صارت الساعه ٦كلت خلي اكوم احضر الريوك مدام اني كاعده وتالي ابدل سويت جاي وگليت بيض وطماطه وحضرته على الميز تريكت وكمت سبحت وبدلت وطلعت
عبد العزيز /صباح الخير
جميله /اهلا وتعديت ماكملت ماعندي اي علاقه بيت اقاربنا غير بس بالمناسبات
منتظر واكف بعيد
اجه الباص وصعدت وصلت للكليه
نزلت شفت هوسه يم الباب
تقربت وسالت احد الطلاب شنو السالفه شنو هاي الهوسه كال مطلعينه بره ويحاسبون على الزي
فكرت كلت اهاا خلي نشوف منو مسؤل على هاي الهوسه اجت خلود واجت هفيفه وجها مورد واجت بتول
كليت اي اجت بتول
جميله /بتول شنو معلوماتج على هاي الهوسه افيدينا
بتول /شعرفني البارحه جان يمي خطيبي وماكلي اكو هجي شي
انا كلت خلي اسألها عن حكمت
كتلها يمكن هذا الاستاذ الي فات علينه البارحه
بتول /حكمت بس هو مامسؤل عن الزي مااعرف شجابه
خلود /كضتني من ايدي وهمست بذاني ها شنو كلنه
جميله /مو وكتها هسه
ابتعدنه عن الهوسه وكعدنه بالحديقه وجبنالنه جاي مهيال
بتول /اترخص خلي اروح ويه خطيبي بس اريدكم بعدين بموضوع
خلود /تدللين
جميله /ها عفيفه احجيلنه شخبارج وين ما وين وجهج اليوم منور
خلود /صدك البارحه وين جنتي
عفيفه بخجل /البارحه اجو ناس يشوفوني
خلود وجميله /يالله
خلود /بالكت الله انت وتنفك عقدتنه ونعرس شنو جنه راح نصير عوانس
جميله /وشنو لبستي واظافرج ليش مامصبغتهن ماغير يشوفوج حلوه شبيج انت
عفيفه /مو بس النسوان اجو
خلود /اي هو ليش منو يباوع غير النسوان ماغير هن ينقلن لرجال
عفيفه /لا مو هو شايفتي
انا لزمت روحي ورادت تفر الدمعه كلت بس لا هذا حكمت وانا متعلقه بي بس تمالكت نفسي
كملت عفيفه /طالب ويانه مرحله الاخيره
انا ارتاحيت وابتسمت ابتسامه بينن بيها سنوني
جميله /فراس مو
خلود /الله اكبر راح اسميج مسؤلت العلاقات شنو انت
عفيفه /اي هو
جميله /دريت من يوم شفت الملازم مكتوب عليهن فراس وضليت منتبهتله شفت اكو نظرات
خلود /عفيفه عبالي جنتي دنكين تقرين اثاري تباوعين من جوه لي جوه
عفيفه /لا والله اقره
جميله /اي منين مامنين شنو عشيرته شيشتغل
عفيفه /من اهل —- خوش ناس وحالته زينه عنده شغله الخاص وعنده مشتمل
خلود وجميله /الله يوفقج يارب يالله خلي نتحظر لخطوبتج عودك هم كولي كعده عائليه وماتعزمينه
عفيفه /لا والله اصلا اريدكم وياي عمد الحلاقه تدرون لبست الهدوم الي اشتريتها وياكم
جميله /عفيه عليج
خفت الهوسه من الباب وتقربت شفت حكمت واكف يم لجنه التفتيش بس مايفتش ولايشرف احد تعديت من يم الباب وكالو تعدي بس حكمت/ كلي اوكفي خلي اشوف اظافرج
جميله /وليش وجنت لازمه اوراقي والجنطه يعني جان بسهوله يشوفهن وجنت لابسه محبسين بدل المحبس
كلي مديهن مديتهن وجنت مخليه عليهن منكير احمر وايدي طالعه متميزه
حكمت /ليش ماكصيتيهن
جميله /صافنه على قميصه شلون لون احبه وردي فاتح وعليه ربطه ولابس قاط نيلي اويلي شلون لون
نعم استاذ ان شاء الله الاسبوع الجاي
حكمت /يعني هم مو باجر
جميله /هههه لااستاذ ماووعدك
حكمت وبعصبيه فوتي وحاولي تكصيهن
ياربي هذا شبي شجاه منين جاي
تعدت خلود وتعدت عفيفه ماوكفهم وفتش اضافيرهم
بتول /ها شووكفكم حكمت
خلود/بس وكف جميله
بتول/هو اصلا ماله علاقه ليش مدخل روحه
ابتسمت وكلت هالكد معجب باضافري بس يمكن ذااحلم احلام اليقظه اووي خلي انتبه لدروسي مامنه فايده
