس وبقت تعاين ليه كدا😫😫 وقام عايز يحضنه رجعت لورا قالت ليه لحظه علي طول بقا يضحك والبت المعاه كمان لانو غمز ليها ضياء قام مشى عليهم وهو بيضحك معدا انا ما فاهمه شي البت قالت لآنا نحن اصدقاء آنا قالت اوبس حبيت امزح معاكم شويه 😂😂 اتعرفو علي بعض وإندوني اتعرفته عليهم بعد طلعنا حكو لي الحصل قلت ليهم تصدقو انكم جزم 😞😞 غلطانه انا الماشه معاكم قالو لي سوري بس جات كدا قلت ليهم اصبرو لخالتو اماني بقو يضحكو😂😂😂 ضياء قال ليها وقعتنا سودا مع الماما بعدها رجعنا البيت
♡♡♡♡♡♡♡♡♡♡♡♡♡♡♡♡♡
رجعنا علي البيت لقينا خالتو اماني قاعده في الحديقه مع واحدة جارتم بريطانيه بتونسو مسينا عليهم وانا طلعته الغرفه طوالي عشان اغير واصلي بعد خلصته قعدته في السرير وشلته تلفوني لقيت مكالمات لم يرد عليها من حسام الليله وب الراجل يقول علي شنو😓 اتصلته عليه رد علي قال لي الو تبيان اخبارك اللقا اصحابو نسى احبابو ولا شنو قلت ليه ياها زاته😆😆قال لي لكن الناس بعملو العكس قلت ليه انا بحب العكس قال لي واضح 😂قلت ليه شنو🙄 قال لي لا ولا شي بالمناسبه انا شفتكم اليوم وانتو طالعين من المول لكن ما لحقتكم قلت ليه ليه ما اتصلته اكتشفته اني نسيت الموبايل بتاعي في البيت قال لي بكرة ان شاءالله جهزي نفسك هااجي اسوقك قلت ليه تمااام اساسا ما عندي شي جاهزة 😄 قال لي ي يوم بكرة ما تسرع قلت ليه انت مستعجل علي شنو🤓قال لي عارفه انك واحدة هبله اكيد لاني مشتاق ليك الأيام العدو من غيرك بالنسبه لي زي السنه لكن واضح انها ما فارقه معاك وانا كنت مبسوطه الكلام دا والابتسامه حدها الاضان 😆 آنا جات داخله وشافت الابتسامه العريضة ديك قالت لحظه لحظه مبسوطه كدا بتتكلمي مع حسام 😃😃 ما عرفته أسكته ولا اقفل الخط (الله لا جاب باقيكي فضحتني 😂😂😂)دخلت الحمام حسام قال لي مبسوطه وما عايزة تبيني ولا قلت ليه لا ابدا قال لي لا شنو يعني ما مبسوطه قلت ليه انا نعسانه وعايزة انوم يلا باي قال لي كويس نومي بكرة نكمل لما اشوفك وقفلنا علي كدا لكن بقيت سرحانه حسيت بمشاعر جميله اوف لما يكون في حد بيفقدك ويشتاق لك احساس بيحتويك بتحس كأنك بأمان وبتكون مطمن صعب اقدر اوصفه ليكم إلا لم تعيشوه ساعتها بس هتقدرو تعرفو قدر شنو الاحساس دا حلو
آنا طلعت من الحمام وانتشلتني من الأحاسيس والأفكار بفرطقة أصابعه قدام وشي انتي مين المسلطك علي قال لي الحلو سرحان في شنو قلت ليها في سيد ريدي قال لي يعني شنو قلت ليها 😫 يعني زوجي طيب قالت لي اوه حسام الشاغل بالك الحصل شنو قلت ليها شكلو بقا يحبني 🤓وياريتني لو ما قلته عاصفة اتسونامي بتعرفوها بس دي آنا في اللحظه ديك قالت لي واو حضنتني قلت ليه اهدي ي شيخه كتلتيني قالت لي مبروك عليك قلت ليها لسه مافي شي مؤكد قالت لي المشاعر زي عبير الورد صعب تتخبا وانتي لو ما حسيتي انو بحبك ما كنتي هتقولي كدا
قالت لي انا مبسوطه احسن عشان البت الاسمها نورة دي تعرف حدوده السخيفه الغبيه
قلت ليها اهدي ي بت 😂😂😂 ما خليتي ليها جمبه انتي اتعلمتي الردحي دا من وين قال لي الشنو قلت ليها لا سلامتك حبيبتي وطلعته خليته 😂😂😂 نزلته تحت لقيت خالتو اماني في غرفته خبطه الباب قالت لي ادخل دخلته لقيته بتقرا في القرأن قلت ليها خلاص بمشي واجي لما تخلصي قالت لي تعالي حبيبتي قلت ليها ربنا يقبل صالح الأعمال قال لي اميين وجمعا تعالي اقعدي جمبي قعدته جمبها قلت ليها لانو انا بكرة هااصحه الصباح بدي امشي الجامعه قلت اتصل علي امي عشان تتعرفو علي بعض 😊😊قالت لي كويس اتصلي عليها اتصلته عليها مكالمه فيديو فتحت قلت ليها هيلو 😄😄قالت لي تبو كيفك اخبارك شنو والله مشتاقين يا بتي قلت ليها تمااام الحمدلله ي امي اخبارك شنو قالت لي بخير والله بس فاقدنك قلت ليها ما تفقدي عزيز وكيف الشباب ديل سمر ووائل قال لي كويسين والله لكن وائل دا بقا طوالي مع اولاد خالتو قال البيت بقا ما بتقعد ليه بعد ما انتي سافرتي طبعا طوالي دموعي جرت 😢😢ما بعرف ليه ما بتحس بقيمة بالشي إلا لما تخسر قالت لي ي بت ما تبكي بكرة تتلاقو وتقعدو في المشاكل والهبل كانت بتحاول تواسيني قلت ليها أن شاء الله انا حاليا مع خالتو اماني الكنت حكيت ليك عنها عايزة تتعرف عليك قالت لي ي سلام اديني ليها أديت التلفون لخالتو اماني سلمت علي امي قالت ليها كيفك والله كنت بتمنى اتعرف عليك والله تبيان طوالي بتحكي لي عنك قالت ليها وانا كمان والله عليك الله ما اوصيكي علي تبيان ما عندها غيرك في الغربه دي خالتو اماني قالت ليها ابشري والله تبيان دي انا بعتبرها زي بتي ما تخافي عليها قالت ليها ما بتقصري والله
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
