الحب يأتي بغتة

الجزء 27

قفلته من حسام علي طول رنيت علي هبه
ردت علي الو قلت ينفع كدا ي هبوش قالت لي في شنو خير 😰قلت  ليها بابا يكون مريض وتعبان وانا اخر من يعلم قالت لي والله ي تبو تعب فجئه وضغطو ارتفع وكدا وديناه المستشفى وهسي رجعناه البيت قلت ليها سلامتو وهسي هو كيف خلاص تمااام انا جايه قالت لي لا ما تجي بالليل ده كنت قفلته الخط مشيت كلمته امي قالت لي انا ماشه معاك قلت ليها لا ي امي خليك قالت لي ابدا والله الا امشي معاك دا الواجب ي بتي قلت ليها تمااام البسي مسافة انا البس سمر كمان قالت جايه قلت ليها لا خليكي لأنك تعبانه قالت لي خلاص استني اشوف احمد وين عشان يوديكم قلت ليها لا خليه نحن بناجر أمجاد وسقنا معانا وائل ومشينا وصلنا رنينا الجرس فتحت لينا هبه حضنتني وباستني قالت لي البيت من غيرك فضى علي ودخلته سلمنا علي خالتو  لقيت بابا عبد الله نايم بستو في راسو سألت خالتو هاله كيفك قالت لي الحمد لله والله كويسه لكن فقدناك قلت ليها ما تفقدي عزيز سألتني من الامتحانات وكدا قلت ليها دعواتك بس غايتو 😂 قالت لي وائل أن شاء الله شادي حيلك قال ليها ماشي الحال لكن حاسي انو برج من دماغي هيطير فأنا المحتاج للدعاء ما تبيان😂😂قالت ليه أن شاء الله ربنا يوفقكم هبه جابت لينا عصير قلت ليها الدلع دا لو اتعودته عليه وقعتي قالت لي هو انا لاقياكي تدلعي ادلعي ساي😄😄 قالت لي انتي مسافر متين قلت ليها والله علي حسب كلام حسام ما هااسافر هاافضل هنا قالت لي حسام قال كدا قلت ليها ايواا

