وره ماخلصت محاضره التشريح فكرت اروح اتقرب من يم بتول وبديت وياها صداقه
حتى اسأل على حكمت شغل بالي وتفكيري خلاص بعد مااكدر انساه صارلي سنه افكر
بتول /شلونج جميله
جميله /هله والله شخبارج شلونها الدراسه وياج
بتول /الحمد لله بخير
خلود /هلو بتول (بس من كوه )
استغربت خلود ليش وحت لبتول
حجينه على اخبار الكليه وجانت بتول انسانه مرحه ماجنه نتخيلها هجي وكالت ياريت تبقون صديقاتي
جميله /اهلا بيج ويانه
خلود /عن جد انت انسانه طيبه
وصارت علاقه خلود وبتول زينه كلش
بس انا جانت علاقتي بيها لمصلحه
رجعت للبيت ونزعت ملابس وحطيت ملابس الكليه بالغساله كالعاده وتعقيم وسبحت وصارت ريحتي عبارع عن ديتول ومنظفات
امي /اصبلج غده
جميله /لا انا اصب تغديتي لوبعدج
امي /لا صبيلي وياج
ايه /خلي انا اصبلكم
جميله /هله والله اختي الحبابه
تغدينه وجانت مرك رطرشانه شلون طيبه واحبها
امي /جميله يمته تزوجين
جميله /من تزوج اختي الجبيره لازم بالسره هههه
ايه /الله وايدج تذا عندج واحد من باجر
امي /يااا والله ماتستحن
جميله /اطربيني وغردي منو هذا الفارس ذو الحصان الابيض
امي/لابس سؤال يعني اذا تقدملج واحد تقبلين
جميله /مااعتقد حسب الاحساس والمشاعر
ايه /عندج مشاعر ام الخرفان
جميله /اويلي على المشاعر وذكرت حكمت وجريتها حسره
امي /ها جموله حسره عشك هاي اعرفها
جميله /لاياامي منيلي اروح بحالي وارجع بحالي ويني وين العشك
كمنه من الغده بس حسيت امي عدها شي
رحت للغرفه احضر الواجبات وافتح ملازمي كل ملزمه ولا الثانيه يالله شيخلصهن وشلون بيه
واجت عيني على ايدي وضليت صافنه عليهن كلت ولااكصهن خلي اشوف بالله شيحجي استاذ حكمت مسحت المنكير وفتحت الملازم وبديت انرجم واقره عسى
اذكرت عفيفه كلت ياا ماخابرت
ورحت ركض لتلفون
جميله /الو السلام عليكم منزل الاستاذ عبد الله
عبد الله /نعم وياج شخصيا
جميله/انا جميله صديقه عفيفه اذا امكن ممكن احاجيها
عبد الله /اهلا وسهلا نعم دقيقه خلي اصيحها
عفيفه /هلووو جميله شخبارج
جميله /ضل بالنه انا وخلود اليوم مداومتي
عفيفه /اي باجر احجيلكم
جميله /خير ان شاء الله
تدرين عفيفه اليوم صاحبنه ويه بتول طلعت فد حبابه كلش
عفيفه /صدك شمسويات من وراي شعاملات عفتكم يوم واحد وهجي
جميله /اذن المغرب يالله خلي اروح اصلي
عفيفه /مع السلامه وصلا ه المقبوله
سديت التلفون ورجعت باوعت الاضافري
كلت اله اخليهن اله اله
علي /شنو اله اله
جميله /هاااالاماكو شي دا احجي على الامتحان اله امتحان اله اله
علي /اي اله وتعالي شرحيلي العربي مدا اعرف هذا الموضوع
جميله /يدلل ابو حسين صار
شرحت العربي وخلصت ورجعت لغرفتي يالله شكد تعبانه وهلكانه اهووو مادرست خلي انا واكعد باليل ادرس
نمت وكعدت ب٣يالله خلي افتح الملزمه واقره وقريت ل٦ وذكرت الاستاذ الي كال عدنه كوز
فتحت الدفتر الي مخصصته لهاي الماده حتى اتاكد مابي شي ياربي شنو جان يقصد هذا الاستاذ
يالله بعد يومين عدنه المحتبر ونشوف
يتبع
