بعدها دخلنا علي المطبخ قضينا علي الأكل 😋😋وعملت لينا قهوه ودخلنا غرفتي قلت ليهم خلوني استفيد من قعدتكم تشرحو لي كل الفاتتني وبدينا نزاكر وفجأه وبدون مقدمات لدن قالت لي انتي قبيل كنتي بتبكي ليه بقيت عاملة كدا😨😨قلت ليها هسي انتي الزكرك شنو قالت لي اساسا ما نسيت بس كنت متناسيه لحدي تهدي شويه 😉😙قلت ليها قصه طويله قالت لي نسمعها وين المشكله نون عندك مشكله قالت ليها ابدا نهائي قلت ليهن عارفاكم تلحات لو ما حكيت ليكم ما بترتاحو في الحقيقه مناسك قالو لي مالا قلت ليهم من الاخر كدا بتحب فارس بقو عاملين كدا🙄😲 قلت ليهم اي فارس ما غيرو واتخطبو لي بعض وشكلو كدا حصلت مشكله بسببي بيناتم😥😥وهي كانت مضايقه ولأول مرة احس انو مناسك بتكرهني😢😢بسبب فارس قالو لي معقولة ومناسك ما كلمتنا ليه لدن قالت لي ولا تزعلي حبيبتي نفسك خليها تشبع بيه ان شاءالله يضوي ليها
نون قالت لي انا كنت عارفه اني هي بتحبوا لأنها حكت لي عن واحد اسمو فارس ولاني ما بعرف فارس افتكرتو واحد تاني ما اتخيلته يكون حبيب تبيان القديم بس شكلها بتموت فيه قلت لي نون لأنك ما درستي معانا الثانوي فارس كان بيتم قريب من المدرسه وهي السبب الخلاني اتعرف على فارس انا المزعلني انها ما حكت لي من الاول انا ما كنت متخيله اني اازي صحبتي بالطريقه دي
لدن قالت لي انتي لسه بتحبي فارس قلت ليها لا طبعا انا خلاص شلت فارس من بالي
يلا خلونا نزاكر ما مادة الاستاذ الفقر دا لانو قال اتخيلو في اي لحظه اجي اديكم تيست
جاتنا سمر سلمت علي البنات قالت ليهن اخباركم ليكم وحشه لدن ليكي زمن ما جيتي عندنا نورتي لدن قالت ليها نورك حبيبتي جابت لينا عصير قلت ليها الدلع دا الا لناس لدن 😅قالت لي البسمعك يقول مانعنك الأكل والشراب قعدو يضحكو 😂😂قلت ليها بت لسانه اطول منها وبقينا نزاكر لحدي الساعه 12 نون قالت لينا انا والله عيوني بقو ما شايفين من النعاس
😪😪قلت ليهم خلاص يلا نتعشى ونجيب ننوم طلعنا برا لقينا امي وسمر قاعدين
قلت ليها ماما العشا شنو قالت لي انتي أجهزي وتعالي قلت ليها انا جاهزة والله 😂
المهم جهزوا العشا ماما قالت لي امشي نادي وائل مشيت لغرفتو وكان الديوان فاتح دخلته
حسيت بيه اتكركب وريحه السجاير ماليه الغرفه قلت ليه تعال العشا قال لي امشي انا جاي قلت ليه تمااام وقعدنا نتعشى لدن طبعا تحب كسير الثلج قالت لأمي يا خالتو نهى تسلم يدك نفسك خطير في الأكل 😉ماما قالت ليها تسلمي حبيبتي جا وائل ي سلام وانا اقول البيت منور كدا ليه اتاري لدن عندنا كيف ي مزه وعاين لنون وكمان انتي مزة ما تزعلي نورتونا😂😆قلت ليه وائل بطل كسير تلج وبعدين هم أكبر منك لدن قالت لي ومالو
اساسا انا خطبتو من خالتو زمان قلت ليها الله يهني سعيد بسعيدة😂😂 ماما قالت لي بكرة الجمعه خالاتك واولادهم جايننا قلت ليها يعني بكرة يوم طويل 😩بعد خلصنا لمينا الصحون وغسلناهم ودخلنا الغرف عشان ننوم
انا نمت مع سمر ولدن ونون نامو في غرفتي
وكالعادة ي ساده النوم حلف ما يجي فضلته بقرا في الرسايل حقتنا انا وفارس كل رساله منو كانت بتعبر عن مدى حبو أحيانا ابكي وشويه اضحك لحدي ما شالتني نومه نمته كل ناس البيت قامو إلا أنا ولأنهم عارفني لو صحوني بملاهم نقه 😅😅والله انا ما نقناقه بس حد طول الليل ما نام ويصحو بدري كمان فخلوني لما اصحى لوحدي المهم صحيت الساعه 9 لقيتم نضفوا البيت وماما في المطبخ بتعمل في الفطور صبحت علي الكل ودخلته ساعدته امي في المطبخ لانو دا عشقي خلصنا الفطور قلت ليهم اعمل ليكم قهوة ماما قالت لي خليها شويه لما خالاتك يوصلو قلت ليها تمااام وبقينا نتونس وسمر دخلت تعمل الغدا
بعد الظهر كدا خالاتي وصلو هااعرفكم عليهم
الكبيرة اسمها عائشه وعندها بتين وولدين الاولاد حازم ودا درس ادارة اعمال ومنذر دا ممتحن مع وائل والبنات نهي دي خريجه صيدله واعتماد وعتماد دي ممتحنه تامن طبعا نهى دي مسمنها علي امي😄 وخالتي الأصغر من امي اسمها مشاعر ودي عندي مناهل ومجتبى وعلي وفي واحد اتوفى واولادها كلهم في الأساس
بشوفكم😍😍
أنت تقرأ
الحب يأتي بغتة
Romanceالحب وما ادراك ما الحب ذلك الشعور الذي يجتاح دواخلنا ويتسرب كعبير الزهر دون أذنا منا لا يمكن الجزم والمراهنة عليه إذا أحببت شخصا فقط ابتسم وافتح له صدرك 😄😊وعش حبك بكل تفاصيله مأخوذة من قصه حقيقيه انا مبتدئه اتمنى تنال اعجابكم 😍🤗