خالتو هاله طوالي قالت لي حسام ما كلمني
ما قال ليك السبب شنو قلت ليها مافي سبب
هو شايف انو احسن اكون هنا وأسد مكانو وكدا قالت لكن الكلام دا ما بجي قلت ليها كدا احسن عشان اكمل جامعتي وكدا ماما قالت لي ما كلمتيني قلت ليها اتلهيت بمرض بابا عبدالله وكدا وسكتت علي كدا بس ما كانت مرتاحه للفكرة ماما ووائل قالو راجعين
لانو الزمن اتاخر ورجعو البيت وانا فضلته مع نسابتي عدت اسبوعين وبابا عبدالله بقا كويس
كنت بهتم بيه شديد جد لقيت فيه الأب الاتحرمت منو 😢وهو  بحبني زي بتو
ياخ انا مبسوطه ربنا أكرمني بعيله حلوة وطيبه قام سألني قال لي تبو السفر متين عشان احجز لك خالتو هاله طوالي ردت عليه حسام ما كلمك قال احسن تقعد هنا
اضايق شديد قال ليها جيبي لي تلفوني أخدو ومشى الصالون
اتصل علي حسام رد عليه ابوي كيف أن شاء الله بخير قالت ليه انا كويس الحمد لله ما عندي عوجه انا اتصلته عشان أسألك حسام قال ليه اتفضل ي ابوي قال ليه انا عرسته لك البت دي وهي بقت مسؤليك 😡 كيف يعني عايز تخليها هنا وانت تعيش هناك لو شهر ولا شهرين ما مشكله لكن تغيب بالسنين ما بتخلي بت الناس معلقه حسام قال ليه ي ابوي أهدى شويه انا قلت تقعد معاكم وتكون جمبكم عشان اكون مطمن عليكم قال ليه نحن
ما صغار الاهل معانا لو دايرني أرضى عليك تتعمل للبت دي اجراءاته وتسوقه قال ليه خلاص ي ابوي الانت شايفه وعلي كدا خلصت المكالمة حسام اخد نفس عميق وقال وبعدين
نده لي بابا عبدالله مشيت ليه قال لي جهزي حاجاتك عشان هتسافري قلت ليه شنو😰😱
قال لي انا اتكلمته مع حسام وهيعمل لك إجراءات السفر قريب ان شاء الله قلت ليه انا عايزة أفضل معاكم هنا قال لي ي بتي المرة مكانه مع راجله ما قدرته اقول اي كلمه 😫
بديت اجهز للسفر وطبعا ماما هاله حبستني من اول وجديد شي دخان وحنه وبهدله تقيلا
جا يوم السفر وطلعنا علي المطار كل العيله جات توصلني😂😂اهلي في عربيه احمد انا وهبه طلعنا مع محمد صاحب حسام وعم عبدالله وماما هاله في عربيه طبعا محمد حد ظريف جدا وانا كنت راكبه قدام معه قال لي
والله ي بنت المحظوظه مسافر لوندن بقوله بطريقه غريبه ومضحكه😂😂😂😂 قال لي بس بالله طلب شوفي لاخوك خواجيه معاك قلت ليه بس كدا قال لي بس كدا الباقي هي بتجيبه 😂😂قلت ليه لقيتك مصلحجي قال لي لازم زمن دا زمن عايز كدا عاين لهبه بالمرايه وهي طبعا كانت سرحانه ولا ما كدا ي هبوش قالت لي هاا اي قال ليها هو الشنو الاي 😂😂😂 ي بت الكترابه سرحانه وين قالت ليه لا ابدا بس ما كنت مركزه بعاين برا
وبعدها سكتنا ومحمد طول الطريق مركز مع هبه بالمرايه وصلنا وكان الزمن بتاع الرحله قرب ودعتهم وطلعته علي طول صالة المغادرة حسام كان متابع معي عشان يعرف هااصل متين  لما وصلته وخلصت كل الإجراءات
طلعت برا المطار علي امل اني اشوف حسام بس ما لمحتو خالص فجأة في واحد جاي ماشي علي كل ما يقرب بتأكد انو جايني سلم علي قال لي تبيان كنت مستغربه دا منو وعرف اسمي من وين😳😳قال لي شكلك مستغربه انا خالد صاحب حسام نظرا لظروف شغلو ما قدر يجي يسوقك قلت ليه اوكي سألني كيف كانت الرحله وكدا رفع لي شنطتي في العربيه بتاعتو ولما وصلنا لبيتم كان عباره عن شقه مفروشة حلو طبعا دي اول شي بعلق عليها بيني وبين نفسي بالنسبه لي الديكور بتاع البيت أهم شي قال لي اتفضلي مالك مترددة قلت ليه لا ابدا دخل لي شنطي في غرفه قال لي اخدي راحتك لو عايزة تبدلي ملابسك وتنامي وكدا وطلع خلاني اخ رقت علي طول في السرير كنت مرهقه بشكل مش طبيعي قلت شويه وادخل الحمام اخد دوش وكدا رحت في نومه عميقه
صحيت بصوت حد بقفل الباب وكانت الغرفه مظلمه شديد لانو انا ما بعرف انوم لو في نور  😢😢 دورته علي شنطتي عشان اخد الموبايل لكن ما لقيتها قلت مين في الباب فجئه حد فتح النور لقيته بت اتفاجئه قالت لي انا نورة وجات سلمت علي  معليش ازعجتك بس كنت جايه اصحيك عشان تاكلي حاجه خالد قال لي ما اكلتي شي انا اخت خالد بالمناسبه 😆ما عرفتك قلت ليها ايواا اهلين اخ ياداب ارتحت
كانت بنوته شكلها كيوت كدا عاملة شعرها كيرلي مايلة للقصر يعني ما طويله ولا قصيرة شديد لونه قمحي قلت ليها ثواني ادخل الحمام واجي طالعه قالت لي اوكي خدي راحتك دخلته ادوشته واتوضيت صليت  ولبسته عبايه علي وطلعته لقيتها مجهزة الأكل طالباه من برا قالت لي تعالي اتفضلي قعدت قالت لي طبعا الرحله طويله ومتعبه قلت ليها فعلا والله ياخ انوم واصحى انوم واصحى تقريبا نايمه حق اسبوع لقدام لولا التعب ما كنت نمت قالت لي انا طبعا لم جيت انسي عذبته خالد دا عذاب 😂😂😂 الله لا يعيده ايام قلت ليها وين خالد ليه ما جا اكل معانا قالت لي قال هيستنى حسام قلت ليها عادتا هو بتاخر كدا قالت لي ايواا بس احيانا بجي بدري
خلصنا اكل ونورة لمت السفرة جرس الباب رن نورة مشت فتحت لقتو دا حسام  داخل
حسيت انو في حنين لشخصو سلم علي عادي
شكلو كان تعبان قلت يمكن عشان كدا طوالي دخل نفس الغرفه الفيها شنطتي دخل اخد ليه دوش وجا طالع لبس ملابسو وجا طالع
سألني إذا كنت كويسه وكيف كانت الرحله قلت ليه تمااام وطبعا سألني عن اهلو وكيف صحة أبوه وكدا نورة حضرت ليهم الأكل بعد خلصو استأذن قال انو تعبان وداخل ينوم طوالي الكل حسى انو في برود قاتل بيناتنا
قلت احسن شي ادخل اشوفو دخلته الغرفه لقيتو راقد وماسك موبايلو قلت ليه حسام ممكن تديني موبايلك اتصل علي ناس البيت عشان اطمنهم قال لي انو طمنهم اني وصلته وكدا وأهلي برضو قال لي ايواا قلت ليه كدا كويس قعدته في السرير  الطرف الثاني قلت ليه كيف مع الشغل والبلدي دي شكلها ما نفعت معاك بقيت أنحف ولونك مخطوف قال لي لانو جريها كتير وكدا لو ما صحبي دا هنا لقى لي وظيفه كنت اتبهدلته والكويس اني اجتزت امتحان الالتس لانو كان تعبان علي طول نام قلت لنفسي اوف انا ما جايني نوم احسن شي اطلع اقعد برا طلعته الصاله لقيت مافي حد الكل دخل ينوم فتحت التيفي وفضلته اقلب في القنوات اوف كلها انجليزيه
في الاخر  طفيتو ورقته في الكنبه ونمته😴😴

بشوفكم 😍